2 Corintios 7:11 - Kashibo-Kakataibo Biblia

¹¹ Nucën Papa Dios cuëëncësabi oi masá nuitutancëxun camina ꞌën mitsu cacë bana upí oquin sinan. —Sinanima cananuna usai ꞌia —quixun sinánan —ami rabínquinma an ꞌaisama ñu ꞌacë uni ꞌaxunma ꞌanun cacëma ꞌaish cananuna ꞌaisama ꞌai —quixun sinani racuë́quin camina upí oquin mëníoti sinan. Camina ꞌën mitsu isi cuanti cuëëanan, an ñu ꞌaisama ꞌacë uni upía ꞌinun ꞌë mitsu cacësabi oquin ꞌaquian. Mitsun camina ꞌën mitsu cacë ñucama upí oquin mënío quixun cana ꞌunanin.

Nukën 'Ibu Diosan ain unikama 'inan ain bana

¹¹ Nucën Papa Dios cuëëncësabi oi masá nuitutancëxun camina 'ën mitsu cacë bana upí oquin sinan. —Sinanima cananuna usai 'ia —quixun sinánan —ami rabínquinma an 'aisama ñu 'acë uni 'axunma 'anun cacëma 'aish cananuna 'aisama 'ai —quixun sinani racuë́quin camina upí oquin mëníoti sinan. Camina 'ën mitsu isi cuanti cuëëanan, an ñu 'aisama 'acë uni upía 'inun 'ë mitsu cacësabi oquin 'aquian. Mitsun camina 'ën mitsu cacë ñucama upí oquin mënío quixun cana 'unanin.

2 Corintios 7:11 ပူးပေါင်းရင်းမြစ်များ

Job 42:6

Usa ꞌain kana ꞌëx kikë banakama a sinani rabinin, chimapu kupúkënu tsóxun kana usai kiaxma ꞌinúma kana kia kixun sinan.

Salmos 119:139

ꞌËx kana ꞌitsaira nishin min bana kikësokin ꞌaíma, axa ꞌëmi nishkë unikamax ka ami manuaxa.

Salmos 130:6

ꞌËn kana Nukën ꞌIbu Dios kainin, an ñantan bërúankë unían pëkaratamainun ꞌakësamaira okin. An bërúankë unikaman pëkaratia kainkë usaribiokin,

Salmos 145:19

An ka an rabikë unikaman kuëënkësokin ꞌaxuanan; uínsaran kara ꞌakinun ñukatia anun ka ñukákëxun kuankin, ꞌakianan ië́mia.

Salmos 2:11

Dios rabikin kamina kuëëni shaíkikin rabikanti ꞌain; usakin ꞌai ka ami rakuë́kanti ꞌikën,

Salmos 42:1

Chaxun shimaxun ꞌumpax xëanuxun barikësa, usaribi okin kana ꞌën Dios ꞌixunmi ꞌë ꞌakinun mi barin.

Salmos 69:9

ꞌËn anuxun mi rabiti xubu a nuibakin bërúankëbëa ꞌëmi bananan an mi ribi ñuikë unikama bana ax ka ꞌënan ꞌaisama ꞌiaxa.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Daniel 6:14

Usokin kakëxun a bana kuati ka ꞌapu ꞌitsaira masá nuituakëxa, masá nuitukin ka uisakin kara Daniel ië́miti ꞌikë kixun bariakëxa. Barikin ka bari xupibutamainun uisakin kara ië́miti ꞌikë kixun sinánkëxa,

Marcos 3:5

Quiáma atu ñachai nishi masá nuituquin ca Jesusan —uisa cupí cara ënë unicama axa ꞌinsíncë uni ënëmi sinanima —quixun sinánquin aín mëcën ñucë uni cacëxa: —Ca mëshpat. Cacëx mëshpatishi ca mëpëxcüacëxa.

Juan 2:17

Usaquian Jesusan caia cuaquin ca aín ꞌunánmicë unicaman Nucën Papa Diosan bana cuënëo ësai quicë a sináncëxa: “ꞌËx anun rabanan bamaquinbi cana anuxun mi rabiti xubu upí oquin bërúanti ꞌain”. Usaquin sinánquin ca —a banaxa quicësabi oquin ca ꞌaia —quixun sináncëxa.

Hechos 17:16

A unicama cuan ca Pablonën Atenas ëmanuxun Timoteocëñun Silas aia caíancëxa. Caini a ëmanu niquin, unían uniocë ñu a unin rabicë, a ꞌaisamaira isi ca Pablo masá nuituacëxa.

Romanos 11:20

Usa ca. Usa ꞌaínbi camina ꞌunánti ꞌain, Jesucristomi catamëcëma cupí ca judíos unibu ainanma ꞌia. Mitsux ami catamëcë cupíshi camina ainan ꞌain. Usa ꞌain camina —ꞌëx cana judíos unibusamaira ꞌai —quiax cërútima ꞌain. Judíos unibu ꞌicësaribiti Jesucristomi catamëcëma ꞌitin rabanan camina bërúancati ꞌain.

Romanos 14:18

Usai ꞌicë unicamax ca Cristo cuëëncësabi oquin ꞌacë ꞌaish Nucën Papa Diosan iscëx upí ꞌianan unínribia iscëx upí ꞌicën.

