2 Corintios 8:6 - Kashibo-Kakataibo Biblia

⁶ Macedonianu ꞌicë unían ꞌacë sinánquin cananuna an bëráma mitsúnmi Jerusalénu buánmiti curíqui biquinbi sënë́onma cupí, a sënë́onquin bitsia isía cuanun quixun Tito xutin.

Nukën 'Ibu Diosan ain unikama 'inan ain bana

⁶ Macedonianu 'icë unían 'acë sinánquin cananuna an bëráma mitsúnmi Jerusalénu buánmiti curíqui biquinbi sënë́onma cupí, a sënë́onquin bitsia isía cuanun quixun Tito xutin.

2 Corintios 8:6 ပူးပေါင်းရင်းမြစ်များ

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Romanos 15:25

Jerusalénu pan cana axa Jesucristomi catamëcë unicama ꞌinánti curíqui buani cuanin.

2 Corintios 12:18

Mitsu istánun cana Titocëñun axa Cristomi catamëcë uni itsiribi xuan. ¿Titon cara mitsu paranx? Titobëtan ca axa abë ꞌicë unin mitsu paráncëma ꞌicën. ꞌËn ꞌacësaribi oquin sinánquin ca atun ñu ꞌaxa.

2 Corintios 2:13

Cuëënia ñuixunti ꞌaíshbi cana nucën xucën Titobë mërananxma bënëti, anu ꞌicë unicama ëbiani, Macedonia menu cuan.

2 Corintios 8:10

Usa ꞌain cana ꞌën mitsu cacë cupímami mitsúxbi cuëënquin Jerusalénu ꞌicë unicama curíqui ꞌinánti sinan ꞌicë ësaquin mitsu cain: bëtsi baritian camina mitsun curíqui ꞌinánti sinani cuëëancën. Usaquin sinánxun atu ꞌinánti curíqui biquinbi camina sënë́oncanma ꞌain.

2 Corintios 8:19

A uni ca camabi ëmanuxun axa Jesucristomi catamëcë unicaman ënë ñu mëëti nu ꞌaquinia nubë cuanun caísaxa. Mitsúnmi usoquin ꞌináncë isquian unicaman Nucën ꞌIbu Jesús rabinun cananuna ënë curíqui bixun Jerusalénu ꞌicë unicama ꞌinani cuanin.

2 Corintios 8:23

An ꞌunáncëma unicaman —ui cara Tito ꞌicë —quixun ñucácëxun camina cati ꞌain, —an Pablobëtan ñu mëëquin mitsu ꞌaquinti uni ca ax ꞌicë —quixun. Canan camina abë cuancëcamaribi ñuiquian —ui cara —quixun ñucácëxun cati ꞌain, acamax ca axa Jesucristomi catamëcë unicaman xucë́xa cuancë ꞌicë quixun. Cristonën ꞌimicë ꞌixuan atun upí oquin ñu ꞌaia isquin ca —usa ca Cristonën uni ꞌicë —quixun camabi unin ꞌunania.

2 Corintios 8:4

ꞌItsa oquin ca ësoquin nu caxa: —Nunribi cananuna axa Jerusalénuax Jesucristomi catamëcë unicama ꞌaquinquin curíqui ꞌinántisa tani —quixun.

2 Corintios 9:5

Usa ꞌain cana ënë unicama atux pain cuanxuan, mitsun sinánsabi oquin curíqui timëti ꞌaquinun quixun rëcuë́onquin xuti sinan. Usoquin mitsun ꞌaia ca axa ꞌëbë cuancë unicaman ꞌunánti ꞌicën, nun sinánmicëxunmabi camina mitsúxbi cuëënquin curíqui Jerusalénu ꞌicë unicama ꞌinani quixun.

Filipenses 4:18

ꞌËmi bëmicë curíquicama cana bian. Anun ꞌën cuëëncë ñu bitiribi ca tëxëaxa. Epafroditonën ca mitsúnmi bëmicë curíquicama ꞌë ꞌinánxa. Mitsúnmi ainan cupí nuibaquin ꞌë usaquin ꞌinania isi ca Nucën Papa Dios cuëëanxa.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.