2 Corintios 9:1 - Kashibo-Kakataibo Biblia

^1-2 Cana ꞌunanin, ꞌën cacëxunmabi camina mitsúnbi cuëënquin axa Jesucristomi catamëcë unicama curíqui buánmiti sináncancën. Usaquinmi sináncë cupí cana mitsu ñuiquin —bëtsi baritian ca Acaya menu ꞌicë unicaman curíqui timëti sinánxa —quixun Macedonia menu ꞌicë unicama cain. Usaquin ꞌën ñuia cuaquin ca Macedonianu ꞌicë unicaman mitsun ꞌacësaribi oquin ꞌati sinánxa.

Nukën 'Ibu Diosan ain unikama 'inan ain bana

^1-2 Cana 'unanin, 'ën cacëxunmabi camina mitsúnbi cuëënquin axa Jesucristomi catamëcë unicama curíqui buánmiti sináncancën. Usaquinmi sináncë cupí cana mitsu ñuiquin —bëtsi baritian ca Acaya menu 'icë unicaman curíqui timëti sinánxa —quixun Macedonia menu 'icë unicama cain. Usaquin 'ën ñuia cuaquin ca Macedonianu 'icë unicaman mitsun 'acësaribi oquin 'ati sinánxa.

2 Corintios 9:1 ပူးပေါင်းရင်းမြစ်များ

Génesis 27:42

Usakian Esaúnën sinánkëbëtanbi ka Rebecanën ꞌunánkin, aín tuá ꞌanáka Jacob kamitankëxun ësokin kakëxa: —Ka kuat, min xukë́n Esaú ka ꞌaisamairai mimi nishkin mi ꞌati sinania usa ꞌain kana mi kain.

2 Reyes 22:18

Kanan kamina ësokin Judánu ꞌikë ꞌapu an Diosbë bananun mitsu xukë a kai kuanti ꞌain, Israel unikaman Dios ax ka ësairibi kiaxa: Min kamina a bana kuakin asérabi ka ax ꞌikë kixun sinan,

Mateo 22:31

Mitsúnmi —bama ꞌaish ca uni baísquitima ꞌicë —quixun sinania cana mitsu ñucatin, ¿Nucën Papa Diosan Moisés cuënëomia bana, ësaia quicë, a caramina iscëma ꞌain? A banax ca ësai quia:

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Romanos 11:28

Nucën Papa Diosan ca unicamax Cristomi catamëtia ainan ꞌimiti ꞌicë quixun sinántisama tancë ꞌaish ca judíos unibunëx ami nishcësa ꞌicën, mitsux paínmi judíosma uni ꞌaíshbi ainan ꞌitámainun. Usa ꞌaínbi ca Nucën Papa Diosan atun rara —mitsun rëbúnqui ca ꞌënan ꞌiti ꞌicë —quixun cá ꞌixun a bana manuquinma judíos unibu nuibatia.

Romanos 12:13

Axa Cristomi catamëcë uni ñuñuma ꞌaish ꞌaquinsa ꞌicë camina min ñu raíri ꞌinánti ꞌain. ꞌInánan camina axa min xubunu bëbacë uniribi pimianan anua ꞌuxtiribi ꞌinánti ꞌain.

Romanos 15:31

Uisabi ꞌë oxunma ꞌanuan Judea nëtënu ꞌicë axa Jesucristomi catamëcëma unicama sinánminun camina Nucën Papa Dios ñucáti ꞌain. Ñucánan camina ꞌën Jerusalénu ꞌicë axa Jesucristomi catamëcë unicama ꞌinánti buáncë curíquia atun cuëënquin binuan sinánminun Nucën Papa Dios ñucáti ꞌain.

Gálatas 2:10

Canan ca ësoquinshi nu cacëxa, —camina ñuñuma uni ꞌaquinti ꞌai —quixun. Usoquin ꞌati cana sináncën.

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

1 Tesalonicenses 5:1

Nucën xucë́antu, uisa nëtën ꞌianan cara uínsaran Nucën ꞌIbu Jesucristo utëcënti ꞌicë quixun cananuna mitsu cuënëoxuniman.

1 Juan 2:27

Atúxa usa ꞌaínbi ca Jesucristonën aín Bëru Ñunshin Upí mitsubëa ꞌinun ꞌináncë, ax mitsubë ꞌixun uni itsían ꞌunánmiamabi an mitsu ꞌunánmia. An mitsu ꞌunánmicë ñux ca asérabi ꞌaish cëmëma ꞌicën. Usa ꞌain camina aín Bëru Ñunshin Upitan ꞌunánmiquin sinánmicësabi oi camabi nëtën Cristobë ꞌiti ꞌain.

1 Samuel 20:23

Usa ꞌaínbi ka nu rabëtax kikë bana ax Nukën ꞌIbun ꞌunánkë ꞌaish uínsaranbi manukinma ñuikë ꞌiti ꞌikën.