2 Corintios 5:9 - Kashibo-Kakataibo Biblia

⁹ Usa ꞌain cananuna ënë nëtënu ꞌaish ꞌicësaribiti aín nëtënuxunribi ax cuëëncësa oquin ñu ꞌati cuëënti ꞌain.

Nukën 'Ibu Diosan ain unikama 'inan ain bana

⁹ Usa 'ain cananuna ënë nëtënu 'aish 'icësaribiti aín nëtënuxunribi ax cuëëncësa oquin ñu 'ati cuëënti 'ain.

2 Corintios 5:9 ပူးပေါင်းရင်းမြစ်များ

Génesis 4:7

Min upíokin ñu ꞌakin kamina upíokin sinántsian, ꞌaínbi kamina ꞌaiman, usa ꞌain ka min ꞌuchati ꞌuramara ꞌikën. Usa ꞌaínbi kamina min abi tënëkin ꞌatima ꞌain.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Hechos 10:35

Usa ꞌixun ca an aín bana cuaquin ñu upíshi ꞌacë unicama camabi menu ainan ꞌimia.

Romanos 14:18

Usai ꞌicë unicamax ca Cristo cuëëncësabi oquin ꞌacë ꞌaish Nucën Papa Diosan iscëx upí ꞌianan unínribia iscëx upí ꞌicën.

Romanos 14:8

Usa ꞌaish cananuna nux bamacëma pain ꞌaish Nucën ꞌIbu Jesucristo cuëëncësabi oi ꞌin. ꞌIanan cananuna nux anun bamati nëtë ucëbë ax cuëëncësabi oi abë ꞌinux bamati ꞌain. Nuxnu tsotax ꞌicësaribiti cananuna bamatancëxribi aín uni ꞌain.

Romanos 15:20

A nëtënuxuan uinu ꞌicë unínbi Cristo ñuiquin ñuixuncëma, anu bana ñuixuni cuainsa cana tanin. Uni raírinëan ñuixuncë uni a ñuixuntëcënquinma, anuxuan unin Jesucristo ñuiquin bana ñuixuncëma nëtë, anu bana ñuixuni cuainsa cana tanin,

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 5:6

Usa ꞌain cananuna an ca aín quicësabi oquin nu ꞌimiti ꞌicë quixun sinani, Nucën Papa Diosmi catamëti bënëtiman. Ënëribi cananuna ꞌunanin, ënë nëtënu ꞌaish, nun nami, nun xo acamax ió ꞌicëma pain ꞌaish, cananuna Nucën ꞌIbu Jesúsbë aín nëtënuirama pan ꞌain.

2 Corintios 5:8

Usa ꞌaish cananuna —an ca abë ꞌinun nu ꞌimiti ꞌicë —quixun ꞌunani chuámashi tani cuëënin. Usai ꞌi cananuna ënë nëtënu ꞌima Nucën ꞌIbu Jesúsbë aín nëtënu ꞌiisa tanin.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

1 Tesalonicenses 4:11

Camina upítaxëshi bucuquin uni raíri ubíoquinma mitsun ñu mëëtishi mitsúnbi ꞌai bucuti ꞌain, nun mitsu cacësabi oi.

1 Timoteo 4:10

Nucën Papa Dios, axa bamatimoi tsócë, an camabi uni ainan ꞌinun ië́misa tanquin Jesucristomia ax catamëcë unicama ië́micë, an ca axa quicësabi oquin ënë menuxun ꞌimianan aín nëtënuxunribi aín unicama upitax ꞌinun ꞌimiti ꞌicë quixun cananuna ꞌunanin. Usa ꞌixun cananuna nun ꞌacësaribi oquian camabi unin ꞌunánun, tëmëranan uni numi ꞌatimati banacë ꞌixunbi unicama Nucën Papa Diosan bana ñuixunin.

Hebreos 12:28

Ax xënibua ꞌaínbi cëñútimoi nucën ꞌApuira ꞌain cananuna nux nëtëtima anu abë ꞌianan aín unicamabë ꞌiti ꞌain. Usai ꞌiti sinánquin cananuna Nucën Papa Diosmi sinánquin aín bana cuaquin —asábi ca —cai cuëënquin a rabiti ꞌain, ax cuëëncësabi oquin,

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

2 Pedro 3:14

ꞌËn nuibacë xucë́antu, usaía ꞌiti caíncë ꞌaish camina Nucën Papa Diosan ꞌuchañumarua isanan uisa ñu ꞌatimabi ꞌacëma isti cupí ñu ꞌatima ꞌaíma unicamabë nuibananishi upitax bucuti ꞌain.