2 Corintios 6:16 - Kashibo-Kakataibo Biblia

¹⁶ ¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Nukën 'Ibu Diosan ain unikama 'inan ain bana

¹⁶ ¿Anuxun Nucën Papa Dios rabiti xubunuxun cara atúnbi 'acë ñu unin rabiti 'ic? Ca 'atima 'icën. Nucën Papa Dios, ax bamatimoi tsócë, a aín unicaman rabicë, ax ca mitsunu 'icën, axa ësai quiásabi oi: 'Ëx cana atubëbi 'ianan uinu cara atux cuania anuribi atubë 'iti 'ain. 'Ëx cana aín Dios a atun rabiti a 'ain, atux ca 'ën unibu 'iti 'icën.

2 Corintios 6:16 ပူးပေါင်းရင်းမြစ်များ

1 Reyes 18:21

Timëkamë ꞌëokë ka atu ꞌurama okin kamabi unikama Elíasnën kakëxa: —¿Uínsaran kaina mitsun rabë́ ñu sinankin ñu ꞌakë a ënkanti ꞌain? Dios axa Dios ꞌikë ashi rabikin kamina an kakësabiokin ꞌati ꞌain, ꞌanan kamina Baal axribia asérabi dios ꞌikë ashi rabikin an kakësokinshi ꞌakin rabikanti ꞌain. Ësokin kakëxun ka unikama timë́kë akaman achúshi banabi uínbi káma ꞌikën.

Salmos 90:1

Nukën ꞌIbu Dios mix kamina, bërámaira nun chaitiokëkama ꞌakian ꞌixunbi an bëríbi nu ꞌakinkë a ꞌain.

Éxodo 20:3

Usa ꞌain kamina bëtsi dios ꞌë isa kixun rabikinma ꞌëshi mitsun Dios ꞌikë rabikanti ꞌain.

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Jeremías 31:1

Ësai ka Nukën ꞌIbu asérabi kiakëxa: “A nëtë́an ami nishkë unikaman Babilonia menu uan atun menubi utëkëan anun kana ꞌëx kamabi ñaká Israel unikaman Dios ꞌiti ꞌain, ꞌimainun ka atux ꞌën unikama ꞌiti ꞌikën.”

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Ezequiel 36:28

usa ꞌain ka aín chaitiokëkama ꞌën ꞌinan me anu tsókanti ꞌikën, usai tsóti ꞌën unikama atux ꞌimainun kana ꞌëx atun Dios ꞌiti ꞌain.

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Oseas 2:23

Usa ꞌain ka ꞌën me ꞌinánkëx anu tsóti ꞌën unikamax ꞌënanshi ꞌiti ꞌikën; usa ꞌain kana mi kana nuibatima kixun kakin ꞌën Lo-ruhama, kakin anëkin Israelkama nuibati ꞌain, ꞌimainun kana. Lo-amí ꞌën unima kamina ꞌai kixun ꞌën kakë Israelkama bërí kamina ꞌën unikama ꞌai kixun kati ꞌain, kakëxun ka atun mix kamina ꞌën Dios ꞌai kixun ꞌë kati ꞌikën. Kiax ka Dios kiakëxa.”

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Mateo 6:24

Ësa ca: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën. Usa ꞌixun achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Lucas 5:36

Usaquin canan ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ca ësaribi ꞌicën. Nun aintsi uinu ꞌicë xanúnbi ca aín chupa ió tëaima, anun aín chupa xëni cëxëti. Tëaquin aín sani bicëx ca chupa ió ax ꞌatimatia. ꞌImainun ca a chupa iotan sanix chupa xëni iscësama ꞌia.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 6:56

Ui unix cara ꞌëmi catamëti ꞌën nami pianan ꞌën imi xëacësa ꞌicë, ax ca ꞌëbë ꞌicën, ꞌëxribi cana abë ꞌain.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

Romanos 8:9

Usa ꞌaínbi camina mitsux usama ꞌain. Nucën Papa Diosan Bëru Ñunshin Upí mitsubë ꞌain camina an ënë nëtënu ꞌicë ñuishi sináncë unin sináncësa oquin sinánquinma, Nucën Papa Diosan Bëru Ñunshin Upitan sinánmicësabi oquinshi sinanin. Uicamax cara aín Bëru Ñunshin Upíñuma ꞌicë, acamax ca Cristonanma ꞌicën.

