2 Corintios 5:19 - Kashibo-Kakataibo Biblia

¹⁹ Ënëx ca ësa ꞌicën: Nucën Papa Diosan ca Cristo cupía camabi uni abë upí ꞌinun mëníocëxa. Mëníonan ca atun ñu ꞌatima ꞌacëcama a sinántëcënuxunma tërë́nxuanan, nun aín bana anun unicama abë upí ꞌinun ñuixunun nu cacëxa.

Nukën 'Ibu Diosan ain unikama 'inan ain bana

¹⁹ Ënëx ca ësa 'icën: Nucën Papa Diosan ca Cristo cupía camabi uni abë upí 'inun mëníocëxa. Mëníonan ca atun ñu 'atima 'acëcama a sinántëcënuxunma tërë́nxuanan, nun aín bana anun unicama abë upí 'inun ñuixunun nu cacëxa.

2 Corintios 5:19 ပူးပေါင်းရင်းမြစ်များ

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Números 9:16

Usakin ka kamabi nëtën kuinan xubusa okin ꞌakë a mapuakëxa: usa ꞌikë ka imë́ribi tsi rëkirukësa ꞌixun kuinan mapukë Israel unikaman isakëxa.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Juan 14:20

A nëtën camina ꞌunánuxun ꞌacanin, ꞌëx cana ꞌën Papabë ꞌain, usaribiti camina mitsux ꞌëbë ꞌain, ꞌëxribi mitsubë ꞌimainun.

Juan 17:23

Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.

Romanos 11:15

Judíos unibunëx Cristomi catamëcëma ꞌaish Nucën Papa Diosnanma ꞌain ca judíosma unibu Cristomi catamëti Nucën Papa Diosnan ꞌia. Usa ꞌaínbi ca judíos unicamaxribi Cristomi catamëcë ꞌaish, uni bamacë ꞌaíshbi baísquicësa ꞌain, Nucën Papa Dios cuëëinra cuëënti ꞌicën.

1 Corintios 13:5

Ca nishcësashi ꞌaish aín cuëëncësa oíshi ꞌima. Aín cuëëncësa oquinshi ñu ꞌacë ca ꞌima. Ca bënëtishi nishima. Ami nishquian unin ꞌatimocëxunbi ca axribi ami nishquinma tanshitia.

Colosenses 2:9

Cristonëx ca uni ꞌicën, ꞌaíshbi ca uisaira cara Nucën Papa Dios ꞌicë usaribi ꞌicën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.