2 Corintios 4:8 - Kashibo-Kakataibo Biblia

⁸ Unían nu ꞌatimocëxbi cananuna Nucën Papa Diosan nu ꞌaquincë cupí asábi ꞌain. Uisa ñu cara ꞌicëbëbi cananuna sináncasmai bënëtiman.

Nukën 'Ibu Diosan ain unikama 'inan ain bana

⁸ Unían nu 'atimocëxbi cananuna Nucën Papa Diosan nu 'aquincë cupí asábi 'ain. Uisa ñu cara 'icëbëbi cananuna sináncasmai bënëtiman.

2 Corintios 4:8 ပူးပေါင်းရင်းမြစ်များ

Salmos 37:33

Nukën ꞌIbun ka usakian atun ꞌanun ëntima ꞌikën, ꞌianan ka usakin ka ꞌaxa kixuan ñuitanun ꞌamitima ꞌikën.

Isaías 40:31

ꞌaínbi ka axa Nukën ꞌIbumi katamëkë: unikama ax kuni kushiñumasa ꞌima abi kushiakëkiani; tëtëkamë ꞌëo nuani nikë usai nitsi abatibi atsantima ꞌikën ꞌimainun ka usai nitsibi atsantima ꞌikën.

Habacuc 3:17

Usa ꞌain kana ꞌitsaira kuëënti ꞌain, Diosan ꞌë ië́mikin ꞌakinkëx. ꞌËn kana higuera kakë i uabutima ꞌimainua uvas ꞌapákëkama ꞌianan olivos kakë akama bimima ꞌimainun; naënu ꞌapákëxunbi ñun tuaima ꞌimainunbia; ñuina ꞌarakakëkama ꞌianan ovejakama ꞌimainun vacakama ꞌaíma ꞌinun këñúkë ꞌaia aín kënëishi ꞌaínbi kana ꞌën mishi rabiti ꞌain.

Juan 14:18

ꞌËn cana mitsu ꞌibuñumoima, cana mitsunu utëcënin.

1 Corintios 10:13

Ñu ꞌatima ꞌati sinánquinbi camina ꞌunánti ꞌain, mitsúinshima uni itsínribi ca usaribi oquin sinani tëmëraia quixun. Usa ꞌaínbi ca Nucën Papa Diosan, ax quicësabi oquin mitsu ꞌaquinquin, ñunshin ꞌatimanën mitsu ꞌaisamaira oquin tanun ënima. An ca ami catamëquinmi min ñu ꞌatima ꞌati sináncë ënun mitsu cushioquin, uisaxun caramina ënti ꞌai quixun mitsu sinánmiti ꞌicën.

2 Corintios 12:10

Usa ꞌaish cana Cristo ñuiquin aín bana unicama ñuixuncë cupí uni ꞌëmi ꞌatimati banacë ꞌianan ñuñuma ꞌianan unin bëtsi bëtsi ocë ꞌianan numi uni nishmainun bëtsi ñu cupíribi tëmëraquinbi bënëquinma tanshitin. Usa ꞌaish cushima ꞌixunbi cana Cristonën cushiocëxun ax cuëëncësabi oquin cushiñu ꞌixun ñu ꞌati ꞌain.

2 Corintios 6:12

ꞌItsaira mitsu nuibaquin nun cacësaribi oquin mitsun nu nuibaquin cati sináncëbëtanbi camina nu cacëma ꞌain.

2 Corintios 6:4

Bëtsi bëtsi onan numi nishquin unin tëmëramicë ꞌianan uisa ñu cara ꞌicëbëbi bënë́quinma tanshiquin Nucën Papa Diosan bana ñuixunia isquin ca camabi unin ꞌunánti ꞌicën, nux cananuna asérabi Nucën Papa Diosan uni ꞌai quixun.

2 Corintios 7:5

Macedonia menu uax cananuna upíma ꞌaish masá nuituan. Ënuax cananuna ꞌaisamaira tëmëran, numi uni nishcë cupí ꞌianan mitsucëñun Titoribi sinani masá nuituti.

Gálatas 4:20

ꞌËx anu mitsubë ꞌiti cana cuëënin. ꞌËx anu ꞌixun cuni cana mitsubë banaquin, upí oquin mitsun sinan ꞌunánquin, mitsu upí oquin ꞌësëtsian. Mitsubëma ꞌixun cana uisai caramina ꞌicani quixun ꞌunaniman. Usa ꞌain cana uisaquin carana mitsu cati ꞌai quixun ꞌunaniman.

1 Samuel 28:15

Usaia ꞌia ka Samuelnën bëru ñunshinan kakëxa: —¿Uisoti kaina unun kixun ꞌë ubíokin umian? Kakëxun ka Saúlnën kakëxa: —ꞌËx kana ꞌaisamaira sinani masá nuitutin, filisteo suntárukaman ka ꞌë ꞌanux timë́kamë ꞌëoxa Diosanbi ka ꞌë ꞌakinti ëanxa. Usa ꞌixun ka ñukákëxunbi ꞌë ꞌakinima ꞌimainun ka namámikinbi bërí ꞌë kaima. ꞌImainun ka an Dios kikë bana ñuikë unikamanbi ꞌë kanun kixun kaima, usa ꞌain kana mi kuëan añu karana ꞌati ꞌai kixun mi ñukánuxun.

1 Samuel 31:4

Usokia ꞌakankëxun ka Saúlnën an manë pará tuixunkë uni a kakëxa: —Min manë xëtokë bikin kamina anun bëríbi ꞌë ꞌati ꞌain, ꞌëx kana filisteo unikama an Dios rabikëma kamaxa ꞌë ꞌatankëx ꞌëmi kuaiti kuëëniman. Usokian kakëxunbi ka an aín manë pará tuinxukë uni an usokin ꞌaisama tani ꞌitsaira rakuë́akëxa. Usai ꞌikëbëtan ka Saúlnën aín manë xëtokë bitsi anun abi tarókati bamakëxa.