2 Corintios 8:23 - Kashibo-Kakataibo Biblia

²³ An ꞌunáncëma unicaman —ui cara Tito ꞌicë —quixun ñucácëxun camina cati ꞌain, —an Pablobëtan ñu mëëquin mitsu ꞌaquinti uni ca ax ꞌicë —quixun. Canan camina abë cuancëcamaribi ñuiquian —ui cara —quixun ñucácëxun cati ꞌain, acamax ca axa Jesucristomi catamëcë unicaman xucë́xa cuancë ꞌicë quixun. Cristonën ꞌimicë ꞌixuan atun upí oquin ñu ꞌaia isquin ca —usa ca Cristonën uni ꞌicë —quixun camabi unin ꞌunania.

Nukën 'Ibu Diosan ain unikama 'inan ain bana

²³ An 'unáncëma unicaman —ui cara Tito 'icë —quixun ñucácëxun camina cati 'ain, —an Pablobëtan ñu mëëquin mitsu 'aquinti uni ca ax 'icë —quixun. Canan camina abë cuancëcamaribi ñuiquian —ui cara —quixun ñucácëxun cati 'ain, acamax ca axa Jesucristomi catamëcë unicaman xucë́xa cuancë 'icë quixun. Cristonën 'imicë 'ixuan atun upí oquin ñu 'aia isquin ca —usa ca Cristonën uni 'icë —quixun camabi unin 'unania.

2 Corintios 8:23 ပူးပေါင်းရင်းမြစ်များ

Lucas 5:10

Jacobo ꞌimainun Juan, Zebedeonën bëchicë, an Simón Pedrobëtan tsatsa bicë, axribi ca ratuti sináncasmacëxa. Sináncasmaiabi ca Jesusan Simón Pedro cacëxa: —Racuë́axma ca ꞌit. Mix an tsatsa bicë uni ꞌixunbi camina bërí ꞌën ꞌimicëxun Nucën Papa Diosan bana ñuixunquin uni ꞌëmi sinánmiti ꞌain.

Lucas 5:7

Usaía ꞌia isquin ca Simónbëtan abë ꞌicë unicaman nunti itsinua ꞌicë unicama mëcënan sanánquin —nu ca ꞌaquini ut —quixun cacëxa. Cacëx uxun ca camaxunbi tsatsa biquin puruquin nanë́ntisaira oquin a manë nunti rabë́ buácacëxa.

Juan 13:16

Asérabi cana ꞌën mitsu cain, “an uni ñu mëëxuncë uni an ca an a ñu mëëmicë uni inuíma”. Usaribiti ca a xucë uni, ax an xucë abë sënë́nma ꞌicën.

1 Corintios 11:7

Nucën Papa Diosan ca asaribi ꞌitánun uni uniocëxa. Usa ꞌain ca Nucën Papa Diosan asaribi ꞌinun unio ꞌaish uni mapútima ꞌicën. Usa ꞌaínbi ca Nucën Papa Diosan an uni ꞌaquinti oquin xanu uniocëxa.

2 Corintios 12:18

Mitsu istánun cana Titocëñun axa Cristomi catamëcë uni itsiribi xuan. ¿Titon cara mitsu paranx? Titobëtan ca axa abë ꞌicë unin mitsu paráncëma ꞌicën. ꞌËn ꞌacësaribi oquin sinánquin ca atun ñu ꞌaxa.

2 Corintios 7:6

Usai ꞌiabi ca Nucën Papa Dios, an uni tëmërai masá nuitutiabi chuámarua ꞌinun ꞌimicë, an Tito mitsunuax ënu unun mëníoxun nu chuámarua ꞌimiaxa.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.

2 Corintios 8:18

Bëtsi uniribi —an ca upí oquin Cristo ñuiquin bana ñuixunia —quixuan camabi ëmanuxun ꞌunáncancë, aribi cananuna Titobë cuanun xutin.

2 Corintios 8:19

A uni ca camabi ëmanuxun axa Jesucristomi catamëcë unicaman ënë ñu mëëti nu ꞌaquinia nubë cuanun caísaxa. Mitsúnmi usoquin ꞌináncë isquian unicaman Nucën ꞌIbu Jesús rabinun cananuna ënë curíqui bixun Jerusalénu ꞌicë unicama ꞌinani cuanin.

2 Corintios 8:22

Tito ꞌimainun ꞌën mitsu ñuixuncë uni, acëñun cananuna bëtsi uniribi mitsunu cuanun xutin. Ax ca Cristomi catamëcë ꞌaish nun xucën ꞌixun nu upí oquin ñu ꞌaxúanxa. Mitsun camina Jerusalénu ꞌicë unicama curíqui buánmisa tani quixun ꞌunani ca axribi mitsu ꞌaquini cuainsa tania.

2 Corintios 8:6

Macedonianu ꞌicë unían ꞌacë sinánquin cananuna an bëráma mitsúnmi Jerusalénu buánmiti curíqui biquinbi sënë́onma cupí, a sënë́onquin bitsia isía cuanun quixun Tito xutin.

Filipenses 2:25

Nun xucën Epafrodito, ami mitsun ꞌëa ꞌaquinun xucë, a mitsunu cuanun xuti ca asábi ꞌiti ꞌicë quixun cana sinan. Suntárunëan tëmëraquinbi aín capitanën bana tancësaribi oquin ca Epafroditonën Jesucristonën bana quicësabi oquin racuë́quinma ꞌanan ꞌëbëtan unicama bana ñuixuanxa.

Filipenses 4:3

An ꞌëbëtan Jesucristo ñuiquin uni bana ñuixuncë a cana ësoquin cain, ënë xanu rabë́ camina bëtsibë upí ꞌinun ꞌaquinti ꞌain. Atun ca ꞌë ꞌimainun Clemente, ꞌimainun anribia ꞌën ꞌacësaribi oquin aín bana ñuixuncë a unicamabëtan, Jesucristomia sinánun unicama ꞌaquianxa. An usoquin uni ꞌaquincë unicaman anë ca Nucën Papa Diosbë ꞌitioquian aín nëtënu ꞌicë quiricanu cuënëo ꞌicën.

Colosenses 1:7

A bana ca nun nuibacë Epafrasnën, axribi nubëtan uni bana ñuixuncë ꞌixun nux cuancëbëtanmabi ñuixunquin upí oquin mitsu ꞌunánmiaxa.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Tito 1:4

Tito, ꞌën cana ënë quirica mi buanmin. ꞌËx ami sináncësaribi oi mixribi Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibacëxmi ainan ꞌaish chuámarua ꞌiti cana cuëënin.

Filemón 1:17

Usa ꞌain camina —ꞌëx cana Pablobë nuibanancë ꞌai —quixun sináncë ꞌixun minmi ꞌë bicësaribi oquin a biti ꞌain.

Filemón 1:24

ꞌImainun ca an ëbëtan bana uni ñuixuncë unicama Marcos, Aristarco, Demas, Lucas, acamanribi bërúanxmi ꞌinun mi canun quixun ꞌë caxa.

3 Juan 1:8

Usa ꞌain cananuna nunbi atu ꞌaquinti ꞌain, Nucën Papa Diosan bana upí oquin ñuia ninun.