2 Corintios 5:17 - Kashibo-Kakataibo Biblia

¹⁷ Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

Nukën 'Ibu Diosan ain unikama 'inan ain bana

¹⁷ Usa 'ain ca uinu 'icë unix cara Cristomi catamëtia ax Cristobë 'aish bëtsi uni 'icën. Usa 'ixun ca bëráma 'acësa oquin sinántëcënima. Bëtsi oquin ca sinania.

2 Corintios 5:17 ပူးပေါင်းရင်းမြစ်များ

Salmos 51:10

ꞌËn ꞌIbu Dios, ꞌatima ñu sinánxuma ꞌanun kamina ꞌë ëntima ꞌain. ¡ꞌIanan kamina upí sinánñu bërí ꞌinun ꞌë ꞌimiti ꞌain!

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Ezequiel 18:31

Usa ꞌain kamina kamabi ñu ꞌatima ꞌën kuëënkëma mi ꞌakë a ënkanti ꞌain, usakin ëni kamina upíokin sinani kuëëni tsókanti ꞌain. ¿Uisa kupín kara Israel unikama bamati ꞌikën,

Ezequiel 36:26

usakin ꞌakin kana ꞌën mitsux ꞌatimati tsókë a mëníokanun ꞌimianan upíokin sinanimi tsónun ꞌimiti ꞌain. ꞌImikin kana mitsun nuitu iruarakë a ëmikin mitsun nuitu ñu bachusa ꞌaimi ꞌën kakëxun ꞌën bana kuanun ꞌimiti ꞌain.

Mateo 12:33

Ca ësa ꞌicën: Upí i ꞌapácëx ca aín bimi upí ꞌiti ꞌicën. I ꞌaisama ꞌapácëx ca aín bimi ꞌaisama ꞌiti ꞌicën. Aín bimi isquin ca unin ꞌunánti ꞌicën, a i cara upí ꞌicë, cara ꞌaisama ꞌicë quixun. Usaribi oquin camina ꞌën ñu ꞌaia isquin ꞌunánti ꞌain, uin cushin carana ñu ꞌai quixun.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

Juan 14:20

A nëtën camina ꞌunánuxun ꞌacanin, ꞌëx cana ꞌën Papabë ꞌain, usaribiti camina mitsux ꞌëbë ꞌain, ꞌëxribi mitsubë ꞌimainun.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Juan 15:5

ꞌËx cana uvas aín i rarasaribi ꞌain. Aín pëñánsaribi camina mitsux ꞌain. Usa ꞌaish camina ꞌëmi catamëanan ꞌëmi upiti sinánan ꞌëx mibë ꞌain, min sinan ꞌën sinánsaribi ꞌaish ꞌëx cuëëncësabi oquin ꞌanan ꞌën bana quicësabi oi ꞌiti ꞌain. ꞌËx mitsubëma ꞌain camina ꞌëx cuëëncësa oi ꞌitima ꞌain.

Juan 17:23

Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Romanos 16:10

Apeles, camaxunbia asérabi Cristonan ꞌicë ꞌunáncancë, a ꞌimainun Aristóbulonën xubunu ꞌicëcamaribi camina bërúanxa ꞌinun ꞌë caxunti ꞌain.

Romanos 16:11

ꞌËn aintsi Herodión, a ꞌimainun Narcisonën xubunu ꞌicëcama, axa Nucën ꞌIbu Jesucristomi catamëcë, aribi camina bërúanxa ꞌinun ꞌë caxunti ꞌain.

Romanos 16:3

Priscila ꞌimainun Aquila, an ꞌëbëtan Cristo Jesús ñuiquin bana ñuixuncë, a camina bërúanxa ꞌinun ꞌë caxunti ꞌain.

Romanos 16:7

Adrónico ꞌimainun Junias, ꞌën aintsi rabë́, axa ꞌëcëñun sipuacë ꞌicë, a camina bërúanxa ꞌinun ꞌë caxunti ꞌain. —Atux ca asérabi upí uni rabë́ ꞌicë —quixun ca a Jesucristonën bana ñuixunun caíscë unicaman ñuia. ꞌËx Cristomi sináncëma pain ꞌain ca atux pain Cristomi sináncëxa.

Romanos 16:9

Urbano an nubëtan Cristo Jesús ñuiquin bana ñuixuncë, a ꞌimainun Estaquis, ꞌën nuibacë, aribi camina bërúanxa ꞌinun ꞌë caxunti ꞌain.

Romanos 7:6

Usai ꞌiá ꞌaíshbi cananuna nun, ax quicësabi oquin ꞌati bana axa quicësabi oquin ꞌacë cupíma, Cristomi catamëtishi ainan ꞌixun aín Bëru Ñunshin Upitan sinánmicëxun bëtsi oquin sinánquin Nucën Papa Dios cuëëncësabi oquinshi ꞌain.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 13:11

Xuratsu ꞌaish cana ꞌëx tuá xuratsu ꞌicësari banacën. Usa ꞌixun cana tuá xuratsunën sináncësa oquin sináncën. Xuratsu ꞌixun cana xuratsunëan cuacësa oquin cuacën. Usa ꞌixunbi cana canitancëxun xura ꞌaish ꞌëx ꞌiá acama ëancën.

2 Corintios 12:2

ꞌËn cana ësaía ꞌia ñu ꞌunanin. Axa Cristomi catamëcë uni achúshinëx ca naí cata rabë́ ꞌucë cuancëxa, Nucën Papa Diosan ꞌimicëx. Aín namibëbi cara cuancëxa, aín bëru ñunshínshi cara cuancëxa cana ꞌunaniman. Nucën Papa Diosainshi ca ꞌunánxa. Usai a uni ꞌiá ca catorce baritia ꞌicën.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

2 Corintios 5:19

Ënëx ca ësa ꞌicën: Nucën Papa Diosan ca Cristo cupía camabi uni abë upí ꞌinun mëníocëxa. Mëníonan ca atun ñu ꞌatima ꞌacëcama a sinántëcënuxunma tërë́nxuanan, nun aín bana anun unicama abë upí ꞌinun ñuixunun nu cacëxa.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Gálatas 6:15

Nux asérabi Cristonan ꞌaish cananuna, axa usabi ꞌunántioracacë unicamaxa ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Ainan ꞌicëa Cristonën nu ꞌimicëxun bërámanu ꞌása oquin sinántëcënquinma bëtsi oquin sináncë cupíshi cananuna Nucën Papa Diosan iscëx upí ꞌain.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Efesios 2:15

Ax camabi unin ꞌucha cupí bamaquin ca Cristonën nux judíos uni ꞌixun Moisésnën cuënëo bana quicësabi oquin ꞌacë cupíma ami catamëcë cupíshi Nucën Papa Diosnan ꞌiti mëníocëxa. Usouni ꞌicësaribitia judíosma uniquin ca nux judíos uni ꞌaish ꞌicësaribitimi mitsúxribi ami catamëcë cupí ainan ꞌinun ꞌimiaxa. Usa ꞌain cananuna camáxbi ainan ꞌaish sënën ꞌain.

Filipenses 4:21

Anu ꞌicë axa Jesucristonan ꞌaísh Nucën Papa Diosan unicama aribi, camina bërúanxa ꞌinun ꞌë caxunti ꞌain. ꞌËbëa ꞌicë axa nubë Jesucristomi sináncë nucën xucë́antunribi ca bërúanxmi ꞌicánun quixun mitsu canun ꞌë caxa.