2 Corintios 7:8 - Kashibo-Kakataibo Biblia

⁸ A quirica buánmixun cana mitsu masá nuitumian. Usa ꞌaínbi cana, a quirica buánmiti ca ꞌaisama ꞌicë quixun pain sinánxunbi bërí ꞌunanin, ꞌaisamairai camina masá nuitucancëma ꞌai quixun.

Nukën 'Ibu Diosan ain unikama 'inan ain bana

⁸ A quirica buánmixun cana mitsu masá nuitumian. Usa 'aínbi cana, a quirica buánmiti ca 'aisama 'icë quixun pain sinánxunbi bërí 'unanin, 'aisamairai camina masá nuitucancëma 'ai quixun.

2 Corintios 7:8 ပူးပေါင်းရင်းမြစ်များ

Juan 16:6

ꞌË ñucatímabi camina ꞌën cacëx masá nuitucanin.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

2 Corintios 7:11

Nucën Papa Dios cuëëncësabi oi masá nuitutancëxun camina ꞌën mitsu cacë bana upí oquin sinan. —Sinanima cananuna usai ꞌia —quixun sinánan —ami rabínquinma an ꞌaisama ñu ꞌacë uni ꞌaxunma ꞌanun cacëma ꞌaish cananuna ꞌaisama ꞌai —quixun sinani racuë́quin camina upí oquin mëníoti sinan. Camina ꞌën mitsu isi cuanti cuëëanan, an ñu ꞌaisama ꞌacë uni upía ꞌinun ꞌë mitsu cacësabi oquin ꞌaquian. Mitsun camina ꞌën mitsu cacë ñucama upí oquin mënío quixun cana ꞌunanin.

2 Corintios 7:12

ꞌËn mitsu quirica buánmiquin cana an ñu ꞌatima ꞌacë uni ashi sinánquin cuënëocëma ꞌain, ami ax ꞌuchacë uni aribishi sinánquin cana ꞌacëma ꞌain. Nucën Papa Diosan iscëxun camina asérabi nu nuibaquin nun bana cuati quixunmi mitsun ꞌunánun cana a quirica mitsu buánmian.

2 Corintios 7:6

Usai ꞌiabi ca Nucën Papa Dios, an uni tëmërai masá nuitutiabi chuámarua ꞌinun ꞌimicë, an Tito mitsunuax ënu unun mëníoxun nu chuámarua ꞌimiaxa.

2 Corintios 7:7

Tito ucë cupíshima, an mitsu ñuiquin ꞌë cacë bana aribi cuati cananuna chuámarua tani cuëëan. Mitsunuax uxun ca Titon nu caxa, axribi masá nuituti cuanxbisa mitsu isi cuëëanxa quixun. Nux mitsu isi cuanti cuëëananmi ꞌën mitsu quiricanu cacë ñucama sinani masá nuitutími ꞌitsaira ꞌëmi sináncancë, acama Titon ñuia cuati cana cuëëan.

2 Corintios 7:9

Mitsúxmi ꞌën buánmicë quirica isi masá nuitucë cupíma, mitsúnmi masá nuitutancëxunbi sinanacë cupí cana cuëënin. Nucën Papa Dios cuëëncësabi oi camina usai ꞌican. Usa ꞌain ca nun mitsu buánmicë quirica an uibi ꞌatimaquin sinánmicëma ꞌicën.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.