2 Corintios 3:5 - Kashibo-Kakataibo Biblia

⁵ Nun cushínbi cananuna Cristo ñuiquin mitsu bana ñuixuan quixun cananuna sinaniman. Nucën Papa Diosan ꞌamicëxuinshi cananuna mitsu aín bana ñuixuan.

Nukën 'Ibu Diosan ain unikama 'inan ain bana

⁵ Nun cushínbi cananuna Cristo ñuiquin mitsu bana ñuixuan quixun cananuna sinaniman. Nucën Papa Diosan 'amicëxuinshi cananuna mitsu aín bana ñuixuan.

2 Corintios 3:5 ပူးပေါင်းရင်းမြစ်များ

Génesis 41:16

Kakëxunbi ka Josénën —ax ka ꞌënbi ꞌakëma ꞌiti ꞌikë —kixun kakëxa—; ꞌaínbi ka Nukën ꞌIbu Diosan kuni mix ꞌapu ꞌaish upí ꞌinun mi ñuixunti ꞌikën.

Lucas 24:49

Axa uti ñuiquian ꞌën Papa Diosan ꞌë cacë, a cana mitsunu unun xuti ꞌain. Usa ꞌain camina Nucën Papa Diosan aín cushi mitsu ꞌinánun Jerusalénu bërúxun caínti ꞌain.

Juan 15:5

ꞌËx cana uvas aín i rarasaribi ꞌain. Aín pëñánsaribi camina mitsux ꞌain. Usa ꞌaish camina ꞌëmi catamëanan ꞌëmi upiti sinánan ꞌëx mibë ꞌain, min sinan ꞌën sinánsaribi ꞌaish ꞌëx cuëëncësabi oquin ꞌanan ꞌën bana quicësabi oi ꞌiti ꞌain. ꞌËx mitsubëma ꞌain camina ꞌëx cuëëncësa oi ꞌitima ꞌain.

Romanos 15:18

Judíosma unibunën Nucën Papa Diosan bana cuati ami catamënun ca Cristonën ꞌë a banacama ñuixunun ꞌaquianxa. An usaquin ꞌacë ñucamaishi cana unicama ñuixunin. ꞌË cushioquin ca Cristonën aín cushínbi ꞌën judíosma unibu upí oquin bana ñuixuanan atun aín cushi ꞌunánun uni itsin ꞌacëma ñuribi ꞌanun ꞌë ꞌimiaxa.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 3:10

An xubu ꞌati ꞌunáncë unin ca itá upí pain caístancëxun nitsinia. Usaribi oquin cana ꞌën pain mitsu Jesucristomi catamënun ꞌunánmiacën. Usa ꞌain ca uni itsían, ami xubu ꞌati nitsíncë itámia unin i purucësa ꞌitánun mitsu Cristomi catamënun bana ñuixunquin mitsu ꞌunánmia. Usa ꞌain ca uicaman cara mitsu ꞌunánmia an Jesucristo cuëëncësabi oquinshi mitsu ꞌunánminux, bëtsi bana mitsu ñuixunti rabanan bërúancati ꞌicën.

1 Corintios 3:6

Ënëx ca ësa ꞌicën: Unían ñu bëru anu ꞌapatia ca a me bëtsi unin ꞌumpaxan chabóia. Usoiabi ca Nucën Papa Diosainshi ñu bëru comia. Usaribi oquin cana ꞌën mitsu Nucën Papa Diosan bana ñuixunquin ꞌunánmiacën. ꞌËn mitsu ꞌunánmicë bana a ca Apólonën mitsu ñuixuntëcëancëxa. Usoquinu nu rabëtan ñuixuniabi ca Nucën Papa Diosainshi Jesucristomi catamënun mitsu sinánmiacëxa.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

2 Corintios 2:16

Axa ami sinántisama tancë unicamax ca nun nu Cristo ñuixuncëxun cuatíbi cuëënima, xënibua ꞌaínbi Nucën Papa Diosbëma ꞌiti ꞌicën. Usa ꞌaínbi ca axa ami sinántisa tancë unicamax nun nu Cristo ñuixuncëxun cuati, ami catamëti —usai ꞌinux ië́micë ꞌaish cana xënibua ꞌaínbi Nucën Papa Diosbë ꞌiti ꞌai —quixun ꞌunani cuëënia. ¿Usoquin unicama sinánmiquin bana ñuixunti cara uin ꞌati ꞌic?

2 Corintios 4:7

Nun cushínbi ꞌatsínxunmabi cananuna an ꞌamicëxuinshi ax cuëëncësabi oquin ꞌati ꞌai quixuan unicaman ꞌunánun ca Jesucristo cupí Nucën Papa Diosan nux abë upí ꞌixúnu aín cushínbi ñu ꞌanun nu ꞌimia.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

2 Timoteo 2:2

Axa timë́cë unicama ꞌën caiami cuacë banacama, a camina, an asérabi uni raíri ꞌunánmiisabi sinánñu uni caístancëxun usaribi oquian ꞌanun ꞌunánmiti ꞌain.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.