2 Corintios 8:1 - Kashibo-Kakataibo Biblia

¹ ꞌËn xucë́antu, mitsúnmi ꞌunánun cana mitsu caisa tanin, Macedonia nëtënu ꞌicë unicamax ca ainan ꞌaish ësai Nucën Papa Diosan sinánmicëx ꞌia.

Nukën 'Ibu Diosan ain unikama 'inan ain bana

¹ 'Ën xucë́antu, mitsúnmi 'unánun cana mitsu caisa tanin, Macedonia nëtënu 'icë unicamax ca ainan 'aish ësai Nucën Papa Diosan sinánmicëx 'ia.

2 Corintios 8:1 ပူးပေါင်းရင်းမြစ်များ

Mateo 25:22

Usaquian cacëbë uquin ca an rabë́ mil curíqui bicë uni an bicë curíquicama bëquin caxa: Min camina ꞌë rabë́ mil curíqui ꞌinan. Usa ꞌaínbi cana anun ñu bixun marutancëxun bëtsi rabë́ mil curíquiribi bian. Acama ca ënëx ꞌicën.

Hechos 11:23

Xucëx cuanx bëbaquin, Nucën Papa Diosanbia atu judíos uni ꞌicëmabi chuámarua ꞌaísha upí nuituñu ꞌinun ainan ꞌimicë isi ca Bernabé cuëëancëxa. Cuëënquin ca ꞌësëquin cacëxa: —Mitsúnmi bëráma ꞌacë ñu ꞌatëcëníma camina Nucën ꞌIbu Jesús ami ëníma catamëti ꞌain.

Hechos 16:9

Bëbaxun ca Pablonën imë́ namáquin iscësoquin Macedonia menu ꞌicë uni achúshia nicë isacëxa. Iscëxun ca cacëxa: Macedonia ënu uxun camina nu ꞌaquinti ꞌain.

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Romanos 15:26

A curíqui ca Macedonia ꞌimainun Acaya nëtënuaxa ax Jesucristomi catamëcë unicaman Jerusalénu ꞌicë ñuñuma unicama a buánmiti timëaxa.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

2 Corintios 11:9

Mitsubë ꞌaish ñuñuma ꞌixunbi cana mitsu ñu ñucácëma ꞌain. Macedonianuaxa ucë axa Jesucristomi catamëcë unicaman cuni ca ꞌën cuëëncë ñucama ꞌë ꞌinánxa. ꞌËn mitsu ꞌacësabi oquin cana mitsu ñu ñucátima ꞌain.

2 Corintios 9:12

Usoquin ꞌaquinquin cananuna anun aín cuëëncë ñuñu ꞌinun ꞌinanin. Usaquin ꞌinánquin cananuna —asábi ca —caquin rabia Nucën Papa Diosmi sinánun acama ꞌaquinin.

2 Corintios 9:4

Macedonianu ꞌicë unían ꞌëbë mitsunu cuanxun iscëxbi nun sináncësabi oquin mitsun ꞌacëma ꞌain cananuna rabínti ꞌain. A ñucama mitsun sináncësabi oquin ꞌacëma ꞌaish camina nux ꞌicësamairai rabíncanti ꞌain. Usaínu ꞌitima cupí cana ënë unicama mitsunu cuanun xutin.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

1 Tesalonicenses 4:10

Usai ꞌiti ꞌunani camina mitsux Macedonia menu ꞌicë axa Jesucristomi catamëcë unicamabë nuibananin. Usa ꞌicëbi cananuna mitsux ꞌicësamairaimi camabi nëtën upitiira nuibananun quixun mitsu cain.