2 Corintios 7:10 - Kashibo-Kakataibo Biblia

¹⁰ Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

Nukën 'Ibu Diosan ain unikama 'inan ain bana

¹⁰ Aín 'uchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín 'ucha tërë́ncë 'aish Nucën Papa Diosnan 'inux ië́cë 'ia. Usai 'itancëx cuëënquin ca —'ëx 'ën 'uchacama sinani pan masá nuituti ca asábi 'iaxa —quixun sinánti 'icën. Usa 'aínbi ca uni raíri aín ñu 'atima 'acë cupí masá nuituquinbi acama ëni ami sinanacëma 'aish Nucën Papa Diosnan 'ima.

2 Corintios 7:10 ပူးပေါင်းရင်းမြစ်များ

Génesis 30:1

Usa ꞌain ka Raquel ax ꞌën kana Jacob tuá xunima kixun sinani aín xukë́n Líami ꞌitsaira nishakëxa, nishkin ka aín bënë kakëxa: —ꞌËmiribi kamina bëchiti ꞌain, min ꞌëmi bëchikëmax kana ñuti ꞌain.

2 Samuel 12:13

Ësakian Dios kikë bana ñuikin kakëxun ka. Aín ꞌuchakë ñuixunkin Davidtan Natán kakëxa: —Asérabi kana ꞌëx Diosmi ꞌuchan. Kakëxun ka Natánën amiribishi katëkëankëxa: Diosan ka ꞌuchakë ꞌikëbi ꞌatimonan tëmëramikin mi bamamitima ꞌikën.

2 Samuel 17:23

Usa ꞌain ka Ahitófelnëx an kakësa okían Absalónnën ꞌakëma ꞌain, aín burro bibiani anua tsókë ëma anu ꞌikë aín xubunu kuankëxa kuanx ka anuax aín aintsikamabë banakin uisai kara atux ꞌiti ꞌikë kixun kakëxa, usakin katankëx sënë́anx abi tëtsëkiax. Ñukë ka anua aín papa ñukë maínkan me anubi maínkankëxa.

1 Reyes 21:4

Ësokia kakëx ka Ahab amo nishananbi masánuitu kiani aín xubunu kuankëxa, Nabotnëan ꞌën papa ꞌimainun ꞌën titan ñukin ꞌë ënxua me kana mi ꞌinanima kixuan kakë a bana sinani. Usai kuantankëx ka aín xubunu nukuti ain chikën ami bësui rakakëxa, rakaxun ka añubi piti sinánma ꞌikën masá nuitukin.

Jeremías 31:9

Ka kuat, abë banakin ñukánan inkuatsini ka ukanti ꞌikën. Inkuatsini aia kana ꞌën anua ꞌumpax ꞌitsaira ꞌikë me anu bëkin, bai upí anun kuani uisaibi ñumi tuaxkitima anun uanti ꞌain. Usa ꞌain kana ꞌëx Israel unikaman papa ꞌain, ꞌimainun ka Efraínëx ꞌën bakë bëchikë apansa ꞌikën, kiax ka kiakëxa.

Jonás 3:10

Usakin atun ñu ꞌatima ꞌakë ënia a mi sinania iskin ka Diosan Nínivenu ꞌikë unikama, uisabi kana atu otima ꞌai kixun sinánkin an usakin ꞌakatsi kikë usakin uisabi oma ꞌikën.

Jonás 3:8

ꞌIanan ka kamáxbi chupan mapuanan atun ñuinakamaribi chupan mapukanti ꞌikën, atun ñu ꞌatima ꞌakë a sinani bënë́kin chupa xëni pañuxun ka ami sinánkin Dios aín kushibëtanbi ñukákanti ꞌikën. Usakin ꞌakin ka achúshi achúshi unin bëríbia ꞌatima ñu ꞌakë akama ënkanti ꞌikën;

Jonás 4:9

Usai ꞌiabi ka Diosan kakëxa: —¿Usaími an mi tupë́onkë itsi barin aín pëikëñunbi ë́skan nishkë ax kara asábi ꞌik? —¡ꞌËn sinánkëx ka asábi ꞌikën! —kixun ka Jonásnën kakëxa. ¡ꞌËn nishkënbi kana bamatisa tanin kixun ka kakëxa!

Mateo 26:75

Banacëbëtan ca Pedronën ësaquian Jesusan cooncë bana sináncëxa: ꞌAtapa banatisama ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan cooncë bana sinani ca Pedro ëman chiquiti masá nuituirai bëunan mëscuti iancëxa.

Lucas 15:10

ꞌËn cana mitsu cain, usaribiti ca achúshi uníxa ꞌaisama ꞌaíshbi sinanati Nucën Papa Diosmi sináncëbë aín ángelcamax cuëënia.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

2 Corintios 12:21

Mitsu isi cuantëcënia sapi ca aín bana cuacë ꞌaíshbimi usai ꞌicancëbëtan Nucën Papa Diosan mitsu cupí ꞌë rabínmiti ꞌicë quixun cana sinanin. ꞌImainun cana sinanin, mitsu raírinën ñu ꞌaisama ꞌai mitsunanmabi xanu itsibë ꞌianan xanusa unibë ꞌianan ñunshinacëquin ñu ꞌatima ꞌaquin, a ñucama manuquin sinanacëma cupí sapi cana bëunan mëscúti ꞌai quixun.

2 Corintios 7:9

Mitsúxmi ꞌën buánmicë quirica isi masá nuitucë cupíma, mitsúnmi masá nuitutancëxunbi sinanacë cupí cana cuëënin. Nucën Papa Dios cuëëncësabi oi camina usai ꞌican. Usa ꞌain ca nun mitsu buánmicë quirica an uibi ꞌatimaquin sinánmicëma ꞌicën.

Hebreos 12:17

Camina ꞌunanin, ꞌitsa baritia ꞌicëbë ca Esaú aín papan rëcuën bëchicë ꞌitëcënti sináncëxa. Usaquin sinani masá nuituti iníbi ca ꞌiáma ꞌicën. Usa ꞌain ca Esaúma, aín xucën Jacob, axa aín rëcuën bëchicësa ꞌicë, aín papan Isaacnën upí oquin sinánxunquin Nucën Papa Dios ñucáxuancëxa.