2 Corintios 8:12 - Kashibo-Kakataibo Biblia

¹² Curíquiñu ꞌixun unin ꞌinántisa tanquin ꞌinánti ax ca Nucën Papa Diosan iscëx asábi ꞌicën. Usaribiti ca curíquiñuma ꞌixun unin ꞌinántisa tanquinbi ꞌináncëma, axribi Nucën Papa Diosan iscëx asábi ꞌicën.

Nukën 'Ibu Diosan ain unikama 'inan ain bana

¹² Curíquiñu 'ixun unin 'inántisa tanquin 'inánti ax ca Nucën Papa Diosan iscëx asábi 'icën. Usaribiti ca curíquiñuma 'ixun unin 'inántisa tanquinbi 'ináncëma, axribi Nucën Papa Diosan iscëx asábi 'icën.

2 Corintios 8:12 ပူးပေါင်းရင်းမြစ်များ

Mateo 25:17

Usaribi oquin ca an ꞌitsatani, rabë́ mil curíqui bicë uni an bëtsi rabë́ mil curíquiribi biaxa.

Mateo 25:22

Usaquian cacëbë uquin ca an rabë́ mil curíqui bicë uni an bicë curíquicama bëquin caxa: Min camina ꞌë rabë́ mil curíqui ꞌinan. Usa ꞌaínbi cana anun ñu bixun marutancëxun bëtsi rabë́ mil curíquiribi bian. Acama ca ënëx ꞌicën.

Lucas 16:10

ꞌItsama curíquiñu ꞌixunbia nëtë́miquinma upí oquin sinánquin, anun upí ñu ꞌacë uni an ca ꞌitsa curíquiñu ꞌixun usabi oquin upí oquin sinánquin nëtë́miquinma anun upí ñu ꞌati ꞌicën. ꞌImainun ca ꞌitsama curíquiñu ꞌixunbia nëtë́mianan upí oquin sinánquinma anun ꞌaisama ñu ꞌacë uni, an ꞌitsa curíquiñu ꞌixun usabi oquin nëtë́mianan anun ꞌaisama ñu ꞌati ꞌicën.

2 Corintios 8:11

Sënë́onma ꞌixun camina bërí sënë́oncanti ꞌain. Uiti curíquiñu caramina ꞌicanin, a camina mitsúnbi sinánquin, mësú ꞌinánti ꞌain. Mitsúxmi a ꞌati sinani cuëëansabi oquin sënë́onquin ꞌinani camina cuëëncanti ꞌain.

2 Corintios 8:13

Atu curíqui ꞌinántancëxmi mitsux curíquiñuma ꞌinun cana mitsu caiman. Mitsux ꞌicësaribitia atúxribi ñuñu ꞌiti cupíshi cana mitsu cain.

2 Corintios 8:19

A uni ca camabi ëmanuxun axa Jesucristomi catamëcë unicaman ënë ñu mëëti nu ꞌaquinia nubë cuanun caísaxa. Mitsúnmi usoquin ꞌináncë isquian unicaman Nucën ꞌIbu Jesús rabinun cananuna ënë curíqui bixun Jerusalénu ꞌicë unicama ꞌinani cuanin.

2 Corintios 9:7

Usa ꞌain camina mitsúnbi mitsun nuitu mëu upí oquin sinántancëxun ꞌinánti ꞌain. Sinánquinbi ꞌinántisama tanquin camina ꞌinántima ꞌain. Usaribi oquin camina uni itsían mi cacëxuinshi ꞌinántima ꞌain. Nucën Papa Diosan ca an asérabi cuëënquin uni ñu ꞌináncë uni a nuibatia.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.