2 Corintios 13:4 - Kashibo-Kakataibo Biblia

⁴ Cristo ax ca uni itsi ꞌicësai i curúsocënu matáscë ꞌiacëxa. Usai ꞌiá ꞌaíshbi ca bërí Nucën Papa Diosan cushin uisatimoi tsotia. Usa ꞌain cananuna nux Cristo ꞌiásaribiti ꞌiquin uisa cara unin ocëxunbi cupiquinma tanshiti cushimasa ꞌixunbi an ꞌimicëxun Nucën Papa Diosan cushin mitsu ꞌaquinin.

Nukën 'Ibu Diosan ain unikama 'inan ain bana

⁴ Cristo ax ca uni itsi 'icësai i curúsocënu matáscë 'iacëxa. Usai 'iá 'aíshbi ca bërí Nucën Papa Diosan cushin uisatimoi tsotia. Usa 'ain cananuna nux Cristo 'iásaribiti 'iquin uisa cara unin ocëxunbi cupiquinma tanshiti cushimasa 'ixunbi an 'imicëxun Nucën Papa Diosan cushin mitsu 'aquinin.

2 Corintios 13:4 ပူးပေါင်းရင်းမြစ်များ

Juan 10:18

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 3:16

Usa ꞌain ca nux asérabi ami sináncë ꞌixun —Jesusan ca ënë uni pëxcuti ꞌicë —quixunu nun sináncëbë, mitsúnmi a iscë ꞌixun ꞌunáncë uni ënëx upiti pëxcúaxa. Jesucristonëan pëxcutisa tancëbëtan nun ꞌaquincëx ca upitiira pëxcúaxa quixun camina iscanti ꞌain.

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

Romanos 14:9

Aín unicamax bamacëma ꞌaish ꞌianan bamatancëxribi ainan ꞌinun ca Cristo bamaxbi baísquiacëxa.

Romanos 6:4

Nux nashimicë ꞌaish cananuna Jesucristo, nun ꞌucha cupí bama ꞌain ꞌuchatëcëntimoi abë bamacësa ꞌian. Usa ꞌaish cananuna bamacëbia Nucën Papa Diosan Jesucristo, aín cushínbi baísquimia cupí, usaribi ꞌaish bëtsi sinánñu ꞌianan bëráma ꞌicësai ꞌitëcëntima oquin Nucën Papa Diosan ꞌimicë ꞌain.

1 Corintios 1:25

Nucën Papa Diosan Cristo i curúsocënuaxa bamanun ëncë, ax ca ꞌaisama ꞌicë uni quicëbëtanbi ca axa usai quicë unicaman sináncësamaira oquin sinánquin Nucën Papa Diosan Cristo nun ꞌucha cupí i curúsocënuax bamanun ëancëxa. —Ax cushima ꞌixun ca Diosan Jesucristo bamanun ëanxa —quixun sináncancëbëtanbi ca Nucën Papa Diosan unin cushisamaira ꞌixun ië́mitsinxunbi camabi unin ꞌucha cupía bamanun Cristo ꞌimiacëxa.

1 Corintios 15:43

Bamacë maíncëx ꞌaisama ꞌitancëxbi ca baísqui upíira upí ꞌiti ꞌicën. Bamacë maíncëx aín cushi ꞌaíma ꞌitancëxbi ca baísqui cushi ꞌiti ꞌicën.

1 Corintios 2:3

Mitsubë ꞌëx ꞌain ca ꞌën nami ꞌaisama ꞌiaxa. Mitsúnmi ꞌën bana cuaisamasa sinani cana racuëti bërëan.

1 Corintios 6:14

Usoquin nu unio ꞌixun ca an Nucën ꞌIbu Jesús baísquimiasaribi oquin aín cushínbi nuribi baísquimiti ꞌicën.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 12:10

Usa ꞌaish cana Cristo ñuiquin aín bana unicama ñuixuncë cupí uni ꞌëmi ꞌatimati banacë ꞌianan ñuñuma ꞌianan unin bëtsi bëtsi ocë ꞌianan numi uni nishmainun bëtsi ñu cupíribi tëmëraquinbi bënëquinma tanshitin. Usa ꞌaish cushima ꞌixunbi cana Cristonën cushiocëxun ax cuëëncësabi oquin cushiñu ꞌixun ñu ꞌati ꞌain.

2 Corintios 13:9

Nux cushimasa ꞌixunbi ꞌaquincëxmi mitsux upí ꞌain cananuna cuëënin. Mitsun ñu ꞌatima ꞌacëcama mëníocë ꞌaish upíshi ꞌinun cananuna ënquinma Nucën Papa Dios mitsu ñucáxunin.

Filipenses 3:10

Usa ꞌixun cana Jesucristonën sináncësaribi oquin sinánan, anun Jesucristo baísquimia aín cushi anúan Nucën Papa Diosan ꞌë cushiocë ꞌiti cuëënin. Nucën Papa Dios cuëëncësabi oi tëmëratancëx ca Jesucristo bamacëxa. Axa tëmërasa usaribiti ꞌëxribi ainan cupí tëmërati ca asábi ꞌicën. Cristo bamasaribi oquin ꞌën ꞌuchacama ꞌatëcëntimoquin ëncë ꞌiti cana cuëënin.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.