2 Corintios 8:21 - Kashibo-Kakataibo Biblia

²¹ Nun cananuna ënë curíquicama mëcamaquinma upí oquin buánti ꞌai quixun Nucën ꞌIbu Diosan ismainuan unicamanribi ꞌunánti cananuna cuëënin.

Nukën 'Ibu Diosan ain unikama 'inan ain bana

²¹ Nun cananuna ënë curíquicama mëcamaquinma upí oquin buánti 'ai quixun Nucën 'Ibu Diosan ismainuan unicamanribi 'unánti cananuna cuëënin.

2 Corintios 8:21 ပူးပေါင်းရင်းမြစ်များ

1 Reyes 18:34

Purutankëxun ka Israel unikama kakëxa: —Rabë́ ꞌimainun rabë́ chumu ꞌumpax bëxun kamina vaca bakë rëxun nankë akëñun anu nankë karu tíkati bukúnkë aribi ꞌaimakin chabokanti ꞌain, kixun kakëxua chabóia ka amiribishi kamina rabë́ okin chabotëkënti ꞌain kixun kakëxa, kakëxun ka atun usokin rabë́ ꞌimainun achúshi okin chabókëxa.

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Mateo 6:1

ꞌËx upí ꞌicëa camabi unin isnun cana ñuñuma uni ñu ꞌinánti ꞌai quixun camina sinántima ꞌain. An usaquin sinánquin uni itsi ñu ꞌináncë uni a ca Nucën Papa Dios naínu ꞌicë, an upí isima.

Mateo 6:4

Raíri unin isnunma camina uni ñu ꞌinánti ꞌain. Usaquinmi ꞌaia isi ca Nucën Papa Dios, an camabi unin ñu ꞌaia iscë, ax cuëënti ꞌicën. Cuëënquin ca mi upí oquin sinánxunti ꞌicën.

Romanos 12:17

An paían mimi nishquin ꞌatimocëxunbi camina uisa uni cara, abi mixribi ami nishquin aribi cupitima ꞌain. Mitsun camina usa ñu ꞌati ca upí ꞌicë quixuan camabi unin ꞌunáncë a ñucamaishi ꞌati ꞌain.

Romanos 14:18

Usai ꞌicë unicamax ca Cristo cuëëncësabi oquin ꞌacë ꞌaish Nucën Papa Diosan iscëx upí ꞌianan unínribia iscëx upí ꞌicën.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

2 Corintios 8:20

Unían nunan ꞌinun a curíqui biisa sinánquin nu ñuiti rabanan ca a uni nubë cuania.

2 Corintios 8:22

Tito ꞌimainun ꞌën mitsu ñuixuncë uni, acëñun cananuna bëtsi uniribi mitsunu cuanun xutin. Ax ca Cristomi catamëcë ꞌaish nun xucën ꞌixun nu upí oquin ñu ꞌaxúanxa. Mitsun camina Jerusalénu ꞌicë unicama curíqui buánmisa tani quixun ꞌunani ca axribi mitsu ꞌaquini cuainsa tania.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Tesalonicenses 5:22

Uisa ñucamax cara ꞌatima ꞌicë, acama ënquin camina uisa ñu ꞌatimaratsubi ꞌatima ꞌicanin.

1 Timoteo 3:7

Axa Jesucristomi catamëcë unicaman cushi ax ca axa Jesúsmi sináncëma unínbia —ax ca upí nuituñu ꞌicë —quixun ꞌunáncë ꞌiti ꞌicën. Usama ꞌicë ca unia a ñui ꞌatimati banamainun ñunshin ꞌatimanën ꞌapúnribi ñu ꞌatima ꞌamiti ꞌicën.

1 Timoteo 5:14

Usaía ꞌitima cupí cana cuëënin, xutani ꞌaísha ax casunamëcë xanux ca bënuti ꞌicën. Bënutancëxun tuatancëxun ca aín tuá ꞌimainun aín xubunu ꞌicë ñucama upí oquin bërúanan, aín bënëribi ꞌaquinti ꞌicën. Usaquian ꞌacëbë ca axa Jesucristomi sináncëma unicama a xanu ñui ꞌatimati banatima ꞌicën.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

Rut 3:14

Usakian kakëx ka a imë́ Booznën taëmiu ꞌuxi rakabuakëxa. Usaia ꞌikë a pëkarati xabakuatsini pëkara iratisama ꞌaínshi niruax ka Booznëan usai ꞌinun kónkësabi oi kuankëxa: ꞌAínbi ka ënë xanu ka naënu kuanxa kixun uínbi ꞌunántima ꞌikë kixun kakësabi oi ꞌiakëxa.