2 Corintios 6:6 - Kashibo-Kakataibo Biblia

⁶ Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Nukën 'Ibu Diosan ain unikama 'inan ain bana

⁶ Usa 'ixun ñu 'aisama 'ati sinánquinma Nucën Papa Diosan bana 'unáncë 'ixun ami nishíma unibë asérabi upí 'ianan Nucën Papa Diosan Bëru Ñunshin Upitan sinánmicë 'ianan, paránquinma asérabi uni nuibanan

2 Corintios 6:6 ပူးပေါင်းရင်းမြစ်များ

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

1 Corintios 12:8

Nucën Papa Diosan ca aín Bëru Ñunshin Upitan ꞌimicë́xa, uni raíri sinánñuira ꞌaish upiti bananun quixun ꞌimia. ꞌImianan ca uni raírinëxa aín nuitu mëu racanaquin uisai cara quiti ꞌicë quixun sinántancëx upiti bananun quixun ꞌimia.

1 Corintios 13:4

An uni raíri nuibacë unin ca bëtsi unia abë upíma ꞌicëbi ami nishquinma upí oquinshi caia. Usa ꞌaish ca bëtsi unibë upí ꞌia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana ꞌai —quixun sinanima. Ca rabiacatima.

1 Corintios 2:16

Aín bana cuënëo ca quia: “¿Uin cara Nucën Papa Diosan sinan ꞌunanx? ¿Uin cara a ꞌunánmiti ꞌic? An usaquin ꞌunánti uni ca ꞌaíma ꞌicën”. Usa ꞌaínbi cananuna nun Nucën Papa Diosan Bëru Ñunshin Upitan sinánmicëxun Cristonën sináncësaribi oquin sinanin.

1 Corintios 2:4

An ñu ꞌunáncë unían aín sinanënshi sinánquin bana ñuicësa oquin cana Jesucristo ñuiquin mitsu ñuixuncëma ꞌain. Ama, aín Bëru Ñunshin Upitan ꞌaquincëxun cana Nucën Papa Diosan cushínshi ñuixunquin Jesucristomi catamënun mitsu sinanamian.

2 Corintios 1:23

Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

2 Corintios 11:11

¿Uisacatsi carana usai banain? Mitsun sapi camina sinanin, ꞌën cana mitsu nuibatima quixun. Nucën Papa Diosan ca uisaira oquin carana ꞌën mitsu nuibati quixun ꞌunania.

2 Corintios 11:4

Mitsun camina uni itsían nun ꞌacësabi oquin Jesusan bana ñuixunquinma, a bana bëtsi oquin ñuixuncëxun cuatin. Cuanan camina Nucën Papa Diosan Bëru Ñunshin Upitan sinánmicëma, bëtsi ñunshinan sinánmicë unicaman mitsu ñuixuncëxun a bana cuatin. Cuanan camina Jesucristo cupía Nucën Papa Diosan nu ië́miti a bana pain cuaxunbi ënquin bërí bëtsi bana, unin ñuixuncë, aribishi cuacanin.

2 Corintios 11:6

ꞌËx upíira upiti banati ꞌunáncë ꞌixunmabi ꞌën ñuicë bana ax ca asérabi ꞌicën, nun mitsu ñuixuncë banacama quicësabi oi ꞌia camina nu iscan.

2 Corintios 12:15

ꞌËx asérabi mitsu nuibati tëmëraquinbi cana Cristo cupí mitsux upí ꞌinun mitsu aín bana ñuixunquin, ꞌën curíqui cëñúanan ꞌën cushi cëñúquinbi ꞌaquinti ꞌain. ꞌËn mitsu asérabiira nuibacëxunbi sapi camina ꞌën ꞌacësaribi oquin mitsun ꞌë nuibatiman.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 2:10

Usoquin ꞌaquinmi mitsun aín ꞌucha manuquin, aribi manumicëbëtan, cana ꞌënribi aín ꞌucha manuin. Axa ꞌëmi ꞌuchacëbi cana mitsúnmi aín ꞌucha manucë cupí, ꞌënribi aín ꞌucha manuan, Cristo cuëëncësabi oquin.

