2 Corintios 5:3 - Kashibo-Kakataibo Biblia

³ Anuax cananuna ënë namima bëtsi namiñu ꞌiti ꞌain.

Nukën 'Ibu Diosan ain unikama 'inan ain bana

³ Anuax cananuna ënë namima bëtsi namiñu 'iti 'ain.

2 Corintios 5:3 ပူးပေါင်းရင်းမြစ်များ

Éxodo 32:25

Usaia ꞌikë Moisésnën iskëxbi ka Israel unikama atúxbi bërúankakëmasa ꞌaish paë́nkë ꞌikëa ami nishkë unin uxun ami kuainuxun ꞌaisa ꞌiakëxa, Aarónën upíokin bërúankëma ꞌaish ka usai ꞌiakëxa,

2 Corintios 5:2

Usai cananuna Nucën Papa Diosan nëtënu ꞌiti ꞌai quixun ꞌunani cananuna asérabi ënë nëtënuax anu cuainsa tani bënëtin.

2 Corintios 5:4

Ënë nëtënu ꞌaish cananuna paë tani masá nuituti bënëtin. Usa ꞌaish cananuna ënë namiñuma bëtsi nami bamatima, axa usabii ꞌiti, aañu ꞌiti cuëënin.

Apocalipsis 16:15

“Ësai ca ꞌiti ꞌicën: An ñu mëcamacë uníxa unin sináncëma ꞌaínbi ꞌicësaribicuatsini cana ꞌëx uti ꞌain. ꞌËx ucëbë ca an upí ñu ꞌaquin ꞌëx uti caíncë uni, ax cuëënti ꞌicën. Ax ca chupa upí pañucësa ꞌaish rabíntima ꞌicën. Usa ꞌaish ca chupañuma ꞌicëa uni raírinën iscë́xa uni rabíncësaribi ꞌitima ꞌicën”.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.