2 Corintios 8:10 - Kashibo-Kakataibo Biblia

¹⁰ Usa ꞌain cana ꞌën mitsu cacë cupímami mitsúxbi cuëënquin Jerusalénu ꞌicë unicama curíqui ꞌinánti sinan ꞌicë ësaquin mitsu cain: bëtsi baritian camina mitsun curíqui ꞌinánti sinani cuëëancën. Usaquin sinánxun atu ꞌinánti curíqui biquinbi camina sënë́oncanma ꞌain.

Nukën 'Ibu Diosan ain unikama 'inan ain bana

¹⁰ Usa 'ain cana 'ën mitsu cacë cupímami mitsúxbi cuëënquin Jerusalénu 'icë unicama curíqui 'inánti sinan 'icë ësaquin mitsu cain: bëtsi baritian camina mitsun curíqui 'inánti sinani cuëëancën. Usaquin sinánxun atu 'inánti curíqui biquinbi camina sënë́oncanma 'ain.

2 Corintios 8:10 ပူးပေါင်းရင်းမြစ်များ

Mateo 10:42

Ax ꞌën uni ꞌaísha ꞌëmi upiti catamëcë ꞌicëmabi axa shimaia isquin —ax ca Jesucristonën uni ꞌicë —quixun sinánquin ꞌumpax ꞌináncë uni a ca Nucën Papa Diosan upí isia.

Juan 11:50

Nua unin bëtsi bëtsi oquin ancëcëxnu ꞌura ꞌicë nëtëcamanu cuani tsuáquiti ca ꞌaisama ꞌicën. Usai ꞌimanu nux upitax bucuti cupía uni achúshi bamati ca asábi ꞌiti ꞌicën. Usai ca ꞌiti ꞌicë quixun camina mitsun sinaniman.

Juan 16:7

Usai ꞌiabi cana asérabi mitsu cain, upitaxmi ꞌë cupí ꞌicanun cana ꞌëx cuanin. ꞌËx cuancëbëma ca an uni ꞌaquinti, Nucën Papa Diosan Bëru Ñunshin Upí, ax mitsubë ꞌi utima ꞌicën. Usa ꞌaínbi cana ꞌëx cuanquin a xuti ꞌain.

Juan 18:14

Caifás ax ca —nuxnu upitax bucunuan achúshi uni bamati ca asábi ꞌiti ꞌicë —quixuan an judíos ꞌapucama cacë a ꞌiacëxa.

1 Corintios 10:23

Ënë banax ca asérabi ꞌicën, “Unin ca aín cuëëncësa oquin ñu ꞌati ꞌicën”. Usa ꞌaínbi cananuna nux asábi ꞌiisa tanquin camabi ñuira ꞌatima ꞌain. Asérabi ca “unin aín cuëëncësa oquin ñu ꞌati ꞌicë” ꞌaínbi cananuna nux Jesusan bana quicësabi oi ꞌiisa tanquin camabi ñuira ꞌatima ꞌain.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.

1 Corintios 6:12

Asérabi ca ënë bana quia, “unin ca aín cuëëncësoquin ñu ꞌati ꞌicën”. Usa ꞌaínbi cana ꞌëx upí ꞌiisa tanquin camabi ñuira ꞌatima ꞌain. Unin ca aín cuëëncësoquin ñu ꞌati ꞌicën. Usa ꞌaínbi cana unían ñunshínquin ꞌacësoquin ñu ꞌatima ꞌaisama tanin.

1 Corintios 7:25

Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

1 Corintios 7:40

Usa ꞌaínbi ca ꞌën sináncëx bënëñu ꞌaish ꞌicësamairai bënëñuma ꞌaish chuámarua tani cuëënti ꞌicën. ꞌËn sináncëxun ca Nucën Papa Diosan Bëru Ñunshin Upitan usaquin ꞌë sinánmiaxa.

2 Corintios 12:1

ꞌËx rabiacacë ꞌaíshbi ca ñancáishi ꞌiti ꞌicën. Usa ꞌaínbi cana ꞌën namáquin iscësa oquin Nucën ꞌIbu Jesucristonën ismicë ñu ꞌimainun an ꞌë sinánmicë ñu a ñuiti ꞌain.

2 Corintios 8:6

Macedonianu ꞌicë unían ꞌacë sinánquin cananuna an bëráma mitsúnmi Jerusalénu buánmiti curíqui biquinbi sënë́onma cupí, a sënë́onquin bitsia isía cuanun quixun Tito xutin.

2 Corintios 8:8

Usoquin ꞌati cuëënquinmabimi ꞌanun quixun cana mitsu caiman. Macedonianu ꞌicë unicaman ca cuëënquin axa Jerusalénuax Jesucristomi catamëcë unicama curíqui ꞌinania quixunmi ꞌunánun quixuinshi cana mitsu can. Usoquin ꞌunánquin camina ꞌunánti ꞌain, caramina asérabi Jerusalénu ꞌicë unicama nuibati ꞌai quixun.

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.

Hebreos 13:16

Rabianan camina uni raíri ꞌaquinquin ñu upí ꞌati manutima ꞌain. Ñuñuma uniribi camina nuibaquin min ñu mësú ꞌinánti ꞌain. Unían usaquin ꞌaia isi ca Nucën Papa Dios cuëënia.