2 Corintios 7:15 - Kashibo-Kakataibo Biblia

¹⁵ Mitsúnmi axa bëbaia aín bana cuaisa tanquin nuibaquin bicë, a sinánan an cacësabi oquinmi mitsun ꞌacë ñucama aribi sinánquin, ca an asérabi mitsu nuibatia.

Nukën 'Ibu Diosan ain unikama 'inan ain bana

¹⁵ Mitsúnmi axa bëbaia aín bana cuaisa tanquin nuibaquin bicë, a sinánan an cacësabi oquinmi mitsun 'acë ñucama aribi sinánquin, ca an asérabi mitsu nuibatia.

2 Corintios 7:15 ပူးပေါင်းရင်းမြစ်များ

Génesis 43:30

ka José aín xukë́n isi ꞌitsaira kuëënibi aín inkë urukëbë tënëtisamaira tani. Bënëtishi abákiani kuanx anua ꞌikë anu atsíanx iankëxa.

1 Reyes 3:26

ꞌUsakin ꞌanun ꞌapu kikëbë ka tuá ñukëma aín tita ax, ꞌitsaira ratuti ꞌapu kai kiakëxa: —¡Mix ꞌapu ꞌixun kamina ñukëma tuá a min suntárunën usakin ꞌanun ꞌamitima ꞌain! ¡Ënë xanu kamina tuá ënë ꞌinánti ꞌain! Kiax xanuitsi ax kikëbëbi ka bëtsíxribi ꞌapu kai kiakëxa: —Tuá ënëx ka ꞌënan ꞌianan minanribi ꞌitima ꞌikën. ¡Usa ꞌain ka nëbë́tsi tuurabë́ okë ꞌiti ꞌikën!

Salmos 2:11

Dios rabikin kamina kuëëni shaíkikin rabikanti ꞌain; usakin ꞌai ka ami rakuë́kanti ꞌikën,

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Juan 16:21

Anúan bacë́nti nëtën ca xanu paë tani bënëtia. Usa ꞌaínbi ca nanipacëtancëxun aín tuáratsu isi —cana bacë́an —quixun sinani cuëëni, chuámashi tanquin, bëráma paë tancë a manuia.

Hechos 16:29

Cacëxuinshi, anun pëcaxun isti a aín uni ñucáxun bibianx ca bënëtishi abáquiani sipu mëú atsíancëxa. Atsini, bërëqui racuëtan bamai ca Pablo ꞌimainun Silas tanáin rantin purúancëxa.

1 Corintios 2:3

Mitsubë ꞌëx ꞌain ca ꞌën nami ꞌaisama ꞌiaxa. Mitsúnmi ꞌën bana cuaisamasa sinani cana racuëti bërëan.

2 Corintios 2:9

Asérabi caramina Jesucristo cuëëncësabi oquin ꞌaquin, ꞌën mitsu cacë bana cuaquin ꞌati ꞌai quixun ꞌunánuxun, cana a quirica mitsu buánmian.

2 Corintios 6:12

ꞌItsaira mitsu nuibaquin nun cacësaribi oquin mitsun nu nuibaquin cati sináncëbëtanbi camina nu cacëma ꞌain.

Efesios 6:5

An uni itsi ñu mëëxuncë unicama, mitsun camina upí oquin sinánquin an mi ñu mëëmicë unia cuëëntanun paránquinma an cacësabi oquin ꞌati ꞌain, Cristoribimi ꞌaxuncësa ꞌitánun.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 2:12

ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

2 Tesalonicenses 3:14

Ui unin cara nun cuënëocë bana ënë ënxun nux quicësabi oquin ꞌaisama tania, a unibë camina nitima ꞌain, axa rabíntanun.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.