2 Corintios 5:11 - Kashibo-Kakataibo Biblia

¹¹ Usaquin ca Nucën ꞌIbu Jesucristonën unicama ashúshi achúshi isti ꞌicë quixun ꞌunánquin cananuna ami racuë́quin camabi unínribi ꞌunánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan ꞌunánxa. Usaquinu ꞌaiami mitsúnribi ꞌunánti cana cuëënin.

Nukën 'Ibu Diosan ain unikama 'inan ain bana

¹¹ Usaquin ca Nucën 'Ibu Jesucristonën unicama ashúshi achúshi isti 'icë quixun 'unánquin cananuna ami racuë́quin camabi unínribi 'unánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan 'unánxa. Usaquinu 'aiami mitsúnribi 'unánti cana cuëënin.

2 Corintios 5:11 ပူးပေါင်းရင်းမြစ်များ

Génesis 35:5

Uínsaran kara atux chikitia anun ka Diosan atu ꞌurama ꞌikë ëmakama ꞌitsaira rakuënun ꞌimiakëxa, usokëx rakuë́kin ka Jacob ꞌimainun aín bëchikëkama nuiama ꞌikën.

Job 31:23

Usa ꞌain kana Diosan ꞌë ꞌatimokin tëmëramiti anun rakuëakën; ¡usa ꞌain kana ax ꞌapu kushiira ꞌixuan uisakin kara ꞌakëxun ꞌën tënëama ꞌitsían!

Salmos 73:19

¡Atux ka bënë́kinshi këñúkë ꞌiti ꞌikën! ¡Usa ꞌain ka rakuë́kë ax atubëbi këñuti ꞌikën!

Salmos 90:11

¿Uin kara min kuëënkëma ñu ꞌaia isími mix nishkë a ꞌunánti ꞌik? ¿Ui unin kara mix nishkë a ꞌunánti ꞌik?

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Mateo 25:46

Usaquin ꞌën cacëx ca acamax anuxuan xënibua ꞌaínbi tëmërati anu cuanti ꞌicën. Cuancëbë ca ꞌën unicamax Nucën Papa Diosan nëtënu xënibua ꞌaínbi ꞌëbë ꞌi cuanti ꞌicën.

Lucas 12:5

A unicamamimi racuë́tima ꞌaínbi cana uimi caramina racuë́ti ꞌai quixun mitsu cati ꞌain. Nucën Papa Dios, an uni aín cushínbi bamamianan uni manë tsi anua ꞌinun ꞌimiti, amishi camina racuë́ti ꞌain. ꞌËn cana mitsu cain, camina asérabi ami racuë́ti ꞌain.

Lucas 16:31

Quiabi ca Abrahamnën cacëxa: Moisés ꞌimainun an Nucën Papa Dios quicë bana uni ñuixuncë unicaman cuënëo bana isquinbi cuaisama tancë ꞌixun ca anu uni bamacë ꞌicënuax cuancë unin banaribi cuaisama tanti ꞌicën.

Hechos 13:43

Usa ꞌain ca unicamaxa a xubunuax chiquícëbë judíos uni raíri ꞌimainun judíosma ꞌixunbi Nucën Papa Diosan bana sinánquin ax quicësabi oquin ꞌacë, acamax Bernabé ꞌimainun Pablobë cuancëxa. Cuania buánquin ca Pablobëtan Bernabénën ꞌësëquin ësaquin cacëxa: —Nucën Papa Diosan mitsu nuibacëx camina ami manutima ax cuëëncësabi oi ꞌiti ꞌain.

Hechos 18:13

Buánxun ca Galión ꞌimainun abë ꞌicë unicama cacëxa: —Ënë unin ca usai judíos unicama ꞌiti Moisésnën cuënëo bana quicësama oquin Nucën Papa Dios rabinun quixun unicama caia.

Hechos 18:4

Usoquin ꞌanan ca anun ñu mëëtima nëtëcaman anua judíos unicama timë́ti xubunu cuanxun —Jesús ax ca asérabi Cristo, axa utia judíos unicaman caíncë, a ꞌicë —quixun bana ñuixuancëxa. Ñuixuncëxun ca judíos unicama raíri ꞌimainun judíosma unicama raírinënribi —Jesús ax ca asérabia Nucën Papa Diosan xuá a ꞌicë —quixun ꞌunánquin sináncëxa.

Hechos 19:26

Usa ꞌaínbi camina mitsun Pablo isanan an ñuicë banaribi cuatin. An ca Efeso ëmanushima, Asia menu ꞌicë ëmacama oquin, unían a rabinuxun ꞌacë ñu ax ca asérabi diosma ꞌicë quixun caquin, a rabixunma ꞌanun caquin ꞌaisamaira uni sinánmiaxa.

Hechos 26:26

ꞌApu Agripa ënën ca ꞌëx a ñui quicë ñucama ënë upí oquin ꞌunánxa. Unían isnunma ñu ꞌacëma ꞌixun cana ꞌën, an ca asérabi ꞌën ñuicë ñucama ꞌunánxa quixun ꞌunanin. Usa ꞌain cana racuë́quinma ënë ñucama a ñuixunin.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

2 Corintios 5:20

Nux Cristonën ꞌimicë ꞌixun cananuna an sinánmicësabi oquin mitsu ësaquin cain, Nucën Papa Dios anbia mitsu cacësa ꞌinun: Nucën Papa Diosbë upí ꞌinux camina min ꞌuchacama tërë́ncë ꞌinun Jesucristomi catamëti ꞌain.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Gálatas 1:10

¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Hebreos 10:31

Usa ꞌain cananuna nun ꞌucha ëncëma ꞌaish, Nucën Papa Diosan ca ax cushiira ꞌixun uisaira oquin cara ꞌati ꞌicë usoquin nu ꞌati ꞌicë quixun sinani ami racuë́ti ꞌain.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

Judas 1:23

Uni raírinëxa aín ñu ꞌatima ꞌacë cupí Nucën Papa Diosnanma ꞌicëbi camina amia sinánun ꞌaquinti ꞌain, tsinuaxa xaráti ꞌicëbi uni bicësaribi oquin. Usaribi oquin camina uni raíriribi nuibaquin upí ꞌinun ꞌaquinquinbi axa ꞌatima ꞌicësaribi ꞌitin rabanan bërúinra oti ꞌain, ax ꞌaisama cupía, aín chupáxbi chuaíracësa ꞌicë timacësa oquin aín ꞌucha timaquin.