2 Corintios 8:4 - Kashibo-Kakataibo Biblia

⁴ ꞌItsa oquin ca ësoquin nu caxa: —Nunribi cananuna axa Jerusalénuax Jesucristomi catamëcë unicama ꞌaquinquin curíqui ꞌinántisa tani —quixun.

Nukën 'Ibu Diosan ain unikama 'inan ain bana

⁴ 'Itsa oquin ca ësoquin nu caxa: —Nunribi cananuna axa Jerusalénuax Jesucristomi catamëcë unicama 'aquinquin curíqui 'inántisa tani —quixun.

2 Corintios 8:4 ပူးပေါင်းရင်းမြစ်များ

Mateo 10:42

Ax ꞌën uni ꞌaísha ꞌëmi upiti catamëcë ꞌicëmabi axa shimaia isquin —ax ca Jesucristonën uni ꞌicë —quixun sinánquin ꞌumpax ꞌináncë uni a ca Nucën Papa Diosan upí isia.

Mateo 12:50

Uicaman cara Nucën Papa Dios naínu ꞌicë ax cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Marcos 14:7

Camabi nëtën camina ñuñuma uni isin. Isquin camina ꞌaquinsa tanquin ꞌaquinquin ñu ꞌinánti ꞌain. Usa ꞌaínbi camina mitsun xënibuquin ꞌë istima ꞌain.

Hechos 11:29

Usai ꞌicëbëa Judeanu ꞌicë axa Jesucristomi catamëcë unicamax atun piti ñuñuma ꞌicë ñuicania cuaxun ca Antioquíanu ꞌicë unicaman curíqui atu buánmiti sináncëxa, axa ꞌitsa curíquiñucaman uiti cara nainsa tania ꞌati nanmainun uicamax cara ꞌitsamashi curíquiñu ꞌicë acamanribi uiti cara nainsa tania ꞌati nantancëxun.

Hechos 16:15

Sinánmicëx Jesucristomi catamëti ca Lidia, aín xubunu ꞌicëcamabë, nashimicë ꞌiacëxa. Nashimicë ꞌixun ca nu cacëxa: —Mitsun, ꞌëx cana asérabi Jesucristonan ꞌain quixun sinani camina ꞌën xubunu ꞌiti ꞌain. Usaquin nu caía nux anu ꞌiti cuëëncëbë cananuna anu ꞌiacën.

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Romanos 15:31

Uisabi ꞌë oxunma ꞌanuan Judea nëtënu ꞌicë axa Jesucristomi catamëcëma unicama sinánminun camina Nucën Papa Dios ñucáti ꞌain. Ñucánan camina ꞌën Jerusalénu ꞌicë axa Jesucristomi catamëcë unicama ꞌinánti buáncë curíquia atun cuëënquin binuan sinánminun Nucën Papa Dios ñucáti ꞌain.

1 Corintios 16:1

Axa Jesucristomi catamëcë unicama curíqui ꞌinánti ñuiquinmi ꞌë ñucácëxun cana mitsu cain, ꞌën Galacia menu ꞌicë unicama cacësabi oquin camina mitsúnribi curíqui ꞌinánti ꞌain.

1 Corintios 16:15

ꞌËn xucë́antu, camina ꞌunanin, Acaya menu ꞌicë raírinëxa ꞌicëma pan ꞌain ca Estéfana ꞌimainun aín xubunu ꞌicëcamax Jesucristomi catamëacëxa. Ami sinánquin ca axa Jesucristomi catamëcë unicama ꞌaquinquin ñu ꞌaxunia. —Ësaquin nun ꞌati ënëx ca nun ñu mëëti ꞌicë —quixun ca sinánxa.

2 Corintios 9:1

Cana ꞌunanin, ꞌën cacëxunmabi camina mitsúnbi cuëënquin axa Jesucristomi catamëcë unicama curíqui buánmiti sináncancën. Usaquinmi sináncë cupí cana mitsu ñuiquin —bëtsi baritian ca Acaya menu ꞌicë unicaman curíqui timëti sinánxa —quixun Macedonia menu ꞌicë unicama cain. Usaquin ꞌën ñuia cuaquin ca Macedonianu ꞌicë unicaman mitsun ꞌacësaribi oquin ꞌati sinánxa.

Gálatas 2:10

Canan ca ësoquinshi nu cacëxa, —camina ñuñuma uni ꞌaquinti ꞌai —quixun. Usoquin ꞌati cana sináncën.

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.