2 Corintios 2:4

Mitsu buánminuxun a quirica cuënëoi cana mitsu sinani masá nuituti bëunan mëscuti ꞌian. Mitsúxmi masá nuitunun quixun cana a quirica ꞌacëma ꞌain. ꞌËn cana asérabi mitsu nuibati quixunmi ꞌunánun cana usaquin ꞌan.

2 Corintios 3:3

Nun cananuna usoquin mitsu ꞌunánmia quiáxa quicë bana ax ca quiricanu tintan ꞌanan maxax paránu ꞌacëma ꞌaíshbi Cristo cupía Nucën Papa Diosan Bëru Ñunshin Upitan mitsun nuitunu ꞌimicë ꞌicën.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

2 Corintios 7:2

Mitsun nuitunënbi camina upí oquin sinánquin nu nuibati ꞌain. Mitsu achúshibi cananuna uisa ocëma ꞌain, mitsu achúshibi cananuna ꞌatimaquin sinánmicëma ꞌain, mitsu achúshibi cananuna paráncëma ꞌain.

Gálatas 3:2

Camina ꞌë cati ꞌain, ¿Moisésnëan usai ca judíos unicama ꞌiti ꞌicë quixun cuënëo banami cuacë cupí cara Nucën Papa Diosan aín Bëru Ñunshin Upí mitsubëa ꞌinun mitsu ꞌináncëx? Usama ca. Jesucristo ñui quicë bana cuatími ami catamëcëxuinshi ca aín Bëru Ñunshin Upí mibëa ꞌinun mitsu ꞌináncëxa. ¿Usa ꞌixunbi caramina mitsun Nucën Papa Diosan Bëru Ñunshin Upitan mitsu upí ꞌimiti sinántancëxunbi —ꞌën ñu upí ꞌacë cupíshi ca Nucën Papa Diosan ꞌë upí isia —quixun sinanin? Usaquin sinani camina sinánñuma unicamasa ꞌain.

Gálatas 3:5

Nucën Papa Diosan ca aín Bëru Ñunshin Upí ꞌinánan uni itsían ꞌacëma ñu mitsu ꞌamia. ¿Uisa cupí cara mitsu usoquin ꞌamia? An ca usaquin ꞌaia, mitsúnmi Moisésnëan usai judíos unicama ꞌiti cuënëo bana cuacë cupíma mitsúxmi Jesucristo ñui quicë bana cuati, ax ca asérabi ꞌëbë ꞌicë quixun sinani, ami catamëcë cupí.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Efesios 3:4

ꞌËn mitsu buánminuxun cuënëocë bana ënë isquin camina ꞌunánti ꞌain, ꞌën cana uisai quicë cara Cristo ñui quicë bana ꞌicë ꞌunani quixun.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

1 Tesalonicenses 2:10

Mitsun camina ꞌunanin, Nucën Papa Diosanribi ca ꞌunania, nux cananuna mitsúxmi Jesucristomi catamëcë ꞌain mitsubë ꞌixun uisa ñu ꞌatimabi ꞌaima upí ꞌia quixun. Usai ꞌia ca uinu ꞌicë unínbi nu ꞌuchocëma ꞌicën.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

1 Timoteo 5:2

Min titami ꞌacësaribi oquin camina nuibaquin xanu xënicama ꞌësëti ꞌain. ꞌAnan camina min chirabacëmi ꞌacësaribi oquin xanu xuntacucamaribi ꞌatimaquin sinánquinma upí oquin sinánquin ꞌësëti ꞌain.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Juan 3:18

ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.

Jueces 16:15

Usakin ꞌaia iskin ka aín xanu Dalilanën kakëxa: —¡Këmëntapun! ¿Uisati karamina ꞌë ismina kuëëni kikínbi ꞌë paránin? Bërí ka rabë́ ꞌimainun achúshi okinmi ꞌëmi kuaikin usokin ꞌë ꞌakë ꞌikën, ꞌaínbi kamina bëríbi uisa kushiñuira ꞌaish kaina usai ꞌi ꞌë kakëma ꞌain.