2 Corintios 3:9 - Kashibo-Kakataibo Biblia

⁹ Moisésnëan uni ꞌinan banaxa upíira upí ꞌaínbi ca a bana quicësabi oquin ꞌacëma ꞌaish uni Nucën Papa Diosan ꞌuchocë ꞌia. Usa ꞌaínbi ca a ñui quicë bana cuati Cristomi catamëti aín ꞌucha tërë́ncë ꞌaish uni Nucën Papa Diosan ꞌuchocë ꞌima. Usa ꞌain ca Moisésnën cuënëo banasamaira ꞌaish Cristo ñui quicë banax upí ꞌia.

Nukën 'Ibu Diosan ain unikama 'inan ain bana

⁹ Moisésnëan uni 'inan banaxa upíira upí 'aínbi ca a bana quicësabi oquin 'acëma 'aish uni Nucën Papa Diosan 'uchocë 'ia. Usa 'aínbi ca a ñui quicë bana cuati Cristomi catamëti aín 'ucha tërë́ncë 'aish uni Nucën Papa Diosan 'uchocë 'ima. Usa 'ain ca Moisésnën cuënëo banasamaira 'aish Cristo ñui quicë banax upí 'ia.

2 Corintios 3:9 ပူးပေါင်းရင်းမြစ်များ

Isaías 46:13

ꞌËn kana ꞌën ꞌati ñukama axa ꞌurama ꞌinun ꞌimiti ꞌain; usa ꞌain ka ꞌëx ië́mianankë ax ꞌuramara ꞌikën. ꞌËn kana Sión kakë ëmanu ꞌikë unikama ië́miti ꞌain, ꞌën kana Israel unikama ꞌë ꞌakësaribi okin uisakinbi kanunma ꞌimiti ꞌain.

Jeremías 23:6

A nëtëkama ax ꞌapu ꞌain ka, Judá menu ꞌikë unikama ꞌië́mainun, Israel unikamaribi uínbi ubíokëma upitax tsóti ꞌikën. Ësokin anëkë ka ꞌiti ꞌikën: Nukën ꞌIbu ax ka an nu ië́mikë ꞌikën.”

Romanos 4:11

Nucën Papa Diosan ca Abraham ami catamëtia an upí iscë cupía ꞌunántioracanun cacëxa. Usaquian Nucën Papa Diosan Abraham cá cupí cananuna ꞌunanin, judíosma unicamax ca judíos unibu ꞌicësaribiti, ꞌunántioracacëma ꞌaíshbi Nucën Papa Diosmi catamëcë ꞌaish Abrahamnën rëbúnquisa ꞌicë quixun.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 15:41

Usa ꞌain ca barín pëcacë ax bëtsi ꞌicën. ꞌUxën pëcacëribi ca bëtsi ꞌicën. Usaribiti ca ꞌispan pëcacë bëtsiribi ꞌicën. Usa ꞌixun ca camabi ꞌispan bëtsin pëcacësaribi oquin pëcaima. Usa ꞌaíshbi ca camáxbi upí ꞌicën.

2 Corintios 3:8

A bana Nucën Papa Diosan Moisés ꞌinan, asamaira ca —Cristo cupí ca uni aín ꞌuchacama tërë́ncë ꞌianan Nucën Papa Diosnan ꞌaish aín Bëru Ñunshin Upíñu ꞌia —quicë bana ax ꞌicën.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 3:10

Usa ꞌaínbi ca ësairibi a bana usai ca judíos unicama ꞌiti ꞌicë quixun cuënëo ax quia: “Ui unicaman cara camabi cuënëo bana quicësabi oquinra ꞌacëma a ca Nucën Papa Diosan uisa cara oti ꞌicë usoquin ꞌati ꞌicën”. A bana asérabi ꞌain cananuna ꞌunanin, a bana quicësabi oquin ꞌacë ꞌaish cana Nucën Papa Diosan iscëx ꞌuchañuma ꞌai quixun sináncë unix ca a banacama quicësabi oquinra ꞌacëma ꞌicë Nucën Papa Diosan uisa cara oti ꞌicë usoquin ꞌacë ꞌiti ꞌicën.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.