2 Corintios 3:7 - Kashibo-Kakataibo Biblia

⁷ Aín bashinuax maxax paránu Nucën Papa Diosan cuënëocë bana a ꞌunánquian unin, ꞌuchati ca ꞌaisama ꞌicë quixun sinánti, a bëi atu ꞌinani aia ca Moisés Israel unicaman aín bëmánan ichúquin bëtë́nancëxun ami racuë́quin ñachama ꞌicën. Usai ꞌia iscasmacëxbi ca aín ichúcë ax munuira munu nëtë́buacëxa.

Nukën 'Ibu Diosan ain unikama 'inan ain bana

⁷ Aín bashinuax maxax paránu Nucën Papa Diosan cuënëocë bana a 'unánquian unin, 'uchati ca 'aisama 'icë quixun sinánti, a bëi atu 'inani aia ca Moisés Israel unicaman aín bëmánan ichúquin bëtë́nancëxun ami racuë́quin ñachama 'icën. Usai 'ia iscasmacëxbi ca aín ichúcë ax munuira munu nëtë́buacëxa.

2 Corintios 3:7 ပူးပေါင်းရင်းမြစ်များ

Génesis 3:21

Nukën ꞌIbu Diosan ñuina xaká xanu aín ri ꞌaxuanan bëbu aín tari pañunun ꞌaxunkin,

Nehemías 9:13

Usokin ꞌatankëxun kamina aín bashi Sinaí kakë, anuax nun chaitiokëkamabë naínuaxëshi banakin min bana upíirabu a ꞌunámikin asérabi a tanti banakama ꞌimainun ax kikësabi oi ꞌiti akama upíokian ꞌunánun min banakama ꞌinánkën.

Salmos 119:97

¡A mi ꞌë ꞌunánmikë min bana kana ꞌitsaira kuëënin! ¡Usa ꞌixun kana kamabi nëtën iskin anua ꞌunanin!

Éxodo 24:12

Nukën ꞌIbun ka Moisés amiribishi katëkëankëxa: —ꞌËx anu ꞌikë ain bashi anu mapërakëtankëxun kamina anuxun ꞌë kaínti ꞌain, anuxun kana maxá pará okin ꞌakë rairi anu ax kikësoi ꞌiti bana ꞌimainun a tanti bana anu kuënëokë, anua Israel unibunën uisa ñu kara ꞌati ꞌikë uisa ñu kara ꞌatima ꞌikë a ꞌunánti mi ꞌinánti ꞌain.

Éxodo 31:18

Usai abë banai ain bashi Sinaí kakë anuax sënë́ntankëxun ka Nukën ꞌIbun anua ax kikësabi oi ꞌiti aín bana abi mëkënanbi kuënëokë ain banakama maxax pará rabë́ a Moisés ꞌinánkëxa.

Éxodo 32:19

Usaia anuax ꞌikankë anu bëbakinbi ka Moisésnën unikaman vaca bakë kuri ꞌakë a rabia ꞌaisamaira sharati ransaia isakëxa, isi xuamati atumi nishkin ka Moisésnën maxá parusha rabë́ tuinbëtsinkë a bashi tanain tukibutanun niakëxa;

Éxodo 34:1

Nukën ꞌIbun ka Moisés ësakin kakëxa: —Minbi kamina maxá pará rabë́ bëráma ꞌën mi ꞌinánkësa usarabi okin abëtsinkin bëti ꞌain, bëxunkëxun kana ꞌën usai ꞌiti bana bëráma kuënëokëmi tukakë, usaribi okin a banabi kuënëotëkënti ꞌain.

Hechos 6:15

Usaía a unicamax a ñui quicëbëtan atun cushicaman ꞌapucama ꞌimainun anu timë́cëcamanribi iscëxbi ca Estebanën bëmánan ángelnën bëmánansa ꞌiacëxa.

Romanos 10:4

Cristonëxa ucëbëtan judíos unibunën asérabi ami catamëti ꞌunánun quixun ca Nucën Papa Diosan aín bana Moisés cuënëomiacëxa. Ui unicamax cara Cristomi catamëtia a ca Nucën Papa Diosan upí isanan ainan ꞌimia quixuan ꞌunánun ca a bana judíos unibu ꞌináncëxa. Usa ꞌaínbi ca ax ucëbë judíos unicama ami sinántisama tanxa.

Romanos 4:15

Cananuna ꞌunanin, usai ca uni ꞌiti ꞌicë quicë bana atúan cuati, a ꞌaíma ꞌain ca anun uni ꞌuchoti bana ꞌaíma ꞌicën. Usa ꞌaínbi ca usai ca uni ꞌiti ꞌicë quicë bana ꞌunáncë ꞌixunbi axa quicësabi oquin ꞌacëma ꞌaish uni ꞌuchocë ꞌiti ꞌicën.

Romanos 5:20

Unían —nux cananuna ꞌuchañuira ꞌaish upíma ꞌai —quixun ꞌunánun ca Nucën Papa Diosan uisai cara uni ꞌiti ꞌicë quicë bana Moisés cuënëomiacëxa. ꞌUchañuira ꞌicëbi uni nuibairaquin ca Nucën Papa Diosan atun ꞌuchacama tërë́ncë ꞌinun mëníocëxa.

