2 Corintios 7:6 - Kashibo-Kakataibo Biblia

⁶ Usai ꞌiabi ca Nucën Papa Dios, an uni tëmërai masá nuitutiabi chuámarua ꞌinun ꞌimicë, an Tito mitsunuax ënu unun mëníoxun nu chuámarua ꞌimiaxa.

Nukën 'Ibu Diosan ain unikama 'inan ain bana

⁶ Usai 'iabi ca Nucën Papa Dios, an uni tëmërai masá nuitutiabi chuámarua 'inun 'imicë, an Tito mitsunuax ënu unun mëníoxun nu chuámarua 'imiaxa.

2 Corintios 7:6 ပူးပေါင်းရင်းမြစ်များ

Jeremías 31:13

Usai ꞌikëbë ka xanu chipash ransai kuëëmainun, uni bënákama axribi ꞌikëbë uni apankama atúxribi usai ꞌi kuëënti ꞌikën. Usai ꞌia nuibakin kana: masá nuitukë a ënia kuëënun ꞌimiti ꞌain, ꞌimianan kana masá nuitutia nitë́xëkë usamaira ꞌinua kuëënun ꞌimiti ꞌain.

Mateo 5:4

Axa masá nuitucë uni a ca Nucën Papa Diosanbi aín masáquin sináncë nëtë́miti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Juan 14:16

Usaquinmi ꞌacëbëtan cana an mitsu ꞌaquinti a mitsubëa ꞌinun xunun Nucën Papa Dios ñucáti ꞌain, axa xënibua ꞌaínbi mitsubë ꞌinun.

Romanos 15:5

Nucën Papa Dios, an aín unicama tëmëraquinbi ëníma ami catamënun ꞌimianan uisa ñu cara ꞌicëbëtanbi atu bërúanquin ꞌaquincë, an Cristo Jesús cuëëncësabi oquin mitsu bëtsibë nishananíma nuibananquin, bëtsin sináncësaribi oquin sinánun ꞌaquinti cana cuëënin.

2 Corintios 7:13

Usa ꞌain cananuna acama sinani masá nuitutíma chuámarua tani cuëëan. ꞌIanan cananuna Titóxribia usaími ꞌicancë bana ñui cuëënia isi cuëëinra cuëëan. Mitsun camina Tito chuámarua tanquian upí oquin sinánun ꞌimian.

2 Corintios 7:14

Mitsunua cuantánun Tito caquin cana —a unicamax ca upí ꞌicë —quixun mitsu rabiquin can. Nun nu Tito ñuiquin mitsu cacë bana axa cëmëma ꞌain ca nun mitsu ñuiquin Tito cacë banacamaxribi cëmëma ꞌiaxa.

2 Corintios 7:7

Tito ucë cupíshima, an mitsu ñuiquin ꞌë cacë bana aribi cuati cananuna chuámarua tani cuëëan. Mitsunuax uxun ca Titon nu caxa, axribi masá nuituti cuanxbisa mitsu isi cuëëanxa quixun. Nux mitsu isi cuanti cuëëananmi ꞌën mitsu quiricanu cacë ñucama sinani masá nuitutími ꞌitsaira ꞌëmi sináncancë, acama Titon ñuia cuati cana cuëëan.

Filipenses 2:1

Mitsux an ꞌaquincëx Cristomi cushianan an nuibacëx cuëëni, Nucën Papa Diosan Bëru Ñunshin Upíñu ꞌianan ꞌë nuibacë ꞌaish,

1 Tesalonicenses 3:2

nucën xucën Timoteo mitsu istánun quixun xuti cananuna sinan. Anribi ca ami sináncë ꞌixun —Jesucristomi catamëti ca uni ainan ꞌiti ꞌicë —quixun Nucën Papa Diosan bana nubëtan camabi uni ñuixuanxa. Usa ꞌixun ca cuantancëxun an mitsúxmi Jesucristonan ꞌaish tëmëraíbi ami manuaxma ꞌinun upí oquin ꞌësëquin mitsu cushioti ꞌicën. Mitsúnbi camina ꞌunanin, Nucën Papa Diosan unicamax ca bëtsi unían bëtsi bëtsi ocë ꞌiti ꞌicë quixun.