2 Corintios 7:2 - Kashibo-Kakataibo Biblia

² Mitsun nuitunënbi camina upí oquin sinánquin nu nuibati ꞌain. Mitsu achúshibi cananuna uisa ocëma ꞌain, mitsu achúshibi cananuna ꞌatimaquin sinánmicëma ꞌain, mitsu achúshibi cananuna paráncëma ꞌain.

Nukën 'Ibu Diosan ain unikama 'inan ain bana

² Mitsun nuitunënbi camina upí oquin sinánquin nu nuibati 'ain. Mitsu achúshibi cananuna uisa ocëma 'ain, mitsu achúshibi cananuna 'atimaquin sinánmicëma 'ain, mitsu achúshibi cananuna paráncëma 'ain.

2 Corintios 7:2 ပူးပေါင်းရင်းမြစ်များ

Mateo 10:14

Uinu ꞌicë ëmanu ꞌicë unicaman cara, uinu ꞌicë xubunu ꞌicë unicaman cara mitsu biisama tanan mitsun bana cuaisama tania, anuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani bëtsi ëmanu cuanti ꞌain.

Mateo 10:40

Ësaquinribi ca Jesusan aín ꞌunánmicë unicama cacëxa: —An mitsun bana cuacë uni an ca ꞌën banaribi cuatia. An ꞌën bana cuacë uni an ca Nucën Papa Dios, an ënë nëtënu ꞌë xua, aín banaribi cuatia.

Lucas 10:8

Cuanx ëmanu bëbaia upí oquin mitsu biquian mitsun bana cuaisa tancëbëtan camina anu ꞌixun uisa piti ñu cara mitsu ꞌinania a piti ꞌain.

Hechos 20:33

ꞌËn cana curíqui ñucánan chupa uibi ñucácëma ꞌain.

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Corintios 11:16

Amiribishi cana mitsu cain, mitsúnmi —sinánñuma ca —quixun ꞌë sinánti cana cuëëniman. —Sinánñuma ca —quixun ꞌë ñuiquinbi camina ꞌën mitsu cacëxun cuati ꞌain, an ꞌë ñuicë unicamaxa ꞌicësaribiti ꞌitsamashi ꞌëx rabiacamainun.

2 Corintios 11:9

Mitsubë ꞌaish ñuñuma ꞌixunbi cana mitsu ñu ñucácëma ꞌain. Macedonianuaxa ucë axa Jesucristomi catamëcë unicaman cuni ca ꞌën cuëëncë ñucama ꞌë ꞌinánxa. ꞌËn mitsu ꞌacësabi oquin cana mitsu ñu ñucátima ꞌain.

2 Corintios 4:2

Uni itsimi unë́xunu ꞌacë ñucama ënquin cananuna a ꞌaínu rabínti ñu ꞌatimaribi ꞌaiman. Uni paránti sinánquinma cananuna Nucën Papa Diosan banaribi bëtsi oquinma ax asérabi quicë banaishi uni ñuixunin. Usaquin ñuixunia cuaquin ca camabi unin ꞌunánti ꞌicën, Nucën Papa Diosan iscëxun cananuna ax quicësabi oquin aín bana ñuixuni quixun.

Filipenses 2:29

Usa ꞌain camina cuania, axa Nucën ꞌIbu Jesucristonan cupí cuëënquin upí oquin bicanti ꞌain. Usa unicama camina —upí uni ca ax ꞌicë —quixun sinánquin aín bana cuati ꞌain.

Colosenses 4:10

Acëñun ꞌë sipuacancë Aristarco, ꞌimainun Bernabénën sëcë́nanë, Marcos, anribi ca bërúanx ꞌinun mitsu camia. A ñuiquin ꞌën cacë ꞌixun camina Marcos mitsu isi cuania upí oquin bicanti ꞌain.

1 Tesalonicenses 2:10

Mitsun camina ꞌunanin, Nucën Papa Diosanribi ca ꞌunania, nux cananuna mitsúxmi Jesucristomi catamëcë ꞌain mitsubë ꞌixun uisa ñu ꞌatimabi ꞌaima upí ꞌia quixun. Usai ꞌia ca uinu ꞌicë unínbi nu ꞌuchocëma ꞌicën.

Filemón 1:12

Minu cuantëcënun cana a xutin. ꞌËn nuibairacë ꞌaish ca ax ꞌën taná bëchicësa ꞌicën. Usa ꞌicë camina upí oquin biti ꞌain.

Filemón 1:17

Usa ꞌain camina —ꞌëx cana Pablobë nuibanancë ꞌai —quixun sináncë ꞌixun minmi ꞌë bicësaribi oquin a biti ꞌain.

2 Juan 1:10

Ui unin cara mitsu isi cuanxun Jesucristo ñui quicë bana —ax ca asérabi ꞌicë —quixun ñuiquinma bëtsi oquin ñuia, a camina min xubunu atsínmima ꞌianan —caina uan —quixunribi catima ꞌain.