Romanos 3:5

¿Nun nu ax cuëëncësabi oquin ꞌaiama oquin, upí ꞌinun quixun an nu castícania isquian uni raírinën Nucën Papa Dios, ax ca aín sinan upíira ꞌicë quixun ꞌunáncë ꞌain caranuna uisoquin sinánti ꞌain? ¿An nu castícancë cupí ca Nucën Papa Dios upíma ꞌicë quixun caranuna sinánti ꞌain? Usai quicë banax ca unin abi sináncësa ꞌicën.

1 Corintios 12:25

Usa ꞌain cananuna —amo ꞌicëxa ꞌaisama ꞌimainun ca amo ꞌicëxëshi nun nami upí ꞌicë —quixun sinántima ꞌain. Camabi nun namix ca upí ꞌicën.

1 Corintios 5:2

¿An usa ñu ꞌacë uni mitsubë ꞌaínbi caramina mitsun —nux cananuna asábi ꞌai —quixun sinanin? Usaquin sinanima camina mitsux —nux cananuna ꞌaisama ꞌai —quixun sinani rabínti ꞌain. Rabínquin camina a uni mitsubë ꞌinúnma chiquínti ꞌain.

2 Corintios 13:7

Mitsun —usama ca —quixun nu sináncëbëtanbi cananuna ñu ꞌatima ꞌaxmami ꞌicanun quixun Nucën Papa Dios mitsu ñucáxunin. Nun cananuna mitsu upí oquin ꞌunánmia quixuan unin sinánti cupíma, mitsúnmi upí ñu ꞌati cupíshi, cananuna Nucën Papa Dios mitsu ñucáxunin.

2 Corintios 2:6

Timë́xunmi mitsun ꞌën mitsu cacësa oquin ꞌacë uni a camina usashi oxun ënti ꞌain.

2 Corintios 6:4

Bëtsi bëtsi onan numi nishquin unin tëmëramicë ꞌianan uisa ñu cara ꞌicëbëbi bënë́quinma tanshiquin Nucën Papa Diosan bana ñuixunia isquin ca camabi unin ꞌunánti ꞌicën, nux cananuna asérabi Nucën Papa Diosan uni ꞌai quixun.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

2 Corintios 7:7

Tito ucë cupíshima, an mitsu ñuiquin ꞌë cacë bana aribi cuati cananuna chuámarua tani cuëëan. Mitsunuax uxun ca Titon nu caxa, axribi masá nuituti cuanxbisa mitsu isi cuëëanxa quixun. Nux mitsu isi cuanti cuëëananmi ꞌën mitsu quiricanu cacë ñucama sinani masá nuitutími ꞌitsaira ꞌëmi sináncancë, acama Titon ñuia cuati cana cuëëan.

2 Corintios 7:9

Mitsúxmi ꞌën buánmicë quirica isi masá nuitucë cupíma, mitsúnmi masá nuitutancëxunbi sinanacë cupí cana cuëënin. Nucën Papa Dios cuëëncësabi oi camina usai ꞌican. Usa ꞌain ca nun mitsu buánmicë quirica an uibi ꞌatimaquin sinánmicëma ꞌicën.

Efesios 4:26

Unibë nishanantancëxbi camina ꞌuchati rabanan xënibutíma a nëtë́nbi bënëtishi manúti ꞌain.

Efesios 5:11

Ax bëánquibucënu nicësa uni an ca axa cuëëncësa oquinshi ñu ꞌaquin, Nucën Papa Diosmi sinánquinma uni itsiribi ami sinánun ꞌaquinti sinanima. Usaía ax ꞌicë unicama camina atun ꞌacësaribi oquin ꞌaquinma, —usaquin ñu ꞌati ca ꞌaisama ꞌicë —quixun upí oquin ꞌunánmiquin ꞌësëti ꞌain.

Filipenses 2:12

ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

1 Timoteo 5:20

Usa ꞌixuan asérabi ënquinma ꞌaisama ñu ꞌaia camina axa Jesucristomi catamëcë unicama timë́cënuxun sinanatánun ꞌësëti ꞌain, usaquinmi caia cuaquian axa Jesucristomi catamëcë uni raírinën —ꞌënribi cana usaquin ꞌatima ꞌai —quixun sinánun.

2 Timoteo 2:15

Nucën Papa Diosan iscëxun camina aín bana upí oquin ꞌunáncë ꞌixun rabínquinma unicama ñuixunti ꞌain.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

Judas 1:23

Uni raírinëxa aín ñu ꞌatima ꞌacë cupí Nucën Papa Diosnanma ꞌicëbi camina amia sinánun ꞌaquinti ꞌain, tsinuaxa xaráti ꞌicëbi uni bicësaribi oquin. Usaribi oquin camina uni raíriribi nuibaquin upí ꞌinun ꞌaquinquinbi axa ꞌatima ꞌicësaribi ꞌitin rabanan bërúinra oti ꞌain, ax ꞌaisama cupía, aín chupáxbi chuaíracësa ꞌicë timacësa oquin aín ꞌucha timaquin.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.