2 Corintios 13:5 - Kashibo-Kakataibo Biblia

⁵ Mitsúnbi camina sinánti ꞌain, caramina asérabi Cristomi catamëti ax cuëëncësabi oi ꞌi quixun. Upí oquin ca sinan. ¿Caramina ꞌunaniman. Jesucristo ax ca asérabi mitsubë ꞌicë quixun? Asérabi Cristonanma ꞌain ca ax mitsubëma ꞌicën.

Nukën 'Ibu Diosan ain unikama 'inan ain bana

⁵ Mitsúnbi camina sinánti 'ain, caramina asérabi Cristomi catamëti ax cuëëncësabi oi 'i quixun. Upí oquin ca sinan. ¿Caramina 'unaniman. Jesucristo ax ca asérabi mitsubë 'icë quixun? Asérabi Cristonanma 'ain ca ax mitsubëma 'icën.

2 Corintios 13:5 ပူးပေါင်းရင်းမြစ်များ

Jeremías 6:30

Usa ꞌain ka atux. Kuríki ꞌatima okë kakin anëkë ꞌiti ꞌikën, usa ꞌain kamina mix Dios ꞌixun ꞌatima ñu aín upí kaístankëxun pukësa ꞌinun atu ꞌimian.

Ezequiel 18:28

Usai ꞌika ꞌën kakësabiokin ꞌën bana kuakin, an ꞌakë ꞌatima ñukama ëni, asérabi upiti tsóti ñutima ꞌikën.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 15:4

ꞌËx mitsubë ꞌimainun ca mitsúxribi ꞌëbëbi ꞌit. Ësa ca: Uva pëñan pëónxquicë ꞌaish aín i rarami upiti tacáshquicëma ꞌixun ca upí oquin tuaima. Upiti aín rarami tacáshquicë ꞌixun cuni ca upí oquin tuaia. Usaribiti camina mitsux asérabi ꞌëbë ꞌima uvas tuáñumasaribi ꞌiti ꞌain.

Juan 17:23

Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.

Juan 17:26

ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Juan 6:56

Ui unix cara ꞌëmi catamëti ꞌën nami pianan ꞌën imi xëacësa ꞌicë, ax ca ꞌëbë ꞌicën, ꞌëxribi cana abë ꞌain.

Juan 6:6

An uisoquin cara ꞌati ꞌicë quixun ꞌunánquinbi ca Jesusan uisai cara quia cuacatsi quixun usaquin Felipe cacëxa.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

Romanos 8:10

Aín ꞌucha cupí ca camabi uni bamaia. Usa ꞌaínbi camina mitsux, Cristo mitsubë cupí, Nucën Papa Diosan iscëx upí ꞌain. Usa ꞌain ca mitsun namíxa bamacëbëbi mitsun bëru ñunshin bamatimoi Nucën Papa Diosbë ꞌiti ꞌicën.

1 Corintios 11:28

Usa ꞌain camina pán ꞌimainun bimi baca ꞌanuxun, mitsux caramina asérabi ami sinani Nucën Papa Dios cuëëncësabi oi ꞌi quixun upí oquin sinánti ꞌain.

1 Corintios 11:31

Usa ꞌaínbi ca nun ꞌuchacama mëníocë ꞌixun —asérabi ca Jesucristo cupí Nucën Papa Diosan iscëx ꞌën nuitu upí ꞌicë —quixun sinánquinu pán ꞌimainun bimi baca ꞌaia, Nucën Papa Diosan nu ꞌuchotima ꞌicën.

1 Corintios 3:16

¿Mitsun caramina ꞌunaniman, anua Nucën Papa Dios ꞌicë a camina mitsux ꞌai quixun? Nucën Papa Diosan Bëru Ñunshin Upí ax ca mitsunu ꞌicën.

1 Corintios 6:15

¿Caramina, mitsux camina Jesucristonan ꞌai quixun ꞌunaniman? ¿ꞌËx Jesucristonan ꞌaíshbi carana ꞌëx ꞌatima xanubë asaribi ꞌinux ꞌiti ꞌain? Uisa ꞌaíshbi cana ꞌitima ꞌain.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

1 Corintios 6:2

Jesucristo nun ꞌapu ꞌinux ucëbëtan ca aín unicaman abëtan camabi unin uisa ñu cara ꞌaxa quixun isti ꞌicën. ¿Mitsux Jesucristobë ꞌapu ꞌiti ꞌixun caramina unían bërí ꞌacë ñu ꞌunánquin mëníoxuntima ꞌain?

1 Corintios 9:24

Camina ꞌunanin, cuai ca uni uix pain cara bëbati ꞌicë isnux, camáxbi abatia. Camáxbi abácëbëtanbi ca ax paían bëbacë ainshi ñu bitsia. Usaribiquin camina Jesucristobë tsóti sinani cuëënquin ax quicësabi oquinshi ꞌati ꞌain.

