2 Corintios 12:14 - Kashibo-Kakataibo Biblia

¹⁴ Rabëti cana mitsu isi cuan. Amiribishi mitsu istëcëni cuanti cana sinanin. ꞌËn ꞌacësabi oquin cana curíqui ꞌinánanmi ꞌë ñu ꞌináncanun mitsu ñucátima ꞌain. Mitsun ꞌë ñu ꞌinánquinmabimi mitsun ꞌë nuibati ashi cana cuëënin. Aín bëchicënën ca uni curíqui timëxuntima ꞌicën. Aín papan cuni ca aín bëchicë curíqui timëxunti ꞌicën. Usa ꞌain cana ꞌëx mitsun papasa ꞌixun mitsun curíqui bitima ꞌain.

Nukën 'Ibu Diosan ain unikama 'inan ain bana

¹⁴ Rabëti cana mitsu isi cuan. Amiribishi mitsu istëcëni cuanti cana sinanin. 'Ën 'acësabi oquin cana curíqui 'inánanmi 'ë ñu 'ináncanun mitsu ñucátima 'ain. Mitsun 'ë ñu 'inánquinmabimi mitsun 'ë nuibati ashi cana cuëënin. Aín bëchicënën ca uni curíqui timëxuntima 'icën. Aín papan cuni ca aín bëchicë curíqui timëxunti 'icën. Usa 'ain cana 'ëx mitsun papasa 'ixun mitsun curíqui bitima 'ain.

2 Corintios 12:14 ပူးပေါင်းရင်းမြစ်များ

Ezequiel 34:2

“Mix uni ꞌixun kamina ꞌë ñuikin an, Israel unikama bërúankëkama kati ꞌain: Ësai ka Dios kiaxa: ¡An Israel unibu bërúankë unikama ax ka atuxi bërúankatia! Usa ꞌain ka an bërúankë unikaman aín ñuina bërúankë usaribi ꞌixun ꞌën uni bërúanti ꞌikën.

Hechos 20:33

ꞌËn cana curíqui ñucánan chupa uibi ñucácëma ꞌain.

1 Corintios 10:24

Axa Jesúsmi sináncë unin ca ꞌënanshi ca quixun sinánquin ñu ꞌatima ꞌicën. Bëtsi uniribia upí ꞌinun ꞌaquinti sinánxun ca ñu ꞌati ꞌicën.

1 Corintios 10:33

ꞌËnribi cana camabi uníxa ꞌën ꞌaia isi cuëënun ñu ꞌain. ꞌËn cuëëncë ñu ꞌatishi sinánxun cana ñu ꞌaiman. Jesucristomi catamëtía ië́nun camabi uni ꞌaquínti sinánxun cana ñu ꞌain.

1 Corintios 11:34

Usai ꞌiimi upiti timëtiama isquian Nucën Papa Diosan mitsu castícanti rabanan camina panancë ꞌixun mitsun xubunuxun piti ꞌain. Usa ꞌain cana mitsu isi cuanxun uisai caramina ꞌicani, a mitsu mëníoxunti ꞌain.

1 Corintios 16:5

Macedonia mecamanu cuanti cana sinanin. Anu cuantancëx cana anuax mitsu isi cuanti ꞌain.

1 Corintios 4:19

Usaquin sináncëbëbi cana Nucën ꞌIbu Jesucristo cuëëncëbë ꞌitsama nëtë ꞌicëbë mitsu isi cuanti ꞌain. Cuanxun cana a unicaman cara aín cuëbitainshi banaquinma asérabi ax quicësabi oquin ꞌaia quixun isti ꞌain.

1 Corintios 9:12

Nun cananuna bëtsi unin ꞌacësamaira oquin mitsu ꞌunánmian. Usa ꞌain ca bëtsi unimi ꞌináncësamaira oquin mitsun nu ñu ꞌinánti asábi ꞌitsíanxa. Usa ꞌaínbi cananuna a ñubi mitsunua bicëma ꞌain. Mitsun nun Jesucristo ñuicë bana cuaisama tanti rabanan cananuna ñuñuma ꞌixunbi mitsu ñu ñucácëma ꞌain.

1 Corintios 9:18

ꞌËn cupí biti asábi ꞌaínbi cana cupí biquinma unicama Jesucristo ñuicë bana ñuixunin. Ñuixuni cana curíqui bitsi cuëëncësamaira oi mitsúnmi ꞌë cupíoquinmashi a bana cuati cupí cuëënin.

1 Corintios 9:19

ꞌËa unin ñu mëëmicëma, ꞌaíshbi Nucën Papa Dios cuëëncësabi oíshi ꞌiquin cana an camabi uni ñu mëëxuncë unisa ꞌixun, Cristomi catamënun unicama aín bana ñuixunin.

2 Corintios 1:15

Mitsúxmi usai nubë cuëënti ꞌunánx cana mitsu isi rabëti cuanti sinan, mitsúxmi nubë isanani cuëënun.

2 Corintios 11:9

Mitsubë ꞌaish ñuñuma ꞌixunbi cana mitsu ñu ñucácëma ꞌain. Macedonianuaxa ucë axa Jesucristomi catamëcë unicaman cuni ca ꞌën cuëëncë ñucama ꞌë ꞌinánxa. ꞌËn mitsu ꞌacësabi oquin cana mitsu ñu ñucátima ꞌain.

2 Corintios 12:13

ꞌËn bëtsi bëtsi ëmanu ꞌicë axa Jesucristomi catamëcë unicama ꞌacësaribi oquin cana mitsu nuiban, mitsúxmi atusaribi ꞌicë. Usa ꞌaínbi sapi camina mitsúnmi curíqui ꞌinánti sinántisa tancëxunbi ꞌën bicëma cupí masáquin sináncanin. ꞌËn mitsun curiqui bicëma axa ꞌaisama ꞌain camina ꞌëmi masáquin sinánquinma a ñu manucanti ꞌain.

Gálatas 4:19

Mitsux camina ꞌën bëchicësa ꞌain. Usa ꞌain cana mitsúnmi Cristo ꞌunáncëma pain ꞌain ꞌiásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

Filipenses 4:1

ꞌËn xucë́antu, mitsu nuibaquin sinánquin mitsu istisa tani cana cuëënin. ꞌËn mitsu ñuixuncëxmi Jesucristomi catamëcë cupí cana cuëëinra cuëënin. Mitsux usai ꞌicëbë cana cupí bitsi cuëëncësaribi oi cuëënin. Usa ꞌain cana nuibaquin mitsu cain, mitsun ꞌacësabi oquin camina ënquinma Nucën ꞌIbu Jesucristomi catamëquin an cacësabi oquin ꞌati ꞌain.

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.

1 Tesalonicenses 2:11

Usaribi oquin camina ꞌunanin, unían aín bëchicë ꞌacësaribi oquin cananuna mitsu achúshi achúshi upí oquin sinánmiquin ꞌësëa quixun.

1 Tesalonicenses 2:8

Usa ꞌixun cananuna ꞌitsaira nuibaquin, Jesucristomi catamëti ië́ti banaishi ñuixunquinma Nucën Papa Diosan nu ꞌunánmicë ñucamaribi mitsu ꞌunánmisaira tan. Usa ꞌixun cananuna nuibairaquin mitsu ꞌitsaira sinanin.