2 Corintios 4:7 - Kashibo-Kakataibo Biblia

⁷ Nun cushínbi ꞌatsínxunmabi cananuna an ꞌamicëxuinshi ax cuëëncësabi oquin ꞌati ꞌai quixuan unicaman ꞌunánun ca Jesucristo cupí Nucën Papa Diosan nux abë upí ꞌixúnu aín cushínbi ñu ꞌanun nu ꞌimia.

Nukën 'Ibu Diosan ain unikama 'inan ain bana

⁷ Nun cushínbi 'atsínxunmabi cananuna an 'amicëxuinshi ax cuëëncësabi oquin 'ati 'ai quixuan unicaman 'unánun ca Jesucristo cupí Nucën Papa Diosan nux abë upí 'ixúnu aín cushínbi ñu 'anun nu 'imia.

2 Corintios 4:7 ပူးပေါင်းရင်းမြစ်များ

Job 4:19

¡usa ꞌain ka unix ñu ꞌatima ꞌakë anunbi kushima ꞌaish, xubu ꞌakin me bachunu nitsinkin ꞌakë usaribi ꞌikën, usa ꞌikëa suñun nipakësa usaribi ꞌaish ka bisa chakakësa okinshi chakakë ꞌiti ꞌikën!

Mateo 13:44

Catancëxun ca Jesusan ësaribi oquin aín ꞌunánmicë unicama cacëxa: —Nucën Papa Dios naínu ꞌicë an cara ainan ꞌiti unicama uisoquin ainan ꞌimiti ꞌicë quixun ñui cana ꞌaisamaira cupícë ñu ñui ësai quin: Achúshi unin ca ꞌaisamaira cupícë ñu, me ꞌucë mëu uni itsían unëa, mëraxa. Mëraquin ca —ꞌënan ca ꞌiti ꞌicë —quixun sinani cuëënquin maputëcëanxa. Mapubiani cuanquin ca aín ñucama anun a me maruti curíqui binuxun maruaxa. Marutancëx curíqui bëi utëcënquin ca a me ainan ꞌinun maruaxa. Usaribiti ca uni bëtsi ñu cuëëncësamaira oi Nucën Papa Diosnan ꞌiti cuëënia.

Mateo 13:52

Quia ca Jesusan cacëxa: —An Nucën Papa Dios naínu ꞌicë aín bana únáncë uni, an ca ꞌën uni ñuixuncë bana unicama ñuixuanan bëráma ꞌë ñuiquin cuënëo bana aribi ñuixunia. Ax ca xubuñu unían a isi ucë uni aín ñu ió ꞌimainun aín ñu ióma ꞌaíshbi upí, aribi ismicësa ꞌicën.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

1 Corintios 1:28

Ainsa ñu ꞌunánxa quixuan sináncë unicaman, —Diosan ꞌamicëxun ca aín unicaman nun sináncësamaira oquin sinania —quixun istánun ca Nucën Papa Diosan axa ënë nëtënu ꞌicë unían ñu ꞌunánma isa quixun sináncë unibu ainan ꞌinun caísaxa.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 13:4

Cristo ax ca uni itsi ꞌicësai i curúsocënu matáscë ꞌiacëxa. Usai ꞌiá ꞌaíshbi ca bërí Nucën Papa Diosan cushin uisatimoi tsotia. Usa ꞌain cananuna nux Cristo ꞌiásaribiti ꞌiquin uisa cara unin ocëxunbi cupiquinma tanshiti cushimasa ꞌixunbi an ꞌimicëxun Nucën Papa Diosan cushin mitsu ꞌaquinin.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

2 Corintios 5:1

Cananuna ꞌunanin, bëráma unin ꞌá ꞌaísha xubu chëquicësaribiti ca nun nami anu nun bëru ñunshin ꞌicë ax ꞌia. Usaía nun nami ꞌiti ꞌaínbi ca Nucën Papa Diosan chëquitimoínu anu abë ꞌiti a aín nëtënu nu mëníoxuanxa. Ax ca unían ꞌacëma ꞌicën.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

Efesios 2:5

nux nun ꞌucha cupínu ainanma ꞌaish bamacësa ꞌiá ꞌicëbi ainan ꞌaish upiti tsónun nu ꞌimiaxa, nuxribi bama ꞌaíshbi Cristobë baísquicësa ꞌinun.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.

1 Tesalonicenses 1:5

Jesucristomi catamëti ca uni Nucën Papa Diosnan ꞌiti ꞌicë quixun bana ñuixunquin cananuna nun cuëbitainshi banaquinma, aín Bëru Ñunshin Upitan nu sinánmicëx Nucën Papa Diosmi cushicë ꞌixun aín bana mitsu ñuixuan. Nun ñuicë banax ca cëmëma ꞌaish asérabi ꞌicë quixun ꞌunáncë ꞌixun cananuna upí oquin a bana mitsu ñuixuan. Mitsúxmi upí ꞌiti cupí cananuna mitsubë ꞌaish usai ꞌia quixun camina ꞌunáncanin.

1 Tesalonicenses 4:4

Ax ca cuëënia, mitsúnmi xanu bitancëxun masóquinma abë nuibananquin upí oxun ꞌiquinti.

2 Timoteo 2:20

Ñuñu unin xubu chanu ca curi ꞌacë xanpa ꞌimainun uxu manë ꞌacë xanpa ꞌimainun i ꞌacë xanparibi ꞌimainun mapú ꞌacë xanparibi ꞌicën. Usa ꞌain ca curi ꞌacë ꞌimainun uxu manë ꞌacë upíira anúinshi aín ꞌibun piti ꞌicën. Usa ꞌaínbi ca i ꞌacë ꞌimainun mapú ꞌacë ñu ax anun ñu ꞌarutishi ꞌicën.

Jueces 7:2

Anuxun ka Nukën ꞌIbun Gedeón kakëxa: “Uisati kaina ꞌaisamaira israelnën suntárukama min bëan, abë ꞌakanankin madianita unikama ꞌatankëx ka nubi kananuna ꞌa kiax anun rabiti ꞌëmi manukanti ꞌikën.