2 Corintios 5:15 - Kashibo-Kakataibo Biblia

¹⁵ Aín unicamaxa ënë nëtënuax atux cuëëncësa oi ꞌima, ax cuëëncësabi oi ꞌinun ca Cristo, axa atu cupí bamatancëx baísquia, ax camabi unin ꞌucha cupí bamacëxa.

Nukën 'Ibu Diosan ain unikama 'inan ain bana

¹⁵ Aín unicamaxa ënë nëtënuax atux cuëëncësa oi 'ima, ax cuëëncësabi oi 'inun ca Cristo, axa atu cupí bamatancëx baísquia, ax camabi unin 'ucha cupí bamacëxa.

2 Corintios 5:15 ပူးပေါင်းရင်းမြစ်များ

2 Reyes 5:17

Usakin kakëxunbi kuëëniama ka Naamánnën katëkëankëxa: —Min kamina ꞌën ꞌinaishikë ñu bisamatanin, usa ꞌain kana mi ñukatin ꞌë karamina caballo rabë́nu ꞌarutibëtan sënën Israel me ënua me chukúma ꞌë ꞌinántima ꞌain; an mi ñu mëëxunti uni ënën ka amiribishi ñuina ꞌaímai këñutanun bëtsi dioskama, xaroxuntëkënkima Dios ashi ñuina xaronxunti ꞌikën.

Ezequiel 37:14

Usa ꞌain kamina ꞌën mitsu anun tsóti uin ꞌinánkë amiribishi tsótëkëkanti aín; usakin ꞌatankëxun kana mitsun menubi tsónun mitsu ꞌimiti ꞌain. Usakin ꞌakëxun kamina ꞌëx Dios ꞌixun kana ꞌëx kikësabiokin an kixun ꞌunánkanti ꞌain. ꞌËx mitsun ꞌIbu asérabi ꞌaish kana ësai kin.

Ezequiel 37:9

Usa ꞌain ka Diosan ꞌë kakëxa: ꞌËn anën kamina suñu xo unikëkama kati ꞌain: Ësai ka Dios kiaxa: Au bari urukë amiax umainun, amia bari kuabúkë amiaxribi umainun ain tsipúmiax umainun, aín rëbumiaxribi ka anuan ñua unikama uinti suñu uti ꞌikën.

Habacuc 2:4

Ënë bana kamina kuënëoti ꞌain, an ñu ꞌatima ꞌakë unikamax ka ax isa usaira ꞌikë kiax kikanti ꞌikën, ꞌaínbi ka an ñu upí ꞌakë unikama atux ꞌëx kikësokin ꞌai tsóti ꞌikën.

Lucas 1:74

Abrahamnën rëbúnqui nun nu racuë́quinma a rabinun ca axa numi nishcë unicaman ubíotima oquin an nu ië́miti ꞌicën.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Juan 6:57

Nucën Papa Dios, an ꞌë xuá, ax ca bamatimoi tsotia. Ax ꞌëbë ꞌain cana an ꞌimicëx ꞌëxribi tsotin. Usaribiti ca ꞌëmi catamëquian an ꞌë picësa uni axribi ꞌën ꞌimicëx ꞌëbë ꞌaish ꞌëx ꞌicësaribiti tsóti ꞌicën.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Romanos 4:25

Nucën Papa Diosan ca nun ꞌuchacama tërë́ncë ꞌaíshnu upí ꞌinúan bamanun ꞌimitancëxun Jesucristo baísquimiacëxa. An usoquin ꞌá ꞌaínnu ami catamëtia ca Nucën Papa Diosan nu upí isia.

Romanos 6:2

Usama ca. Nun ꞌucha cupí Jesucristo bama ꞌain cananuna nux ꞌuchatëcënuxma abë bamacësa ꞌain. Usa ꞌaish cananuna unin bamaquin aín ꞌucha ashiquin ëncësa usaribi ꞌain. ¿Usa ꞌaish caranuna uisa cupí ꞌuchaíshi tsóti ꞌain?

Romanos 6:6

Cananuna ꞌunanin, Cristonanma pain ꞌixun cananuna ënquinma nux cuëëncësa oquinshi ñu ꞌatima ꞌacën. Usa ñu sinántëcënuxunma cananuna Cristobë bamacësa ꞌixun ꞌuchati sinántëcëntima ꞌain. Uni bamacë an ca ñu ꞌaisama ꞌati sinántëcënima. Usaribi oquin cananuna nux Cristobë bamacësa ꞌixun ñu ꞌatima ꞌatëcënti sinántima ꞌain.

