2 Corintios 13:10 - Kashibo-Kakataibo Biblia

¹⁰ Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

Nukën 'Ibu Diosan ain unikama 'inan ain bana

¹⁰ Nucën 'Ibu Jesucristonën, mitsu 'atimoquinma an iscëx upí 'inun 'aquinun 'ë cacë 'ixun, cana mitsu isi cuantëcënxunmashi ënë quirica mitsu buánmin, cuanxun 'ën iscëxmi 'aisama 'icania cushin banaquin masá nuitumiquin mitsu catin rabanan.

2 Corintios 13:10 ပူးပေါင်းရင်းမြစ်များ

1 Corintios 4:21

¿ꞌËn mitsu ñu cai cuanti caramina cuëënin? ¿ꞌËn ñu caquinma mitsu nuibaquin upí oquinshi cai cuanti caramina cuëënin?

1 Corintios 5:4

Usa ꞌain camina ami sinánquin an cushiocëxun Nucën ꞌIbu Jesucristo cuëëncësa oquin ꞌanux timë́ti ꞌain, ꞌënribi an cushiocëxun, an ca mitsu ꞌaquinia quixun sinánxunmainun.

2 Corintios 10:2

Usai quicëbëtanbi cana mitsu cain, mitsu isi cuanquin, ꞌën isna axa ꞌëbë nicë unibëtan, Nucën Papa Diosan sinánmicëma, nunbi sinánxun bana uni ñuixuni quixuan an nu ñuicë unicama, abë banaquin cati cana sinanin. ꞌËn mitsu isi cuanxun ñu caquin catima cupía upitishi bananun camina a unicama uisa caranuna nux ꞌai quixun upí oquin ꞌunánmiti ꞌain.

2 Corintios 10:4

Usa ꞌaish cananuna ënë nëtënuaxa anun suntáru ꞌacánancë ñu anúnribi nux ꞌacanániman. Nucën Papa Diosan cushínshi cananuna axa ami nishcë unicama usai ꞌiaxma ꞌinun nëtë́miti ꞌain.

2 Corintios 10:8

Nucën ꞌIbu Jesucristonën ca aín bana mitsu ñuixunun ꞌë cacëxa, masá nuitumiquin ꞌuchoquin ñu caquinma ax quicësabi oquin ꞌanun mitsu ꞌunánminun quixun. Usoquin ꞌanuan Jesucristonënbi ꞌimicë ꞌaish cana ꞌitsa oquin mitsu caíbi rabiniman.

2 Corintios 13:2

Mitsu isi cuanx anu ꞌixun cana mitsu can, ꞌën mitsu istëcëni uxun iscë́xa an ñu ꞌatima ꞌacë unicama ꞌimainun raíri uníxribi sinanatíma usabi ꞌain, cana atu ꞌësëquin cushin cati ꞌain. Usoquin ꞌën mitsu cacësabi oquin cana ꞌura ꞌixunbi ënë quiricanën mitsu catëcënin.

2 Corintios 13:8

Cristonën bana quicësama oquin cananuna ꞌaiman. Aín bana quicësabi oquinshi cananuna ꞌain.

2 Corintios 2:3

Mitsu isi cuaniami ꞌë masá nuitumiti rabanan cana cuanquinma mitsu usaía quicë quiricashi buánmian. Buánmiquin cana sinan, ꞌëx cuani masá nuitutíma cuëënia isi camina mitsúxribi upí oquin sinani cuëënti ꞌai quixun.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Tito 1:13

A unían aín aintsi ñuicë bana ax ca asérabi ꞌicën. Usa ꞌain camina a unicama ꞌësëquin Nucën Papa Diosan bana upí oquin cuatía a bana quicësabi oi ꞌinun upí oquin sinanamiti ꞌain.