2 Corintios 6:5 - Kashibo-Kakataibo Biblia

⁵ Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.

Nukën 'Ibu Diosan ain unikama 'inan ain bana

⁵ Unían nu mëëanan sipuanan raíri uni numi tsuáquirumimainun 'aisamaira oquin ñu mëëanan, 'uxti tëanan 'acëñuma 'aish panancë 'ixunbi cananuna bënë́quinma tanshitin.

2 Corintios 6:5 ပူးပေါင်းရင်းမြစ်များ

1 Reyes 22:27

Kakin ka ꞌën kana sipunu atsíminun xutin kixun kanan, chukúmaratsushi aín piti pán ꞌinánan ꞌumpaxribi chamaratsushi an xëati ꞌinánun kixun kamiakëxa, ꞌëx ꞌakanan kuatsini ꞌën suntárukamabë uisaibi ꞌikëma utëkëntamainun.

Isaías 53:5

ꞌAínbi ka nun bana kuakëma kupí ax bëtsi bëtsi okin mëëkë ꞌiti ꞌikën, usokin ka nun ꞌuchakama kupí ꞌati ꞌikën; axa usai tëmërakë ꞌain kananuna nux upitax tsótin, ꞌianan kananuna rishkikin aín nami tëakan ꞌain uisabi ꞌikëma upiti tsóti ꞌain.

Jeremías 38:6

Usokian ꞌapun kakëxun ka Jeremías atun ñatantankëxun kini ëskikë ꞌumpaxñuma anu nampákankëxa, a kinix ka ꞌapun bakë bëchikë Malquías ainan ꞌiakëxa, ax ka anua suntárukama an ëma bëruankë ꞌikë me mëníokë anu ꞌiakëxa. Anua itsin nanpakë ax ka ꞌumpaxñuma ꞌaíshbi me kini anu nisama chua ꞌiakëxa, anu ka Jeremías ënuma sënëni nanë́ax niakëxa.

Ezequiel 3:17

“ꞌËn kana mi, unin bëchikë ꞌikë an bërúankë unisa ꞌixun an Israel unikama bërúanti ꞌimin. Usa ꞌixun kamina usakinmi kanun ꞌën mi kakëxun atun ꞌunánkë ꞌitánun ꞌëx kikë banakama kati ꞌain.

Mateo 14:10

Caquin ca sipunuabia Juan tëbíscanun quixun aín unicama xuacëxa.

Mateo 14:3

An Juan aín uni tëbíscamia ꞌaish ca usai Herodes quiacëxa. Ësai ca ꞌiacëxa: Herodes, an ca aín xucën Felipenën aín xanu, Herodías, a biacëxa. Usa ꞌain ca —minmi a xanu biti ca ꞌaisama ꞌicë —quixun Juanën Herodes cacëxa. Cacëxun ca Herodesnën aín unicama Juan bimiacëxa. Bimixun ca nëamixun sipuamiacëxa.

Mateo 9:15

Cacëxun ca Jesusan cacëxa: —¿An biti xanua unin bicëma pan ꞌain cara axa abë nuibanancë unicama ax a unibë ꞌaish masá nuituti ꞌic? Ca masá nuitutima ꞌicën. Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pima. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Hechos 13:3

Usaquian cacëxun piquinma Nucën Papa Dios ñucáxuntancëxun atun mëcënan ramëquin ca axa Jesucristomi catamëcë unicaman Bernabécëñun Saulo, Nucën Papa Diosan bana uni ñuixunia bërúanx cuantánun caxun xuacëxa.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

Hechos 17:5

Usa ꞌaínbi ca judíos unicama, an Jesús sináncëma, ax ami nutsi Silas ꞌimainun Pablomi nishquin uni ꞌatima chiquíshcama timëtancëxun a ëmanu ꞌicë unicama tsuáquirumiacëxa. Tsuáquirumi, Jasón cacë uni aín xubunu banaruquin barii ca, camabi unían isnun ëma nëbë́tsi buánti ca Pablocëñun Silas chiquínti ꞌicë quiax quicancëxa.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Hechos 23:10

Usaría ꞌaisamairai cuëbicanáncëbë ca comandante, unicaman Pablo ꞌati sinani racuë́acëxa. Usai ꞌiquin ca comandantenën —unicama nëbë́tsinuabi bibianquin camina Pablo anunu ꞌicë xubunu buánti ꞌai —quixun aín suntárucama cacëxa. Cacëxun ca suntárucaman anua atux ꞌicënu buánxun atsínmiacëxa.

Hechos 23:35

Cacëxun ca Felixnën cacëxa: —Axa mimi manáncë unicama ucëbëtan cana mixmi quia cuati ꞌain. Caxun ca Herodesnën xubunuxuan bërúanun quixun suntárucama cacëxa.

Hechos 24:27

Usaquin rabë́ baritia inúnmi ꞌapu ꞌaíshbi chiquíquin ca Felixnën judíos unicamabë upí ꞌiisa tanquin Pablo sipunubi ëancëxa. Felix chiquícëbë ca bëtsi uni Porcio Festo cacë, ax ꞌapu ꞌiacëxa.

