2 Corintios 9:10 - Kashibo-Kakataibo Biblia

¹⁰ Nucën Papa Dios, an ꞌapáti ñu bëru uni ꞌináncë, an ca ꞌapáxuan aín bimi piti oquin uni ꞌinania. Usaribi oquin ca anun uni itsi ꞌaquinti ñu mitsuribi ꞌinánti ꞌicën, camabi nëtë́nmi anun upí oquin uni ꞌaquinun.

Nukën 'Ibu Diosan ain unikama 'inan ain bana

¹⁰ Nucën Papa Dios, an 'apáti ñu bëru uni 'ináncë, an ca 'apáxuan aín bimi piti oquin uni 'inania. Usaribi oquin ca anun uni itsi 'aquinti ñu mitsuribi 'inánti 'icën, camabi nëtë́nmi anun upí oquin uni 'aquinun.

2 Corintios 9:10 ပူးပေါင်းရင်းမြစ်များ

Génesis 47:19

Usa ꞌain kamina min nun me këñunbi nu maruti ꞌain, trigo nu ꞌinánkin kamina biti ꞌain. Usa ꞌaish kananuna tëmëramikinbi faraón nun menuxunbi ñu mëëxunti ꞌain, usa ꞌain kamina min a piti ꞌimainun menu a ꞌapáti ñu bëru nu ꞌinánti ꞌain. Usakin ꞌakëxma ka me ꞌaisama ꞌiti ꞌikën. ¿Uisa kupín kaina min, nun me ëbiani bamatanun nu ënti ꞌain?

Eclesiastés 11:6

Min ñu ënxë ꞌapákin kamina ñantámashi ꞌati ꞌain, ꞌapunkin kamina xupinbukëbëtanribi ꞌapáti ꞌain, ꞌaínbi ka uin kara bari kuabuti ñantabukëbëtan ꞌaia an ka aín ñu bëru ꞌapákin këñuima, usa ꞌaínbi ka uínbi ꞌunanima uinu ꞌikë ax pain kara upiti bimiti ꞌikë, a pain ꞌapákë ax ꞌima kara tsiankin ꞌapákë ax ꞌiti ꞌikën, a pain ꞌapákë an ꞌakëbëtanma kara tsiankin ꞌapákë an upíokin tuati ꞌikën, ꞌakima kara ꞌaisamaira ꞌitánun a rabë́xunbi tuati ꞌikë kixun ka ꞌunanima.

Isaías 55:10

ꞌUí ꞌimainun nibí ax ka naíkamë ꞌëonuax ꞌibútankëx, me chaboima kuarutëkënkima me chabóia, usakin chabókëxa ñu bërukama komainun, a ꞌapátëkënti aín bimi biti axribi koia, komainun ka ꞌapáxun aín bimi piti akamaribi tuaia,

Mateo 6:1

ꞌËx upí ꞌicëa camabi unin isnun cana ñuñuma uni ñu ꞌinánti ꞌai quixun camina sinántima ꞌain. An usaquin sinánquin uni itsi ñu ꞌináncë uni a ca Nucën Papa Dios naínu ꞌicë, an upí isima.

2 Corintios 9:12

Usoquin ꞌaquinquin cananuna anun aín cuëëncë ñuñu ꞌinun ꞌinanin. Usaquin ꞌinánquin cananuna —asábi ca —caquin rabia Nucën Papa Diosmi sinánun acama ꞌaquinin.

2 Corintios 9:6

Ësa ca quixun camina sinánti ꞌain, an ñu bëru ꞌitsama ꞌapácë uni, an ca aín bimiribi ꞌitsamaribi bitsia. Usaribi oquin ca an ñu bëru ꞌitsa ꞌapácë uni an aín bimiribi ꞌitsa bitsia.

Gálatas 3:5

Nucën Papa Diosan ca aín Bëru Ñunshin Upí ꞌinánan uni itsían ꞌacëma ñu mitsu ꞌamia. ¿Uisa cupí cara mitsu usoquin ꞌamia? An ca usaquin ꞌaia, mitsúnmi Moisésnëan usai judíos unicama ꞌiti cuënëo bana cuacë cupíma mitsúxmi Jesucristo ñui quicë bana cuati, ax ca asérabi ꞌëbë ꞌicë quixun sinani, ami catamëcë cupí.

Efesios 5:9

Nucën ꞌIbu Jesucristonan ꞌaish ca uni upí sinánñu ꞌianan asérabi banáinshi bananan ñu upíshi ꞌaia. Usaribi camina mitsux ꞌiti ꞌain.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

1 Tesalonicenses 4:10

Usai ꞌiti ꞌunani camina mitsux Macedonia menu ꞌicë axa Jesucristomi catamëcë unicamabë nuibananin. Usa ꞌicëbi cananuna mitsux ꞌicësamairaimi camabi nëtën upitiira nuibananun quixun mitsu cain.