2 Corintios 4:16 - Kashibo-Kakataibo Biblia

¹⁶ Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Nukën 'Ibu Diosan ain unikama 'inan ain bana

¹⁶ Usa 'ain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

2 Corintios 4:16 ပူးပေါင်းရင်းမြစ်များ

Salmos 27:13

ꞌAínbi kana ꞌën asérabi kamina min ñu ꞌakën kixun ꞌunanin usa ꞌixun kana asérabi ka Diosan ꞌë nuibakin ñu ꞌaxa kixun isti ꞌain, anun ꞌëx tsókë nëtëkama anun.

Salmos 51:10

ꞌËn ꞌIbu Dios, ꞌatima ñu sinánxuma ꞌanun kamina ꞌë ëntima ꞌain. ¡ꞌIanan kamina upí sinánñu bërí ꞌinun ꞌë ꞌimiti ꞌain!

Salmos 73:26

Kamabi ꞌën namikama ñusmakësa tankim kana kushiñumasa tanin, ꞌaínbi ka Diosan xënibua ꞌaínbi anun tsóti ñu ꞌë ꞌinánti ꞌikën, ꞌianan ka an ꞌë upíokin abi sinánun ꞌimia.

Isaías 40:29

An ka axa atsánkë unikama kushitëkënun ꞌimia, ꞌimianan ka kushiñuma uni aribi amiribishi sinanatëkënia kushinun ꞌimia.

Isaías 40:31

ꞌaínbi ka axa Nukën ꞌIbumi katamëkë: unikama ax kuni kushiñumasa ꞌima abi kushiakëkiani; tëtëkamë ꞌëo nuani nikë usai nitsi abatibi atsantima ꞌikën ꞌimainun ka usai nitsibi atsantima ꞌikën.

Lucas 11:3

Bërí nëtën camina nun piti anun nux tsóti a nu ꞌinánti ꞌain.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Romanos 7:22

Nun nuitu mëu cananuna asérabi Nucën Papa Dios cuëëncësabi oquin ꞌaisa tanin, axa usaínu ꞌinun quicë bana ca upí ꞌicë quixun ꞌunánquin.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 12:15

ꞌËx asérabi mitsu nuibati tëmëraquinbi cana Cristo cupí mitsux upí ꞌinun mitsu aín bana ñuixunquin, ꞌën curíqui cëñúanan ꞌën cushi cëñúquinbi ꞌaquinti ꞌain. ꞌËn mitsu asérabiira nuibacëxunbi sapi camina ꞌën ꞌacësaribi oquin mitsun ꞌë nuibatiman.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

Efesios 3:16

Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Efesios 4:23

A ëni camina Nucën Papa Diosan ꞌimicëx bëtsi sinánñu ꞌiti ꞌain.

Colosenses 3:10

Mitsun bëtsi oquin sinánquin camina Cristonën sináncësa oquin sinánti ꞌain. Usai ꞌiquinmi a upí oquin ꞌunánun ca an unio ꞌixun Nucën Papa Diosan mitsu ꞌimia.

Tito 3:5

Usoquin ca nun ñu upí ꞌacë cupíma, nuibaquinshi nu ainan ꞌinun ië́miacëxa. Ië́miquin ca bacë́ntëcëncësa ꞌinun nun ꞌuchacama tërë́nquin aín Bëru Ñunshin Upitan nu bëtsi ocëxa.

1 Pedro 3:4

Usai ꞌima camina mitsux upí sinánñu ꞌaish bëtsibë nishananima upitishi banati ꞌain. Usai ꞌia isquin ca bëtsin sinánti ꞌicën —a xanux ca aín nuitu upí ꞌicë —quixun. Usai upí ꞌiti ax cuni ca uisa ꞌaíshbi cëñutima. Usai ꞌími mitsux upí ꞌicë isi ca Nucën Papa Dios cuëënia.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.