2 Corintios 6:17 - Kashibo-Kakataibo Biblia

¹⁷ Ësairibi ca Nucën ꞌIbu Diosan bana quia: Axa ꞌëmi sináncëma unicamabë ꞌima ꞌianan camina atun sináncësaribi oi ꞌicantima ꞌain. Usai ꞌiquin camina ꞌëx cuëëncëma ñu ꞌatima ꞌain. Usai ꞌia cana ꞌënan mitsu ꞌimiti ꞌain.

Nukën 'Ibu Diosan ain unikama 'inan ain bana

¹⁷ Ësairibi ca Nucën 'Ibu Diosan bana quia: Axa 'ëmi sináncëma unicamabë 'ima 'ianan camina atun sináncësaribi oi 'icantima 'ain. Usai 'iquin camina 'ëx cuëëncëma ñu 'atima 'ain. Usai 'ia cana 'ënan mitsu 'imiti 'ain.

2 Corintios 6:17 ပူးပေါင်းရင်းမြစ်များ

Esdras 6:21

ꞌImainun ka kamabi Israel unikaman axa Babilonianu buánkankë ꞌaínbi utëkënkë akama ꞌimainun an bëtsi bëtsi menu ꞌikë unikaman ꞌakë ñukama ꞌakinbi ënkë atúnribi Pascua nëtë inúkin ꞌakë, piti aribi pikankëxa, usakin ꞌai atubëbi timëkamë ꞌëoxun ka anuxun Israel unikaman atun Dios rabikankëxa.

Isaías 52:11

¡Babilonia menu tsókë unikama mitsux anuax chikíkin kamina anua ꞌikë ñu ꞌatimakama a mëëtima ꞌain! ¡Anuxun atun dios rabikë xubunua buánxun nankan Diosan ñukama an buánti akamax ka upiti mëníokakë ꞌiti ꞌikën!

Jeremías 15:17

ꞌËn kana an nëtë ꞌinukin xëati sinánishi bukukë unikamabë amiribishi timëtëkënti a ëankën; anunmi min uni ꞌiti ꞌë ꞌimia anun ꞌia ꞌaish kana bëríbi ꞌëxi upiti tsotin, usai ꞌikë kamina mixmi ꞌuchakëbë nishkë usaribiti ꞌinun ꞌë ꞌimiakën.

Hechos 2:40

Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

Romanos 15:7

Cristonën nu ainan ꞌinun bicë ꞌixun cananuna a sinánquin nunribi axa ami catamëcë raíri uniribi nubë timë́tisa tania biti ꞌain. Usaquin nun ꞌati ca Nucën Papa Dios cuëënia.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Apocalipsis 18:4

Usai naínuax ucë ángel quicëbëtan cana naínuaxa bëtsi banan banaia cuan, ësai quicë: —ꞌËn unicamax, mina anu ꞌicë unicama ꞌicësaribiti ꞌuchain camina a ëmanuax cuanti ꞌain, a unicama atun ꞌucha cupí tëmëramicësaribi oquin mitsuribi tëmëramiti rabanan.