Romanos 7:10

Ësa ca. A isía ax cuëëncësabi oi, usai aín uni ꞌinuan Nucën Papa Diosan ꞌinan bana, ax quicësabi oi ꞌicëma cupí ꞌuchocë ꞌaish cana Nucën Papa Diosbë ꞌitimoi bamati ꞌiacën.

Romanos 7:22

Nun nuitu mëu cananuna asérabi Nucën Papa Dios cuëëncësabi oquin ꞌaisa tanin, axa usaínu ꞌinun quicë bana ca upí ꞌicë quixun ꞌunánquin.

Romanos 7:5

Ainanma pain ꞌaish nux cuëëncësabi oi ꞌiquin cananuna, ñu ꞌatima ꞌati ca ꞌaisama ꞌicë quicë bana ꞌunánxunbi nun sinan upíma ꞌixun, usa ñu ꞌacën. Usa ñu ꞌacë ꞌaish cananuna Nucën Papa Diosbë ꞌitimoi bamati ꞌiacën.

1 Corintios 13:10

Usa ꞌaínbi cananuna ënë menuxun ꞌacësamaira oquin aín nëtënuxun upíira oquin an sinánmiti ñucama ꞌunánuxun ꞌain.

2 Corintios 3:3

Nun cananuna usoquin mitsu ꞌunánmia quiáxa quicë bana ax ca quiricanu tintan ꞌanan maxax paránu ꞌacëma ꞌaíshbi Cristo cupía Nucën Papa Diosan Bëru Ñunshin Upitan mitsun nuitunu ꞌimicë ꞌicën.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

2 Corintios 3:8

A bana Nucën Papa Diosan Moisés ꞌinan, asamaira ca —Cristo cupí ca uni aín ꞌuchacama tërë́ncë ꞌianan Nucën Papa Diosnan ꞌaish aín Bëru Ñunshin Upíñu ꞌia —quicë bana ax ꞌicën.

Gálatas 3:10

Usa ꞌaínbi ca ësairibi a bana usai ca judíos unicama ꞌiti ꞌicë quixun cuënëo ax quia: “Ui unicaman cara camabi cuënëo bana quicësabi oquinra ꞌacëma a ca Nucën Papa Diosan uisa cara oti ꞌicë usoquin ꞌati ꞌicën”. A bana asérabi ꞌain cananuna ꞌunanin, a bana quicësabi oquin ꞌacë ꞌaish cana Nucën Papa Diosan iscëx ꞌuchañuma ꞌai quixun sináncë unix ca a banacama quicësabi oquinra ꞌacëma ꞌicë Nucën Papa Diosan uisa cara oti ꞌicë usoquin ꞌacë ꞌiti ꞌicën.

Gálatas 3:21

¿ꞌËx ësai qui carana Nucën Papa Diosan Abraham cá banaxa bëtsi ꞌimainun ca an Moisés cá banáxribi bëtsi ꞌicë quin? Usama ca. Moisésnën cuënëo bana quicësabi oquin ꞌacë cupía uni aín nuitu upí ꞌaish Nucën Papa Diosnan ꞌain, ca a bana ꞌacë cupíshi uni Nucën Papa Diosan iscëx upí ꞌitsíanxa.

Deuteronomio 4:13

Nukën ꞌIbunbi ka mitsu ꞌunánmiakëxa achúshi ñu ꞌakin ax ka mapai rabë́ bana maxá paránu kuënëokë ax kikësaibi oi ꞌikin mitsun a tanti bana ꞌiakëxa.

Deuteronomio 4:8

¿Bëtsi menu ꞌikë unikamax kara asérabi ax kikësabi oi ꞌiti bana ꞌën mitsu bërí ꞌunánmikë ësaribi banañu ꞌiti ꞌik?

Deuteronomio 9:15

Kakëx aín bashi anuaxa tsi rëkirukësa ꞌikë anuax taramëbukuatsini ukin kana ꞌën maxá pará rabë́ anua achúshi ñu a tanti bana kuënëokë a ꞌën mëkënanbi tuinbëtsikin bëakën.

Hebreos 12:18

Mitsux camina aín bashi Sinaí, anuxuan nucën raracaman Nucën Papa Diosan bana cua, anu cuánma ꞌain. Anuaxa canacamëꞌëo sharaquimainun ca a bashix nëtë cuinan mapucë bëánquibucë ꞌiacëxa. Aín bashicamanubi ca tsi rëquirucë tínbu ꞌiacëxa. Anu camina mitsux ꞌiáma ꞌain.

Hebreos 3:3

Nucën Papa Diosan Moiséscëñun judíos unicama ainan ꞌinun caísa ꞌaínbi, ca a unicama asérabi Nucën Papa Diosnan ꞌimiti Jesucristo axira ꞌicën. Usa ꞌain ca Moisésbë sënë́nmaira Jesucristo ꞌicën. Ënëx ca ësa ꞌicën. An ꞌacë xubu rabicësamaira oquin ca an xubu ꞌacë uni a unin rabia. Usaribi oquin ca Moisés ꞌimainun judíos unicama ꞌacësamaira oquin unin Jesucristo rabiti ꞌicën.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.