2 Corintios 11:6 - Kashibo-Kakataibo Biblia

⁶ ꞌËx upíira upiti banati ꞌunáncë ꞌixunmabi ꞌën ñuicë bana ax ca asérabi ꞌicën, nun mitsu ñuixuncë banacama quicësabi oi ꞌia camina nu iscan.

Nukën 'Ibu Diosan ain unikama 'inan ain bana

⁶ 'Ëx upíira upiti banati 'unáncë 'ixunmabi 'ën ñuicë bana ax ca asérabi 'icën, nun mitsu ñuixuncë banacama quicësabi oi 'ia camina nu iscan.

2 Corintios 11:6 ပူးပေါင်းရင်းမြစ်များ

1 Corintios 1:17

Cristonën ca uni nashiminun ꞌë cáma ꞌicën. Uni aín ꞌuchacama tërë́ncë ꞌaish Nucën Papa Diosnan ꞌinun ië́minux ca Cristo i curúsocënu bamacëxa quixun camabi uni canun ca Cristonën ꞌë ꞌimiacëxa. An quirica ꞌunáncë unicamaxa quicësai unin cuaisama banan banaquinma unin cuaisabi oquin, upí oquin aín bana ñuixunun ca ꞌë cacëxa.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 12:8

Nucën Papa Diosan ca aín Bëru Ñunshin Upitan ꞌimicë́xa, uni raíri sinánñuira ꞌaish upiti bananun quixun ꞌimia. ꞌImianan ca uni raírinëxa aín nuitu mëu racanaquin uisai cara quiti ꞌicë quixun sinántancëx upiti bananun quixun ꞌimia.

1 Corintios 2:13

Nunbi sináncë bana cananuna unicama ñuixuniman. Nucën Papa Diosan Bëru Ñunshin Upitan ꞌamicëxunu sináncë bana ashi cananuna axa aín Bëru Ñunshin Upíñu unicama a ñuixunin.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 12:12

Mitsubë ꞌixun cana tëmëraquinbi tanshiquin, Cristo ñuiquin bana ñuixuanan, uni itsin ꞌacëma ñu ꞌacën. ꞌËn ꞌaia isquin camina, ꞌëx cana asérabi Nucën Papa Diosan aín bana ñuixunun caíscë ꞌai quixun ꞌunancën.

2 Corintios 4:2

Uni itsimi unë́xunu ꞌacë ñucama ënquin cananuna a ꞌaínu rabínti ñu ꞌatimaribi ꞌaiman. Uni paránti sinánquinma cananuna Nucën Papa Diosan banaribi bëtsi oquinma ax asérabi quicë banaishi uni ñuixunin. Usaquin ñuixunia cuaquin ca camabi unin ꞌunánti ꞌicën, Nucën Papa Diosan iscëxun cananuna ax quicësabi oquin aín bana ñuixuni quixun.

2 Corintios 5:11

Usaquin ca Nucën ꞌIbu Jesucristonën unicama ashúshi achúshi isti ꞌicë quixun ꞌunánquin cananuna ami racuë́quin camabi unínribi ꞌunánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan ꞌunánxa. Usaquinu ꞌaiami mitsúnribi ꞌunánti cana cuëënin.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

2 Corintios 7:2

Mitsun nuitunënbi camina upí oquin sinánquin nu nuibati ꞌain. Mitsu achúshibi cananuna uisa ocëma ꞌain, mitsu achúshibi cananuna ꞌatimaquin sinánmicëma ꞌain, mitsu achúshibi cananuna paráncëma ꞌain.

Efesios 3:4

ꞌËn mitsu buánminuxun cuënëocë bana ënë isquin camina ꞌunánti ꞌain, ꞌën cana uisai quicë cara Cristo ñui quicë bana ꞌicë ꞌunani quixun.