2 Corintios 7:4 - Kashibo-Kakataibo Biblia

⁴ Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

Nukën 'Ibu Diosan ain unikama 'inan ain bana

⁴ Mitsun camina upí oquin 'ai quixun sinani cana cuëënin. Usa 'aish cana, nux tëmëraquinbi mitsun upí oquin 'aia cuati, chuámarua tani cuëënin.

2 Corintios 7:4 ပူးပေါင်းရင်းမြစ်များ

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 5:3

Usaquin sinánquin cananuna uisai cara ñu ꞌicëbëtanbi ami sinánti ëníma cuëënin. Cananuna ꞌunanin, tëmëraquinbi tanshiquin cananuna upiti Jesucristomi catamëti ꞌunánti ꞌai quixun.

1 Corintios 1:4

Cristo Jesús cupía mitsu nuibaquin ainan ꞌimicë cupí cana camabi nëtën Nucën Papa Dios —asábi ca —cain.

2 Corintios 1:4

Uisa ñu cara ꞌia ꞌicëbënu a cupí tëmërai masá nuitutiabi ca Nucën Papa Diosan upí oquinu sinánun nu ꞌimia. An nu usaquin ꞌimicë cupí cananuna bëtsi uni nux ꞌicësaribitia tëmërai masá nuitutiabi, ꞌë ꞌaquincësaribi oquin ca Nucën Papa Diosan mi ꞌaquinti ꞌicë quixun caquin ꞌaquinti ꞌain. Usaquinu uni itsi ꞌaquinun ca Nucën Papa Diosan nuxnu masá nuitutiabi upí oquinu sinánun nu ꞌimia.

2 Corintios 10:8

Nucën ꞌIbu Jesucristonën ca aín bana mitsu ñuixunun ꞌë cacëxa, masá nuitumiquin ꞌuchoquin ñu caquinma ax quicësabi oquin ꞌanun mitsu ꞌunánminun quixun. Usoquin ꞌanuan Jesucristonënbi ꞌimicë ꞌaish cana ꞌitsa oquin mitsu caíbi rabiniman.

2 Corintios 11:21

Nux cushima ꞌixun cananuna mitsu usoquin ꞌacëma ꞌai quixun sapi camina sináncanin. Uni sinánñuma banacësa ꞌaíshbi cana a unicama rabiacacësaribi oi ꞌëx rabiacati ꞌain.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 3:12

Cristo ñui quicë banaxa nëtë́timoi upí ꞌain, usai ꞌi ami catamëtia ca uni upí ꞌiti nëtëtima quixun asérabi ꞌunánquin cananuna rabínquinma unicama ñuixunin.

2 Corintios 7:14

Mitsunua cuantánun Tito caquin cana —a unicamax ca upí ꞌicë —quixun mitsu rabiquin can. Nun nu Tito ñuiquin mitsu cacë bana axa cëmëma ꞌain ca nun mitsu ñuiquin Tito cacë banacamaxribi cëmëma ꞌiaxa.

2 Corintios 8:24

Usa ꞌain camina ënë unicama upí oquin biti ꞌain. Mitsun usaquin ꞌaia cuaquin ca camabi ëmanuaxa ax Jesucristomi catamëcë unicaman ꞌunánti ꞌicën, mitsun camina acama nuibati quixun. ꞌUnánan ca nux mitsu ñui quicë bana ca asérabi ꞌicë quixun ꞌunánti ꞌicën.

Filipenses 1:14

ꞌËx usai ꞌia ꞌunáncë cupí ca axa Cristomi catamëcë uni aín patsanën, atun ꞌacësamaira oquin Jesucristomi catamëquin, racuë́quinma Nucën Papa Diosan bana uni ñuixunia.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

Filipenses 1:26

Usa ꞌaish cana mitsúxmi Cristo Jesúsmi upiti catamëti cuëënun mitsu isi cuantëcënti ꞌain.

Filipenses 2:17

Mitsun camina tëmëraquinbi Jesucristomi catamëquin ax cuëëncësabi oquin ꞌaquin Nucën Papa Dios rabin. Mitsúxmi usai ꞌicëbë cana ꞌën mitsu ꞌaquincë cupí mitsux ꞌicësaribiti cuëënin. Cristomi sináncë cupí sapi cana bamati ꞌai quixun ꞌunanibi cana masá nuitutíma mitsúxmi ꞌicësaribiti cuëënin.

Colosenses 1:24

Mitsux ainan ꞌinun ꞌëx tëmëracë cupí cana cuëënin. Usai ꞌi cana Cristonëan camabi uni ainan ꞌinun tëmëra ꞌain, ꞌëxribi camabi menu ꞌicë unicama a ꞌunánti cupí tëmëraíbi cuëëinra cuëënin.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

2 Tesalonicenses 1:4

A rabianan cananuna camabi ëmanuxun axa Jesucristomi catamëcë unicamaxa timë́cë mitsu ñuiquin ësaquin cain, mitsux camina unían ubíonan bëtsi bëtsi ocëx tëmëraquinbi tanshianan, uisa ñu cara ꞌicëbëtanbi ëníma Jesucristomi catamëti quixun.

Filemón 1:7

ꞌËn xucën, cana mi cain, axa anuax Jesucristomi catamëcë uni raírinëan masá nuitucë ꞌixunbi minmi nuibaquin ꞌaquincëxun upí oquin sinania ñuia cuaquin cana cuëënquin upí oquin sinan.

Santiago 1:2

ꞌËn xucë́antu, cana mitsu cain, uisai caramina ꞌiti ꞌain, uisa ñu cara mitsumi ꞌicëbëbi camina upí oquinshi sinani cuëënti ꞌain.