2 Corintios 11:25 - Kashibo-Kakataibo Biblia

²⁵ Rabë́ ꞌimainun achúshi oquin ca ꞌë manë xon rishquicancëxa. Achúshi oquin ca ꞌë maxaxan ꞌacancëxa. Rabë́ ꞌimainun achúshiti ca ꞌëx anun cuancë manë nunti nanëti nëtë́acëxa. Achúshi oi cana manë nunti nëtë́cëbë achúshi imë́ ꞌimainun achúshi nëtë́nribi parúnpapa nëbë́tsinuax mëñuacën.

Nukën 'Ibu Diosan ain unikama 'inan ain bana

²⁵ Rabë́ 'imainun achúshi oquin ca 'ë manë xon rishquicancëxa. Achúshi oquin ca 'ë maxaxan 'acancëxa. Rabë́ 'imainun achúshiti ca 'ëx anun cuancë manë nunti nanëti nëtë́acëxa. Achúshi oi cana manë nunti nëtë́cëbë achúshi imë́ 'imainun achúshi nëtë́nribi parúnpapa nëbë́tsinuax mëñuacën.

2 Corintios 11:25 ပူးပေါင်းရင်းမြစ်များ

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 21:35

Cacëx cuanxa bëbaiabi ca an naë bërúancë unicaman axa ucë unicama bitancëxun bëtsi ꞌanan bëtsiribi ami mëparamë́quin mëëanan bëtsiribishi maxaxan ꞌaxa.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 14:5

Usax ca judíos uni raíri ꞌimainun judíosma uni raíriribi, acamax Iconionu ꞌicë atun cushicamabë Pablocëñun Bernabé ami nishquin ñu catancëxun maxaxan ꞌanux ꞌësë́nancëxa.

Hechos 16:33

Ñuixuncëxuinshi ca imë́bi an sipuacë unicama bërúancë unin Pablo ꞌimainun Silas anua manë xon ꞌacë aín namicama chucaxuancëxa. Chucaxuncëbë ca an sipuacë unicama bërúancë unibë axa aín xubunu ꞌicëcamaxribi Jesúsmi catamëti nashimicë ꞌiacëxa.

Hechos 16:37

Usaquian an sipuacë unicama bërúancë unin cacëxun ca Pablonën policíacama cacëxa: —Nux románo uni ꞌaish quiricañu ꞌicëbi, añu caranuna ꞌa quixun nu ñucáxunmabi, ca camabi unían ismainun rishquimitancëxun nu sipuamionxa. ¿Usaquin ꞌamionxunbi cara bërí uni raírinën isnúnma nu chiquinin? Ax ca ꞌaisama ꞌicën. Atúxbi ca nu chiquini uti ꞌicën.

Hechos 22:24

Usaría unicama ꞌia isquin ca comandantenën anua suntárucama bucucë xubunua Pablo atsínminun quixun aín suntárucama cacëxa. Canan ca, uisa cupí cara a ñui usai sharácania quixuan nu ñuixunun camina Pablo rishquiti ꞌai quixun cacëxa.

1 Timoteo 1:19

Usa ꞌaínbi ca —ësa ñu ꞌati ca ꞌaisama ꞌicë —quixun ꞌunánquinbi usaquin ꞌacë ꞌaish uni raíri Jesucristobë upiti nitsima.

Hebreos 11:37

Nucën Papa Diosmi catamëcë uni raíri ca unin maxaxan rëacëxa. Raíri ca Nucën Papa Diosmi sinánxma ꞌinun quixun unin bëtsi bëtsi ocëxa. Raíri ca unin tëarabëocëxa. Raíri ca manë xëtocën ꞌacëxa. Raírinëx ca chupañuma ꞌixun carnero rani pañuanan chivo rani pañuax cuaínbëquini niacëxa. Ñuñuma ꞌaish nuibacacë ꞌianan ca bëtsi bëtsi ocë ꞌiacëxa.