2 Corintios 3:12 - Kashibo-Kakataibo Biblia

¹² Cristo ñui quicë banaxa nëtë́timoi upí ꞌain, usai ꞌi ami catamëtia ca uni upí ꞌiti nëtëtima quixun asérabi ꞌunánquin cananuna rabínquinma unicama ñuixunin.

Nukën 'Ibu Diosan ain unikama 'inan ain bana

¹² Cristo ñui quicë banaxa nëtë́timoi upí 'ain, usai 'i ami catamëtia ca uni upí 'iti nëtëtima quixun asérabi 'unánquin cananuna rabínquinma unicama ñuixunin.

2 Corintios 3:12 ပူးပေါင်းရင်းမြစ်များ

Juan 10:24

Nitsia ca judíos unicaman nëbë́tsioraquin cacëxa: —¿Uisati caramina nu chiquiracëquin caiman? Mix Cristo, axa utinu nun caíncë, a ꞌixun ca nu upí oquin cat.

Juan 16:25

Canan ca ësaquinribi Jesusan cacëxa: —Bëtsi ñu ñuicësoquin cana ꞌën ꞌunánmisa tancë banacama mitsu ñuixuan. Usa ꞌaínbi cana ꞌitsama nëtë ꞌicëbëtan bëtsi ñu ꞌacësoquin ñuiquinma upí oquin cuaquinmi ꞌunánun Nucën Papa Dios ñuiquin mitsu ñuixunti ꞌain.

Juan 16:29

Cacëxun ca aín ꞌunánmicë unicaman cacëxa: —Asábi ca, bërí camina bëtsi ñu ñuicësoquin ñuiquinma —usa ca —quixúnu upí oquin ꞌunánun nu bana ñuixunin.

Hechos 14:3

Usaía ꞌicancëbë ca Pablobë Bernabé anu pain atubë ꞌiacëxa. ꞌIxun ca Nucën ꞌIbu Jesúsmi catamëti racuë́quinma a ñuiquin upí oquin bana ñuixuancëxa. Ñuixuanan ca —nu nuibaquin ca Nucën Papa Diosan ainan ꞌinun nu ië́minun aín Bëchicë xuacëxa —quixun cacëxa. Usoquin an atu ñuixuncë banax ca asérabi ꞌicë quixuan camabi unin ꞌunánun ca Nucën ꞌIbu Jesusan ꞌamicëxun uni itsin ꞌacëma ñu a rabëtan ꞌacëxa.

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Hechos 9:27

Usa ꞌaínbi ca Bernabénën Saulo Jesusan aín bana ñuixunun caíscë unicamanu buáncëxa. Buánxun ca Saulo ismiquin ñuixunquin atu cacëxa: —Saulonën ca bainua Nucën ꞌIbu Jesús isaxa. Iscëx ca abë banaxa. Usaía banan ca ami catamëti aín uni ꞌixun Damasconu ꞌicë unicama, Jesús ca asérabi Cristo ꞌicë quixun ñuixuanxa.

Hechos 9:29

Ñuixunquin ca axa griego banan banacë judíos unicamabëribi bananan cuëbicananquin racuë́quinma —Jesús ax ca asérabi Cristo ꞌicë —quixun cacëxa. Usoquian cacëxun ca a ꞌacatsi quixun sináncancëxa.

1 Corintios 14:19

Usa ꞌaíshbi cana axa Jesucristomi catamëcë unicama timë́cë ꞌain, unin cuacëma banan ꞌitsaira banati cuëëncësamaira oi unían cuacë banan banati cuëënin. A banan ꞌitsamashi banaquinbi unicama atun cuaisabi oquin ꞌunánmiti ca asábi ꞌicën.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 3:11

Nucën Papa Diosan ꞌináncë bana uni ꞌináncëbë ichutibi ca Moisésnën bëmánan bënëtishi aín ichúcë nëtë́buacëxa. Usa ꞌainbi ca Cristo ñuicë bana axira bëtsi banasamaira upí ꞌain usai ami catamëtia uni upí ꞌiti ax nëtëtima.

2 Corintios 4:13

Cananuna ꞌunanin, Nucën Papa Dios, an Nucën ꞌIbu Jesús bamacëbi baísquimia, an ca usaribi oquin nuribi ainan ꞌicë Cristo utëcëncëbëtan baísquimiti ꞌicën. Baísquimitancëxun ca mitsubënu abë aín nëtënu ꞌinun nu ꞌimiti ꞌicën. Usaquin ꞌunánquin cananuna —ainan ꞌinun an nu ië́micë ꞌixun ca Nucën Papa Diosan nu ꞌaquinia —quixun unicama cain, bëráma Nucën Papa Diosan ꞌamicëxun aín unin ësaquin cuënëosabi oquin: “Nucën Papa Diosan ca ꞌë ꞌaquinia quixun ꞌunánquin cana camabi uni —usa ca —quixun can”.

2 Corintios 7:4

Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

Filipenses 1:14

ꞌËx usai ꞌia ꞌunáncë cupí ca axa Cristomi catamëcë uni aín patsanën, atun ꞌacësamaira oquin Jesucristomi catamëquin, racuë́quinma Nucën Papa Diosan bana uni ñuixunia.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

Colosenses 4:4

Atúan cuaisabi oquin, unicama aín bana ñuixunquin ꞌunánminun camina ꞌë Nucën Papa Dios ñucáxunti ꞌain, ꞌën ax cuëëncësabi oquin ꞌanun.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

1 Timoteo 3:13

Usa uni ꞌixuan axa Jesucristomi catamëcë unicama upí oquin ꞌaquinia isquin ca camabi unin —atux ca upí uni ꞌicë —quixun ñuiti ꞌicën. Usaquian ñuicëxun ca ami cushicë ꞌaish racuë́quinma Cristo Jesús unicama ñuixunti ꞌicën.

Filemón 1:8

Cristonëan ꞌë aín bana ñuixunun ꞌimicë ꞌixun, ꞌëx cuëëncësabi oquinmi ꞌanun ꞌën mi cati ca asábi ꞌicën.