2 Corintios 2:7 - Kashibo-Kakataibo Biblia

⁷ Usaquin ꞌacëxa sinanatia camina aín ꞌacë ñu manuquin a nuibaquin aín masá nuitucë nëtë́miquin, upí oquian sinánun ꞌaquinti ꞌain, axa ꞌaisamaira masá nuituti rabanan.

Nukën 'Ibu Diosan ain unikama 'inan ain bana

⁷ Usaquin 'acëxa sinanatia camina aín 'acë ñu manuquin a nuibaquin aín masá nuitucë nëtë́miquin, upí oquian sinánun 'aquinti 'ain, axa 'aisamaira masá nuituti rabanan.

2 Corintios 2:7 ပူးပေါင်းရင်းမြစ်များ

Salmos 124:3

nukama añu ñubi sinánkë ꞌikëmabi këñukin ñu ꞌakë ꞌitsíanxa. Atux ka ꞌitsaira numi nishakëxa.

Proverbios 1:12

Usakinnu ꞌakëx ka ñu upí ꞌakë unikama ax nëminra kini anu pakëtia ñukësa usaribi ꞌiti ꞌikën.

Isaías 28:7

ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

1 Corintios 15:54

Nun nami, nun xo, acama chëquiti aíshbia bëtsi ꞌaish chëquitima ꞌianan nun nami, nun xo, acamax bamatëcëntimoi ꞌicë ꞌain ca Nucën Papa Diosan bana cuënëo quiásabi oi ꞌiti ꞌicën. A bana ca ësai quia: “Bama ꞌaíshbi ca baísquiax uni bamatëcëntimoi tsóti ꞌicën.

2 Corintios 2:8

Usaquin ꞌaquin camina axribia mitsubë timë́nun canan mitsun camina a nuibati quixuan ꞌunánun abë upíonanti ꞌain.

2 Corintios 5:4

Ënë nëtënu ꞌaish cananuna paë tani masá nuituti bënëtin. Usa ꞌaish cananuna ënë namiñuma bëtsi nami bamatima, axa usabii ꞌiti, aañu ꞌiti cuëënin.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Filipenses 2:27

ꞌInsíncë ꞌaish ca asérabi bamatisa ꞌiaxa. Usa ꞌicëbi ca Nucën Papa Diosan pëxcúmiaxa. ꞌËx a sinani masá nuitutancëx axa bamacëbë ꞌaisamairai masá nuituti rabanan ca ꞌëribi nuibaquin Nucën Papa Diosan pëxcúmiaxa, ꞌën upí oquin sinánun.

Colosenses 3:13

Mimi nishquian unin ꞌatimocëxunbi aribi ꞌatimoíma camina usaquian mi ꞌacë ñucama a manui abë upíshi ꞌiti ꞌain. Nucën ꞌIbu Cristonëan tërë́nxunquin mitsun ꞌuchacama manucësaribi oi camina axa mimi ꞌuchacë uni aín ꞌucha manumi abë upí ꞌiti ꞌain.

1 Tesalonicenses 4:13

Nucën xucë́antu, bamacë unicamax cara uisai ꞌiti ꞌicë quixun ꞌunáncëma mitsux ꞌiti cananuna cuëëniman, an ënë ñu ꞌunáncëma unicamaxa aín aintsi bamacëbë ꞌicësaribitími mitsux ꞌaisamaira masá nuitutima cupí.

2 Tesalonicenses 3:6

Nucën xucë́antu, Nucën ꞌIbu Jesucristonën nu sinánmicësabi oquin cananuna mitsu cain, ui unin cara Jesucristomi catamëcë ꞌixunbi nun mitsu ꞌunánmicësabi oi ꞌiisama tanan ñu mëëtisama tania, abë camina ënananti ꞌain.