2 Corintios 12:7 - Kashibo-Kakataibo Biblia

⁷ ꞌInsíncë ꞌaish ꞌën nami paëi ꞌëx ubiti tëmëracë ꞌaínbi ca Nucën Papa Diosan ꞌëx aín nëtënu cuanxun ñu iscë cupí rabiacáti rabanan usoquin ꞌë ꞌiminun ñunshin ꞌatimanën ꞌapu ëanxa.

Nukën 'Ibu Diosan ain unikama 'inan ain bana

⁷ 'Insíncë 'aish 'ën nami paëi 'ëx ubiti tëmëracë 'aínbi ca Nucën Papa Diosan 'ëx aín nëtënu cuanxun ñu iscë cupí rabiacáti rabanan usoquin 'ë 'iminun ñunshin 'atimanën 'apu ëanxa.

2 Corintios 12:7 ပူးပေါင်းရင်းမြစ်များ

Génesis 32:25

tananankinbi ka a unin Jacob an kanantisama kushiira ꞌikë ꞌakasmakëxa, ꞌakasmakin ka aín chixu manámi aín chitëxkënu tinkirin kakëxa, tinkirin kakëx ka abë tananani Jacob chiëxkiakëxa.

Génesis 32:31

Usa ꞌain ka Jacob Penuel a inubiani kuani bari urukëbë chikíakëxa; chikíkiani kuaníbi ka abëa tananankëxuan unin aín chitëxkënu tinkirinkakë a tani ikëtishi munu kuankëxa.

Job 2:6

Ësai kia ka Diosan ñunshin ꞌatima kakëxa: —Asabi ka usa ꞌain kamina uisa kaina oisatani usakin ꞌakinbi, kamina ñutannuira ꞌatima ꞌain.

Job 2:7

Ësokian Diosan kakëx ka anuaxa abë banakë anuax ñunshin ꞌatima kuankëxa, kuanxun ka Job aín taëmiaxi chanku ꞌinsinan ꞌia aín nami kamanubi ꞌianan aín maxkánubi ꞌirunun ꞌimiakëxa.

Daniel 5:20

ꞌAínbi ka ꞌëx kana usaira ꞌai kixun sinani ax chaiira ꞌia iskin, an kuëënkësa okia uni ꞌaia Diosan aín kushi biküankëxa.

Oseas 2:6

Usa ꞌain kana muxan atun bai bëaranan anu bukukë a bëararamikin achúshi kënë ꞌati ꞌain, usakin ꞌakëxun ka aín baikama a mëratëkënkantima ꞌikën.

Mateo 26:67

Usai quiquian a ꞌurama ꞌicë uni raírinën bëtushucamainun ca raírinënribi Jesús mëëacëxa. Usoia ca raírinënribishi bëtáshcacëxa.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Lucas 13:16

¿Mitsun ñuinami usoquin ꞌacë ꞌain carana mitsusaribi ꞌaísha Abrahamnën rëbúnqui ꞌicë, ñunshin ꞌatimanën ꞌapun dieciocho baritian ꞌinsínmicë xanu, ënë anun ñu mëëtima nëtë ꞌaínbi pëxcutima ꞌain? Cana ꞌati ꞌain.

1 Corintios 4:11

Bërí nëtë́nbi cananuna bëráma ꞌiásaribiti ꞌacëñuma ꞌianan shimanan chupa upíñuma ꞌain. ꞌImainun ca unin nu bëtsi bëtsi oquin ꞌatimoia. Usa ꞌaish cananuna anu ꞌiti xubuñumabi ꞌain.

1 Corintios 5:5

Timë́xun camina a uni ñunshin ꞌatimanën ꞌapun uisoquin cara ꞌati ꞌicë usoquian ꞌanun ënti ꞌain. Usaquian ꞌacë́xa sinanacë ca a uni bamacëbi aín bëru ñunshin Nucën ꞌIbu Jesusan utëcënquin upí isti ꞌicën.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 10:5

Usaribi oquin cananuna unían ꞌatimaquin nu ñuicë bana, ꞌimainun unin anbi sinánquin, Nucën Papa Diosan bana cuaxunma ꞌanun caquin ꞌatimaquin sinánmicë banacamaribi, Nucën Papa Diosan cushínshi ñancáishi ꞌitánun nëtë́nti ꞌain. Usa ꞌain cananuna aín cushínbia ꞌimicëxun Cristo cuëëncësabi oquinshi ꞌati sinanin.

2 Corintios 11:20

A unicaman atun cuëëncësa oquin ꞌacëxunbi camina mitsun tanshitin. Atun ca mitsu ñu mëëmianan, paránxun mitsun ñu bianan, mitsux camina meu ꞌaish atubë sënë́nma ꞌai quixun canan, mitsu bëtashcaia. Usaquin ꞌacëxunbi camina tanshitin.

2 Corintios 12:1

ꞌËx rabiacacë ꞌaíshbi ca ñancáishi ꞌiti ꞌicën. Usa ꞌaínbi cana ꞌën namáquin iscësa oquin Nucën ꞌIbu Jesucristonën ismicë ñu ꞌimainun an ꞌë sinánmicë ñu a ñuiti ꞌain.

Gálatas 4:13

Camina ꞌunanin, ꞌën nami ꞌaisama ꞌixun cana bëtsi menu cuanti sinánquinbi anuxuinshi Jesucristo ñuiquin mitsu bana ñuixuntabaquin ñuixuancën.

Deuteronomio 8:14

anun rabiti kamina nux kananuna ñuñuira ꞌai kixun sinánkin Nukën ꞌIbu Dios an Egipto menua tëmërakin ñu mëëiabi mitsu chikían ami manutima sinánti ꞌain;

1 Timoteo 3:6

Bëríratsu ami catamëcë uni ax ca axa Jesucristomi catamëcë unicaman cushi ꞌitima ꞌicën. Usa ꞌixunbi ca —ꞌëx cana bëtsi unisamaira ꞌai —quixun sinánti ꞌicën. Usaribiquin rabíquin —ꞌëx cana Nucën Papa Diossaribi ꞌai —quixun sináncë cupí ca Nucën Papa Diosan ñunshin ꞌatimanën ꞌapu, Satanás, aín nëtënua chiquíancëxa. Usaribitía rabíti rabanan camina axa bëríratsu ami catamëcë uni axa Jesucristomi catamëcë unicaman cushi ꞌimitima ꞌain.

Jueces 2:3

Usa ꞌain kana bërí mitsu kain: Ënë ëmanu ꞌikë unikama kana mitsun ismainunbi chikiniman ꞌimainun ka atun rabikë dioskama ax anun mitsu paránti ꞌiti ꞌikën.