Romanos 9:26

Anuxuan —mitsux camina ꞌën unima ꞌai —quixun cá anuxunbi ca Nucën Papa Dios, axa bamatimoi tsócë, an —mitsux camina asérabi ꞌën bëchicë ꞌai —quixun uni cati ꞌicën.

1 Corintios 10:21

Nucën ꞌIbu Jesucristo ca nun ꞌucha cupí bamacëxa quixun sinánquin uvas bimi aín baca ꞌacë ꞌixun camina uni itsibëtan ñunshin ꞌatima rabiquin xëati ñu xëatima ꞌain. Nucën ꞌIbu Jesucristo sinánquin uvas bimi aín baca ꞌanan pán picë ꞌixun camina ñunshin ꞌatima sinánquin a rabiquin ꞌati ñu pitima ꞌain.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

Efesios 2:20

Mitsux camina an aín bana uni ñuixunun Jesusan caíscë unicama ꞌimainun an Nucën Papa Dios quicë bana uni ñuixuncë unicaman ñuiasabi oi, Jesucristomi catamëti ami cushicë ꞌain. Usa ꞌaish camina unin maxax xubu oquin ami cushiti pain nantancëxun raíriribi bucúnrucësaribi ꞌain, Cristo a pain nancë maxáxsa ꞌain.

Efesios 2:22

Mitsun ëmanu ꞌicë axa Jesucristomi catamëcë unicamabëribi ca aín uni raíribëa ꞌicësaribiti Nucën Papa Dios ꞌia, aín Bëru Ñunshin Upía aín unicamabë ꞌain.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

2 Timoteo 1:14

Aín Bëru Ñunshin Upí an nubë ꞌixun nu sinánmicë, an ꞌaquincëxun camina Nucën Papa Dios cuëëncësabi oíshi ꞌianan Jesucristo ñuicë banaishi ñuixunti ꞌain.

Hebreos 3:6

Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Hebreos 8:10

Usa ꞌixunbi cana ꞌëx mitsun ꞌIbu Dios ꞌixun mitsu cain, usai ca judíos unicama ꞌiti ꞌicë quixun caquin ꞌën a pain ꞌinan bana sënë́ncëbëtan cana bëtsi bana judíos uni Israel unicama ꞌinánti ꞌain. Ësai ca a bana quiti ꞌicën: ꞌËn cana ꞌën cacë bana ꞌën unicaman manuquinma sinánan aín nuitu mëu upí oquin ꞌunánun ꞌunánmiti ꞌain. ꞌËx cana aín Dios ꞌaish atúan rabicë ꞌiti ꞌain. ꞌImainun ca atux asérabi ꞌën unicama ꞌiti ꞌicën.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Juan 4:12

Nucën Papa Dios ca uinu ꞌicë unínbi isáma ꞌicën. Usa ꞌaínbinu nux bëtsibë bëtsibë nuibanancëbë ca ax nubë ꞌicën. Nubë ꞌixun ca an ꞌacësaribi oquinu unicama nuibanun nu ꞌimia.

1 Juan 4:15

Uin cara —Jesucristo ax ca asérabi Nucën Papa Diosan Bëchicë ꞌaish asaribi ꞌicë —quixun ꞌunánquin unicama ñuixunia, ax ca Nucën Papa Diosbë ꞌicën. ꞌImainun ca Nucën Papa Diosribi a unibë ꞌicën.

Apocalipsis 2:1

Catancëxun ca ësaquinribi ꞌë caxa: —An axa Efesonuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: An aín mëcën mëqueu ꞌicë anun mëcën achúshi ꞌimainun rabë́ ꞌispa tuíncë ꞌianan axa mëcën achúshi ꞌimainun rabë́ anu lamparín nanti nëbë́tsi nicë, Jesús, an ca anuaxa timë́cë unicamami ësaquin a caxúnun quixun mi caia:

Apocalipsis 21:3

Isanan cana naínuaxa munuma ësai qui banaia cuan: —Camina isti ꞌain, anua uni bucucë, anu ca Nucën Papa Dios bërí ꞌia. Anu aín unicama ꞌicë anu ca Nucën Papa Dios ꞌiti ꞌicën. A unicamax ca asérabi aín uni ꞌiti ꞌicën. Ax aín Dios ꞌaish ca aín unicamabë ꞌiti ꞌicën.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.