2 Corintios 8:18 - Kashibo-Kakataibo Biblia

¹⁸ Bëtsi uniribi —an ca upí oquin Cristo ñuiquin bana ñuixunia —quixuan camabi ëmanuxun ꞌunáncancë, aribi cananuna Titobë cuanun xutin.

Nukën 'Ibu Diosan ain unikama 'inan ain bana

¹⁸ Bëtsi uniribi —an ca upí oquin Cristo ñuiquin bana ñuixunia —quixuan camabi ëmanuxun 'unáncancë, aribi cananuna Titobë cuanun xutin.

2 Corintios 8:18 ပူးပေါင်းရင်းမြစ်များ

Romanos 16:4

Atun ca, —Pablo ꞌaquini sapi cananuna bamati ꞌai —quixun ꞌunánquinbi ꞌë bamati ꞌicëbi ꞌaquinquin ië́miaxa. Usaquin ꞌë ꞌacë cupí cana —asábi ca —quixun cain. ꞌËinshima ca judíosma unicama a ꞌën bana ñuixuncë, acamanribi, Priscilabëtan Aquilanën ꞌë ꞌaquincë cupí, —asábi ca —quixun cai cuëënia.

1 Corintios 16:3

Mitsúnmi nancë curíquia an Jerusalénu buánti camina uni raíri caísti ꞌain. Usa ꞌain cana bëbaquin, ꞌën a unicama mitsúnmi nancë curíqui acëñun uisa cupí cara atux cuania quixun caquin cuënëoxun quirica ꞌinánquin, Jerusalénua a buani cuantánun xuti ꞌain.

1 Corintios 4:17

Mitsúxmi ꞌëx ꞌicësaribiti ꞌinun cana Timoteo mitsu istánun xuan. ꞌËn bana ñuia cuati axribi asérabi Nucën ꞌIbu Jesucristomi catamëcë ꞌaish ca ꞌën nuibacë bëchicësa ꞌicën. Mitsunu cuanxun ca uisai carana ꞌëx Jesucristomi catamëcë ꞌaish ꞌi, a mitsu ñuixunti ꞌicën. Camabi ëmanuaxa timë́cë axa Jesucristomi catamëcë unicama a cana usai cana ꞌëx Jesucristomi catamëti ꞌi quixun ꞌunánmin.

1 Corintios 7:17

Nucën ꞌIbu Dios cuëëncësabi oi camina a nëtë́an an mitsu ainan ꞌimicë, usaíbi ꞌiti ꞌain. Usoquin cana camabi ëmanu ꞌicë axa Jesucristomi catamëcë unicama cain.

2 Corintios 12:18

Mitsu istánun cana Titocëñun axa Cristomi catamëcë uni itsiribi xuan. ¿Titon cara mitsu paranx? Titobëtan ca axa abë ꞌicë unin mitsu paráncëma ꞌicën. ꞌËn ꞌacësaribi oquin sinánquin ca atun ñu ꞌaxa.

2 Corintios 2:12

Troas ëmanuxun Cristo ñuiquin bana ñuixunux bëbatancëxun, ax cuëëncësabi oquin ꞌën ñuixuncëxun cuati ca unicama cuëëanxa.

2 Corintios 8:19

A uni ca camabi ëmanuxun axa Jesucristomi catamëcë unicaman ënë ñu mëëti nu ꞌaquinia nubë cuanun caísaxa. Mitsúnmi usoquin ꞌináncë isquian unicaman Nucën ꞌIbu Jesús rabinun cananuna ënë curíqui bixun Jerusalénu ꞌicë unicama ꞌinani cuanin.