Romanos 8:10

Aín ꞌucha cupí ca camabi uni bamaia. Usa ꞌaínbi camina mitsux, Cristo mitsubë cupí, Nucën Papa Diosan iscëx upí ꞌain. Usa ꞌain ca mitsun namíxa bamacëbëbi mitsun bëru ñunshin bamatimoi Nucën Papa Diosbë ꞌiti ꞌicën.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

Romanos 8:6

An Nucën Papa Dios cuëëncësoi ꞌiti sinánquinma ënë nëtënu ꞌicë ñuishi sináncë uni, ax Nucën Papa Diosnanma ꞌaish abë ꞌitimoi bamati ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oíshi ꞌiti sináncë uni, ax Nucën Papa Diosbë upí ꞌaish abë nëtë́timoi tsóti sinani chuámarua tani cuëënia.

1 Corintios 10:33

ꞌËnribi cana camabi uníxa ꞌën ꞌaia isi cuëënun ñu ꞌain. ꞌËn cuëëncë ñu ꞌatishi sinánxun cana ñu ꞌaiman. Jesucristomi catamëtía ië́nun camabi uni ꞌaquínti sinánxun cana ñu ꞌain.

2 Corintios 12:10

Usa ꞌaish cana Cristo ñuiquin aín bana unicama ñuixuncë cupí uni ꞌëmi ꞌatimati banacë ꞌianan ñuñuma ꞌianan unin bëtsi bëtsi ocë ꞌianan numi uni nishmainun bëtsi ñu cupíribi tëmëraquinbi bënëquinma tanshitin. Usa ꞌaish cushima ꞌixunbi cana Cristonën cushiocëxun ax cuëëncësabi oquin cushiñu ꞌixun ñu ꞌati ꞌain.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Gálatas 5:25

Usa ꞌain cananuna nux aín Bëru Ñunshin Upitan ꞌimicëx Nucën Papa Diosan uni ꞌixun, aín Bëru Ñunshin Upitan an nu sinánmicësabi oquin ꞌati ꞌain.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.

Colosenses 3:1

Cristonan ꞌaish camina mitsux axa bamax baísquicësaribi ꞌain. Usa ꞌain camina ax, asaribi cushiira ꞌaish aín Papa mëqueu tsócë, ax cuëëncësabi oi ꞌitishi sinánti ꞌain.

Colosenses 3:17

Uisa ñu caramina ꞌain, a upí oquin ꞌanan camina banairibi upiti banaquin mitsux Nucën ꞌIbu Jesúsnan ꞌixun a ꞌaxuncësa oquin ꞌati ꞌain. ꞌAnan camina Cristonan ꞌixun Nucën Papa Dios —asábi ca —cati ꞌain.

Colosenses 3:23

Uisa ñu caramina ꞌain, abi camina ꞌaisabi tanquin —unishima ꞌën ꞌIbu Jesucristoribi cana ënë ñu ꞌaxuni —quixun sinánquin upí oquin ꞌati ꞌain.

1 Tesalonicenses 5:10

Jesucristo ax ca nuxnu bamacëma pain ꞌaish abë ꞌianan bamatancëxbi abë tsónun nu cupí bamacëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

1 Pedro 4:6

Usai ca ꞌiti ꞌicë quixuan ꞌunánun ca bamacëma pain ꞌixuan unicaman cuanun aín unicaman Cristo ñui quicë bana ñuixunia. A bana cuati Jesucristomi catamëcë ꞌaish ca aín unicama, camabi uni ꞌicësaribiti bamati ꞌaíshbi, Nucën Papa Dios ꞌicësaribiti nëtë́timoi tsóti ꞌicën.

1 Juan 4:9

Nucën Papa Diosan ca aratsuishi ꞌicëbi aín Bëchicë ënë menu uni ꞌinun xuacëxa, a cupínu nux ainan ꞌaish nëtë́timoi abë ꞌinun. Usoquian ꞌá ꞌain cananuna ꞌunanin, uisaira oquin cara Nucën Papa Diosan camabi uni nuibatia quixun.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.