2 Corintios 5:16 - Kashibo-Kakataibo Biblia

¹⁶ Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Nukën 'Ibu Diosan ain unikama 'inan ain bana

¹⁶ Bëráma uni isquin, ax ca unishi 'icë quixun sinan 'ixunbi cananuna bërí, uisa uni cara, —axribi ca Jesucristonan 'iti 'icë —quixun sinanin. Usaribi oquin —Cristo ax ca unishi 'icë quixun sinan 'ixunbi cananuna bërí Cristo ax ca asérabi Nucën Papa Diosan Bëchicë, an nu ainan 'inun ië́micë, a 'icë quixun 'unanin.

2 Corintios 5:16 ပူးပေါင်းရင်းမြစ်များ

Mateo 10:37

ꞌËn unicaman ca aín papa, aín tita nuibati ꞌicën. Nuibatibi ca atu nuibacësamaira oi ꞌëmi sinánti ꞌicën. Usai ꞌëmi sináncëma ꞌaish ca ꞌën unimasa ꞌicën. Usaribiti ca ꞌëmi sináncësamaira oquian aín bëchicë nuibacë uni ax ꞌën unimasa ꞌicën.

Juan 15:14

ꞌËn cacësabi oi ꞌi camina mitsux ꞌëbë nuibanancë uni ꞌain.

Juan 2:4

Cacëxun ca Jesusan cacëxa: —¿Uisati caramina ꞌë usaquin cain? Anun ꞌën ñu ꞌati nëtë ca ꞌicëma pain ꞌicën.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Juan 8:15

Unin sináncësa oquinshi sinánquin camina mitsun bëtsi ꞌuchoin, ꞌaínbi cana ꞌën uni ꞌuchoiman.

2 Corintios 11:18

ꞌItsaira uníxa ënë nëtënu ꞌicë ñuishi sinani rabiacacësaribi oi cana ꞌëxribi rabiacati ꞌain.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Deuteronomio 33:9

atun ka minmi ká banakama kikësabiokin asérabi ꞌaia ꞌanan ka achúshi ñu min atubëtan ꞌa ax kikësokinbi ꞌaia: Usakin ꞌai atux aín papa ꞌimainun aín tita ñui uinsaranbi kana atu iskëma ꞌai kiax kia; kianan ka aín xukë́nkamakëñun aín chirabakëkama: Ñuiribi atu kana ꞌunánima kia, kianan ka aín bakë bëchikë bëbu ꞌimainun xanukamaribi: ñui uin bëchikë kara atux ꞌikë kana ꞌunanima kiax kia.

Filipenses 3:4

ꞌËx ꞌunántioracacë cupí cana judíos uni ꞌaish upí ꞌai quixuan atun sináncë ꞌaínbi cana ꞌëx ꞌiisa tani atúxa ꞌicësamairai rabítsian. Uinu ꞌicë unínbi ca ꞌën ꞌacësamaira oquin usai judíos unicama ꞌiti Moisésnën cuënëo bana quicësabi oquin ꞌacëma ꞌicën.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

1 Samuel 2:29

¿Mitsun kamina usakin ꞌanun kakëxuan ꞌaiabi, ꞌë ꞌinainshikë ñu ꞌatimon? ¿Uisati kaina min bakë bëchikëkama usakin ꞌëmi manuxun ñu ꞌanun ꞌamiti ꞌain? ¿Mitsux kamina ꞌë ꞌinainshiti Israel unikaman bëkë piti ñu upíbu a pibi xuátima ꞌai kiax ka Dios kiaxa?