1 Corintios 9:27

ꞌËn Nucën Papa Diosan bana unicama ñuixuncë ꞌixunbi ax cuëëncësabi oi ꞌima ꞌëxbi cëmëia ca an aín bana ñuiaxma ꞌinun ꞌë cati ꞌicën. Usaquian ꞌë cati rabanan cana ꞌën nami ñu ꞌatima ꞌati cuëëncëbëtanbi ꞌaíma Jesucristo cuëëncësabi oíshi ꞌin.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Gálatas 4:19

Mitsux camina ꞌën bëchicësa ꞌain. Usa ꞌain cana mitsúnmi Cristo ꞌunáncëma pain ꞌain ꞌiásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

Gálatas 6:4

Ñu ꞌaquin ca aín unin —¿Cristo cuëëncësabi oquin carana ꞌai? —quixun sinánti ꞌicën. Usai ꞌi ca unían a cuëënti sinanima —Cristo cuëëncësabi oi cana ꞌi —quixun sináncë cupí a uni chuámarua tani cuëënti ꞌicën.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:19

A unicaman ca ami sináncëma ꞌixun Cristonëan ësaquin aín unicama ꞌimiti a sinanima. An ca aín unicama asaribi upí ꞌinun Nucën Papa Dios cuëëncësabi oquin ꞌimia. Aín mëcën, aín xo, aín imi acamañu ꞌaíshbia uni achúshi ꞌicësaribi oquin ca Cristonën aín unicamaxa ꞌitsa ꞌaíshbi bëtsin sináncësabi oquin sináncë ꞌaish achúshisa ꞌinun ꞌimia.

Colosenses 2:7

A upí oquin ꞌunánan uisa cara ax ꞌicë quixun ꞌunani camina aín unían mitsu cacësabi oi, ami upiti catamëcanti ꞌain. Usai ꞌiquin camina camabi nëtën Nucën Papa Dios —asábi ca —quixun cati ꞌain.

1 Timoteo 2:15

Usa ꞌaínbi ca uinu ꞌicë xanun cara tuáñu ꞌianan Jesucristomi catamëcë ꞌixun, bëtsibë nuibananquin upí sinánñu ꞌixun ꞌatima ñu sinánquinma, tuáñu xanúan ꞌati ñucama upí oquin ꞌaia, a xanux Nucën Papa Diosan upí oquin ꞌaquincë ꞌiti ꞌicën.

2 Timoteo 3:8

Usa unicaman ca Janesbëtan Jambresnën Moisésnën ꞌacë ñu ax ca cëmë ꞌicë quixun uni sinánmiasaribi oquin Nucën Papa Diosan bana ax ca cuatima ꞌicë quixun unicama sinánmia. Aín sinan upíma ꞌaish ca Nucën Papa Diosan iscëx ainanma ꞌicën.

Tito 1:13

A unían aín aintsi ñuicë bana ax ca asérabi ꞌicën. Usa ꞌain camina a unicama ꞌësëquin Nucën Papa Diosan bana upí oquin cuatía a bana quicësabi oi ꞌinun upí oquin sinanamiti ꞌain.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Tito 2:2

Uni apan, anpan mëcócama, ax ca paë́ncëma ꞌianan upí oquin sinánquin ñu ꞌanan ñu ꞌaisama ꞌacëma ꞌiti ꞌicën. ꞌIanan ca Nucën Papa Diosan bana quicësabi oi ꞌianan bëtsibë nuibanan an uisa ñu cara ꞌicëbëbi bënë́quin Nucën Papa Diosmi catamëti ëntima ꞌicën.

Hebreos 12:15

Nucën Papa Diosan ax cuëëncësabi oquin mitsu ꞌaquincëma ꞌitin rabanan camina an mitsu ꞌunánmicësabi oi ꞌinux bërúancati ꞌain. Usai ꞌiquin camina uni raíri ꞌaisama nuituñu ꞌinun ꞌatimaquin sinánmitima ꞌain.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Hebreos 6:8

Usa ꞌaínbi ca bëtsi me camabi ñu ꞌatima, muxa, chucu, acama anu coi canicëbë anu upí ñu ꞌiruima. Usa ꞌaish ca Nucën Papa Diosan iscëx a me ꞌaisama ꞌicën. Usa ꞌicë ca aín ꞌibun axa corucë ñucama nëënia.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Pedro 5:9

Usa ꞌixun camina ñunshin ꞌatimanën ꞌapúan ñu ꞌatima ꞌamitisa tancëxunbi Jesucristomi catamëquin usa ñu ꞌatima ꞌain. Camina ꞌunánti ꞌain, mitsu ꞌacësaribi oquin ca ñunshin ꞌatimanën ꞌapun, camabi menu ꞌicë axa Jesucristomi catamëcë unicama tania quixun.

Apocalipsis 2:5

Usa ꞌain camina uisairai caramina ꞌëmi sináancë quixun sinani usai ꞌëmi sinántëcënux ꞌëmi sinanatëcënti ꞌain. Usai ꞌëmi sinanaquin camina mitsúnmi ꞌëmi sinánquin ꞌëx cuëëncësabi oquin ꞌásabi oquin ꞌatëcënti ꞌain. Usai mitsux ꞌëmi sinanacëbëtanma cana a anu lamparín nanti mitsu ꞌunántioquin nancë, a raíri ꞌura ꞌinun nanti ꞌain.