2 Corintios 2:14 - Kashibo-Kakataibo Biblia

¹⁴ Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

Nukën 'Ibu Diosan ain unikama 'inan ain bana

¹⁴ Ñunshin 'atimanëan nu 'atimaquin sinánmisa tanan aín bana ñuixunxunma 'anun 'imitisa taniabi ca Nucën Papa Diosan, Cristo Jesús cupí, nun 'acësabi oquinu aín bana ñuixunun nu 'imia. An ca aín 'acësabi oquin nu 'aquinia quixun 'unánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira 'icë quixun unin sinania.

2 Corintios 2:14 ပူးပေါင်းရင်းမြစ်များ

Salmos 148:14

¡Diosan ka aín unikama kushioia! ¡Usa ꞌain ka nux aín uni ꞌixun rabimainun aín uni a ꞌurama ꞌikë akamanribi rabiti ꞌikën! ¡Usa ꞌain kananuna ashi ësokin rabiti ꞌain!

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Romanos 1:8

Ësoquin pain cana mitsu cain, mitsux camina asérabi Jesucristomi catamëti quixun camabi menu ꞌicë unicaman chanioia cuaquin, cana ꞌëxribi Jesucristonan ꞌixun Nucën Papa Dios —asábi ca —quixun caquin a rabin.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

Romanos 6:17

Mitsux ñunshin ꞌatimanën ꞌapu cuëëncësa oquinshi ꞌacë ꞌiá ꞌaíshbi camina bërí usama ꞌain. Camina a aín unicaman mitsu ꞌunánmicë bana Cristo ñuicë sinánan a bana quicësabi oquin ꞌain. Mitsun ñu ꞌatima ꞌácama ëncë ꞌixun camina Nucën Papa Dios cuëëncësabi oquin ñu upíshi ꞌain. Usaquinmi ꞌaia mitsu ꞌunánquin cana cuëënquin Nucën Papa Dios —asábi ca —quixun cain.

Romanos 8:37

Usa ñu ꞌicëbëtanbia Cristonën nu nuibaquin cushiocëx cananuna ami catamëti ëníma amiira cushiin, tëmëracëma pain ꞌaíshnu ꞌicësamairai.

1 Corintios 12:8

Nucën Papa Diosan ca aín Bëru Ñunshin Upitan ꞌimicë́xa, uni raíri sinánñuira ꞌaish upiti bananun quixun ꞌimia. ꞌImianan ca uni raírinëxa aín nuitu mëu racanaquin uisai cara quiti ꞌicë quixun sinántancëx upiti bananun quixun ꞌimia.

1 Corintios 15:37

Trigo ꞌapánan bëtsi ñuribi ꞌapáquin ca unin aín i ꞌapáquinma aín bëruishi ꞌapatia.

1 Corintios 15:57

Usa ꞌaínbi cananuna Nucën ꞌIbu Jesucristo cupí nun ꞌuchacama tërë́ncë ꞌaish bamatimi racuëtima ax utëcëncëbë baísquitancëx bamatëcëntimoi tsóti ꞌain. Usaquin ꞌunánquin cananuna cuëënquin Nucën Papa Dios —asábi ca —quixun cain.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.

2 Corintios 9:15

¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti ꞌain? A sinánquin cananuna cuëënquin —asábi ca —caquin ꞌitsaira rabin.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Efesios 5:20

Nucën ꞌIbu Jesucristonan ꞌixun camina usoquian ꞌaquianan, an nu ꞌimicëcama, a sinánquin, Nucën Papa Dios —asábi ca —quixun caquin rabiti ꞌain.

Filipenses 4:18

ꞌËmi bëmicë curíquicama cana bian. Anun ꞌën cuëëncë ñu bitiribi ca tëxëaxa. Epafroditonën ca mitsúnmi bëmicë curíquicama ꞌë ꞌinánxa. Mitsúnmi ainan cupí nuibaquin ꞌë usaquin ꞌinania isi ca Nucën Papa Dios cuëëanxa.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

Colosenses 2:15

Usonan ca Cristonën i curúsocënu bamaquin uisa ñunshinax cara uisaira cushiñu ꞌicë, abi camabi unían ꞌunánun ñusmoquin cushiñuma ꞌimiacëxa.

1 Tesalonicenses 1:8

Usaími mitsux ꞌicëbëtan ca Macedonia ꞌimainun Acayanu ꞌicë unicamainshima, bëtsi bëtsi menu ꞌicë unicamanribi Jesucristo ñuicë bana ꞌunánan mitsúxmi asérabi Nucën Papa Diosnan ꞌicë cuaxa. Nun ñuixuncëxunmabi ca camabi unin, uni raírinëan camabi menuxun mitsu chanioia cuaquin, mitsux camina asérabi Nucën Papa Diosmi upiti catamëti quixun ꞌunania.

1 Tesalonicenses 3:9

Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati ꞌai quixun ꞌunaniman.

1 Timoteo 2:8

Ësa cana ꞌëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati ꞌicën.

2 Timoteo 2:2

Axa timë́cë unicama ꞌën caiami cuacë banacama, a camina, an asérabi uni raíri ꞌunánmiisabi sinánñu uni caístancëxun usaribi oquian ꞌanun ꞌunánmiti ꞌain.

Apocalipsis 7:12

Rabiquin ca caxa: Ësai ca ꞌiti ꞌicën. Mix cuëënun ca camabi unicama ꞌimainun ángelcamanribi mi rabiti ꞌicën. Camabi unicaman ꞌApu ꞌianan, camabi ñu ꞌunáncë ꞌicë cananuna —asábi ca —quiquin mi rabin. Min cushix ca chaira ꞌicën. Mixmi cëñútimoi usabi ꞌia cananuna xënibua ꞌaínbi mi rabiti ꞌain. Usaquin cananuna ꞌati ꞌain.