Hechos 26:10

Usaquin sinánquin cana Jerusalénuxun a unicama bëtsi bëtsi oquin tëmëramianan, sacerdotenën cushicaman ꞌë cacësabi oquin axa Jesúsmi catamëcë uni ꞌaisamaira sipuacën. Sipuaia unin atu ꞌacëbëtan cana, asábi ca quixun sináncën.

Hechos 26:29

Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

Hechos 28:30

Usa ꞌain ca Pablo aín xubunu ꞌiquin xubu ꞌibu cupíoi anu rabë́ baritia ꞌiacëxa. Anu ꞌixun ca axa a isi ucë unicama nuibaquin biacëxa.

Hechos 5:18

Nishi ami tsuáquiruxun ca Jesusan aín bana ñuixunun caíscë unicama bixun sipuacëxa.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 4:11

Bërí nëtë́nbi cananuna bëráma ꞌiásaribiti ꞌacëñuma ꞌianan shimanan chupa upíñuma ꞌain. ꞌImainun ca unin nu bëtsi bëtsi oquin ꞌatimoia. Usa ꞌaish cananuna anu ꞌiti xubuñumabi ꞌain.

1 Corintios 7:5

Usa ꞌain ca xanun aín bënë aín nami ꞌaisa tancëxun timatima ꞌicën. ꞌImainun ca unínribi aín xanu aín nami ꞌamitisa tancëxun timatima ꞌicën. A rabëtaxbi upiti Nucën Papa Diosbë banatisa tani cananquin mëníotancëx cuni ca ënánanti ꞌicën. Ñunshin ꞌatimanën ꞌapúan ꞌatimaquin sinánmicëx tënëtisama tani ꞌuchati rabanan biránantëcënuxbi ca bënëtishi ënánanti ꞌicën.

2 Corintios 11:27

Ñu mëëi cana tëmëracën. ꞌUxti tëanan cana ꞌacëñuma ꞌaish panancë ꞌianan, shimanan, chupañuma ꞌaish matsin bamatisa ꞌiacën. Usai cana tëmëracën. Usa ꞌaish cana usabii ꞌin.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Deuteronomio 25:3

ꞌAínbi ka usa unikama ax cuarenta okinra rishkikë ꞌitima ꞌikën, usakin ꞌakin ka aín aintsi ꞌikëbi ꞌatima okë uni ax ꞌaisamaira tëmërati ꞌikën, usokëx mitsumi rakuë́kin ka usa ñu ꞌatëkëntima ꞌikën.

Filipenses 1:13

ꞌApun suntárucama ꞌimainun camabi unínribi ca ꞌunania, Jesucristo ñuiquin uni bana ñuixuncë cupí cana sipuacë ꞌai quixun.

1 Tesalonicenses 2:9

Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.

1 Timoteo 4:10

Nucën Papa Dios, axa bamatimoi tsócë, an camabi uni ainan ꞌinun ië́misa tanquin Jesucristomia ax catamëcë unicama ië́micë, an ca axa quicësabi oquin ënë menuxun ꞌimianan aín nëtënuxunribi aín unicama upitax ꞌinun ꞌimiti ꞌicë quixun cananuna ꞌunanin. Usa ꞌixun cananuna nun ꞌacësaribi oquian camabi unin ꞌunánun, tëmëranan uni numi ꞌatimati banacë ꞌixunbi unicama Nucën Papa Diosan bana ñuixunin.

2 Timoteo 1:8

Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

2 Timoteo 4:5

Usa ꞌaínbi camina min upí oquinra sinánxun ñu ꞌati ꞌain. Tëmëraquinbi tanshiquin camina ënquinma —Jesucristomi catamëti ca uni Nucën Papa Diosnan ꞌiti ꞌicë —quixun caquin uni bana ñuixunti ꞌain. Nucën Papa Dios cuëëncësabi oquin camina sënë́onuxun ënquinma min ñu mëëti ꞌati ꞌain.

Hebreos 11:36

Raíri uni ca Nucën Papa Diosmi catamëcë cupí unin ami cuaianan rishquiacëxa. Raíri ca unin manë risin nëaxun sipuacëxa.

Hebreos 13:17

Mitsun cushicaman ca mitsúxmi upiti Jesucristomi sinánun mitsu ꞌaquinia. Usaquin mitsu ꞌaquinuan Nucën Papa Diosan caíscë ꞌixun ca an cacësabi oquin upí oquin ꞌaisa tania, ax cuëëntanun. Usa ꞌain camina aín bana cuaquin atux quicësabi oquin ꞌati ꞌain. Mitsun usaquin ꞌaia isquin ca atun masá nuituquinma cuëënquin mitsu ꞌaquinti ꞌicën. A unicaman bana cuaquinbimi an cacësa oquin ꞌaiama isi ca Nucën Papa Dios cuëëntima ꞌicën.

Hebreos 13:23

Mitsun camina ꞌunánti ꞌain, nucën xucën, Timoteo, a ca sipuacë ꞌicëbi chiquíncanxa. ꞌItíxa bënëtishi bëbaia cana mitsu isi cuanquin a buánti ꞌain.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.