2 Corintios 8:3 - Kashibo-Kakataibo Biblia

³ ꞌËnbi cana uisoquin cara atun curíqui ꞌinánxa quixun ꞌunan. Cuëënquin ca a ꞌinánti a ꞌinánanbi ainan ꞌitia nancë aribi ꞌinánxa.

Nukën 'Ibu Diosan ain unikama 'inan ain bana

³ 'Ënbi cana uisoquin cara atun curíqui 'inánxa quixun 'unan. Cuëënquin ca a 'inánti a 'inánanbi ainan 'itia nancë aribi 'inánxa.

2 Corintios 8:3 ပူးပေါင်းရင်းမြစ်များ

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Marcos 14:8

An ꞌë usaquin ꞌaisa tanquin ca ꞌë ꞌaxa. Bamacë maínuxun usoquin unin ꞌati tanquin ca ënë xanun ꞌë ron ꞌaxa.

Hechos 11:29

Usai ꞌicëbëa Judeanu ꞌicë axa Jesucristomi catamëcë unicamax atun piti ñuñuma ꞌicë ñuicania cuaxun ca Antioquíanu ꞌicë unicaman curíqui atu buánmiti sináncëxa, axa ꞌitsa curíquiñucaman uiti cara nainsa tania ꞌati nanmainun uicamax cara ꞌitsamashi curíquiñu ꞌicë acamanribi uiti cara nainsa tania ꞌati nantancëxun.

Romanos 10:2

Cana mitsu cain, atun ca asérabi Nucën Papa Dios cuëënmisa tania. Usa ꞌixunbi ca uisoquin cara atun a cuëënmiti ꞌicë quixun ꞌunaníma.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.

1 Corintios 9:17

Nucën Papa Diosan ca Jesucristo cupía unicama ainan ꞌinun ië́miti ꞌicë quicë bana, a ꞌëxbi cuëënquin ñuixuncë ꞌixun cana cupí biti sinántsian. ꞌIxunbi cana ꞌënbi sináncëma, an ꞌë a bana ñuixunun ꞌë cacë cupí, an cacësabi oquinshi ꞌati ꞌain.

Gálatas 4:15

ꞌË isi camina cuëëancën. ¿Usai ꞌiá ꞌaíshbi caramina bërí uisacatsi usama ꞌain? Usama ꞌaínbi cana ꞌunanin, usoti ꞌicë cuni camina mitsun bëru ëchíxun ꞌë ꞌinan ꞌitsían.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

Colosenses 4:13

Cana mitsu cain, ꞌënbi cana ꞌunanin, Epafrasnën ca mitsu ꞌimainun axa Laodicea ꞌimainun Hierápolis ëmanuax Jesúsmi sináncë unicama ꞌitsaira sinánquin, camabi nëtën ënquinma Nucën Papa Dios ñucáxunia.

1 Tesalonicenses 2:8

Usa ꞌixun cananuna ꞌitsaira nuibaquin, Jesucristomi catamëti ië́ti banaishi ñuixunquinma Nucën Papa Diosan nu ꞌunánmicë ñucamaribi mitsu ꞌunánmisaira tan. Usa ꞌixun cananuna nuibairaquin mitsu ꞌitsaira sinanin.

Filemón 1:14

Usa ꞌixunbi cana mi ñucácëma pain ꞌixun a bërúncëma ꞌain. ꞌËx cuëënquinbi, ꞌën mi ñucácëxunmabimi mix cuëënquin a ꞌë ñu ꞌamixunti cana sinanin.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

1 Pedro 5:2

Atun cushicama ꞌixun camina Nucën Papa Diosan unicama bana ñuixunquin, atúxa upí nuituñu ꞌaish chuámarua bucunun ꞌaquinti ꞌain. An carnero bërúancë unin aín carnero ꞌacësaribi oquin camina a unicama upía ꞌinun bërúanti ꞌain. Usoquinmi ꞌanúan mitsu unin caíscë cupíshima camina asérabi ꞌaisa tanquin ꞌati ꞌain. ꞌAnan camina curíqui biti sinánxuinshima minbi asérabi ꞌaquinsa tanquin ꞌati ꞌain.