2 Corintios 12:2 - Kashibo-Kakataibo Biblia

² ꞌËn cana ësaía ꞌia ñu ꞌunanin. Axa Cristomi catamëcë uni achúshinëx ca naí cata rabë́ ꞌucë cuancëxa, Nucën Papa Diosan ꞌimicëx. Aín namibëbi cara cuancëxa, aín bëru ñunshínshi cara cuancëxa cana ꞌunaniman. Nucën Papa Diosainshi ca ꞌunánxa. Usai a uni ꞌiá ca catorce baritia ꞌicën.

Nukën 'Ibu Diosan ain unikama 'inan ain bana

² 'Ën cana ësaía 'ia ñu 'unanin. Axa Cristomi catamëcë uni achúshinëx ca naí cata rabë́ 'ucë cuancëxa, Nucën Papa Diosan 'imicëx. Aín namibëbi cara cuancëxa, aín bëru ñunshínshi cara cuancëxa cana 'unaniman. Nucën Papa Diosainshi ca 'unánxa. Usai a uni 'iá ca catorce baritia 'icën.

2 Corintios 12:2 ပူးပေါင်းရင်းမြစ်များ

1 Reyes 18:12

Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

2 Reyes 2:16

ꞌikin ka ësokin kakankëxa: —Ka kuat, ënu kananuna an mi ñu ꞌaxúnti cincuenta uni ain sinan kushibu ꞌain. Usa ꞌain kamina an mi ñu ꞌunánmikë uni a baritanun nukama xuti ꞌain, Diosan bëru ñunshina atuma buánxun aín bashinu niananbi me sapanubu nia istánun. ꞌAínbi ka Eliseonën ësai kiabi atu kakëxa: —Usama ka uibi kamina mitsun a baritanun xutima ꞌain.

Salmos 148:4

¡Naíkamë ꞌëo manami ꞌikë anribi ꞌamainun ka a manami ꞌikë ꞌumpax a kamanribi, naínuxunbi rabiti ꞌikën!

Lucas 24:51

Usaquin ñucáxuntancëxun acama ëbiani ca anua Nucën Papa Dios ꞌicë anu cuancëxa.

Juan 6:56

Ui unix cara ꞌëmi catamëti ꞌën nami pianan ꞌën imi xëacësa ꞌicë, ax ca ꞌëbë ꞌicën, ꞌëxribi cana abë ꞌain.

Hechos 14:6

ꞌËsë́nania ñuia cuabiani ca Licaonia menu ꞌicë ëma rabë́, Listra ꞌimainun Derbe, ꞌimainun a ꞌurama ꞌicë me camanuribi cuancëxa.

Hechos 22:17

Usa ꞌain cana Ananías quicësai ꞌitancëx Jerusalénu cuantëcëancën. Cuanx cana Nucën Papa Diosbë banai anuxun a rabiti xubunu cuancën. Anu ꞌixun cana namáquin iscësoquin Nucën ꞌIbu Jesús isacën.

Romanos 16:10

Apeles, camaxunbia asérabi Cristonan ꞌicë ꞌunáncancë, a ꞌimainun Aristóbulonën xubunu ꞌicëcamaribi camina bërúanxa ꞌinun ꞌë caxunti ꞌain.

Romanos 16:3

Priscila ꞌimainun Aquila, an ꞌëbëtan Cristo Jesús ñuiquin bana ñuixuncë, a camina bërúanxa ꞌinun ꞌë caxunti ꞌain.

Romanos 16:7

Adrónico ꞌimainun Junias, ꞌën aintsi rabë́, axa ꞌëcëñun sipuacë ꞌicë, a camina bërúanxa ꞌinun ꞌë caxunti ꞌain. —Atux ca asérabi upí uni rabë́ ꞌicë —quixun ca a Jesucristonën bana ñuixunun caíscë unicaman ñuia. ꞌËx Cristomi sináncëma pain ꞌain ca atux pain Cristomi sináncëxa.

Romanos 16:9

Urbano an nubëtan Cristo Jesús ñuiquin bana ñuixuncë, a ꞌimainun Estaquis, ꞌën nuibacë, aribi camina bërúanxa ꞌinun ꞌë caxunti ꞌain.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

2 Corintios 11:11

¿Uisacatsi carana usai banain? Mitsun sapi camina sinanin, ꞌën cana mitsu nuibatima quixun. Nucën Papa Diosan ca uisaira oquin carana ꞌën mitsu nuibati quixun ꞌunania.

2 Corintios 13:5

Mitsúnbi camina sinánti ꞌain, caramina asérabi Cristomi catamëti ax cuëëncësabi oi ꞌi quixun. Upí oquin ca sinan. ¿Caramina ꞌunaniman. Jesucristo ax ca asérabi mitsubë ꞌicë quixun? Asérabi Cristonanma ꞌain ca ax mitsubëma ꞌicën.

2 Corintios 5:17

Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 1:22

Usa ꞌain ca Judea menu ꞌicë ëmacamanu ꞌicë axa Jesucristomi catamëcë unicaman ꞌë ꞌunánma ꞌicën.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Efesios 4:10

Axa ënë nëtënu uá, axbi ca anuxun aín unicama camabi aín cushi anúan aín cuëëncësa oquin ꞌati a ꞌinánux abë ꞌApu ꞌi aín Papan nëtënu cuantëcëancëxa.

Deuteronomio 10:14

ꞌAínbi kamina mitsun sinánti ꞌain Nukën ꞌIbu Diosnan ka naíkamë ꞌëo ꞌimainun a ꞌurira ꞌikë ñukama ꞌimainun menu ꞌikë ñukamaxribi ka ainan ꞌikën.

1 Tesalonicenses 4:17

Usacëbë cananuna Nucën Papa Diosan ꞌimicëx, bamacëmacama nuxribi atubëbi biranani manámiquiquianx, nëtë cuin mëúcüax, Nucën ꞌIbu Jesúsbë birananuxun ꞌain. Usaquiani cuanx cananuna Nucën ꞌIbu Jesucristobë xënibua ꞌaínbi ënánantimoi ꞌinuxun ꞌain.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.

Apocalipsis 12:5

Niracëxuan caínmainun ca a xanu bëbu tuá bacë́anxa, ax canitancëx cushi ꞌixun ca camabi menu ꞌicë unían aín bana cuanun ꞌimiti ꞌicën. Usa ꞌain ca aín tita bacë́ncë ꞌicë, anua ax ꞌicë anu abë ꞌApu ꞌinun Nucën Papa Diosan buánxa.

Apocalipsis 4:2

Cacëxunshi Nucën Papa Diosan Bëru Ñunshin Upitan ꞌimicëxun cana ꞌuxúnmabi namácësa oquin naicamëꞌëonua anu tsóti upíira upí anu ꞌApuira tsóti, a isan. Isanan cana axa anu tsócë Nucën Papa Dios aribi isan.