2 Corintios 11:23 - Kashibo-Kakataibo Biblia

²³ ¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

Nukën 'Ibu Diosan ain unikama 'inan ain bana

²³ ¿Atun cara Cristo ñuiquin bana ñuixunin? Sinánñuma uni quicësai cana quin, atun 'acësamaira oquin cana 'ën 'acën. Atux 'icësamairai cana bana ñuixuni tëmëracën, atu 'acësama oquin ca 'ë 'itsa oquin sipuacancëxa, atu 'acësama oquin ca 'ë 'itsa oquin rishquicancëxa, 'itsai cana bamaibi ië́acën.

2 Corintios 11:23 ပူးပေါင်းရင်းမြစ်များ

Jeremías 36:5

Usakin kuënëomitankëxun ka Jeremíasnën Baruc kakëxa: “Ka kuat, ꞌë ka anu kuainsama okin bëarakania usa ꞌain kana anuxun Nukën ꞌIbu rabiti xubunu kuainsa tanibi kuaniman.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 20:23

An ꞌunánmicëxun cana ꞌunanin, uinu ꞌicë ëmanu carana cuani anuxun ca Nucën Papa Diosan Bëru Ñunshin Upitan ꞌë caia, anuax cana sipuocancë ꞌianan unían ꞌatimocëxun ꞌaisamaira oquin tëmëranuxun ꞌai quixun.

Hechos 21:11

Bëbax nu isi uxun anun Pablo tsitëcërëquicë, a biax anun tanëacanan anun mënëacati ca quiacëxa: —Nucën Papa Diosan Bëru Ñunshin Upí ca ësari quia: Ënën ꞌibu ca ësaribi oquin nëaxun Jerusalénu ꞌicë judíos unicaman judíosma unían binun ꞌinánti ꞌicën.

Hechos 25:14

Cuanx anu ꞌitsa nëtë ꞌia ca Festonën Pablo ñuiquin cacëxa: —Ënu ca sipuacë ꞌicëa Felixnën anubi ëbiancë uni achúshi ꞌicën.

Hechos 27:1

Usaquin anua César ꞌicë Italia menu nu xuti sinántancëxun ca Agripabëtan Festonën, Pablocëñuan sipuacë uni raíriribi, an buánun quixun Julio cacë capitán a cacëxa. Julio ax ca Augusto cacë suntárucama achúshi ꞌiacëxa.

Hechos 28:16

Usari ꞌi cananuna Roma ëmanu bëbacën. Bëbacëbëtan ca capitán Julionën an bëcë sipuacë unicama a guardianën cushi ꞌináncëxa. ꞌInánan ca Pablo bëtsi xubunua ꞌinun canan an bërúanun quixun suntáru achúshi cacëxa.

Hechos 28:30

Usa ꞌain ca Pablo aín xubunu ꞌiquin xubu ꞌibu cupíoi anu rabë́ baritia ꞌiacëxa. Anu ꞌixun ca axa a isi ucë unicama nuibaquin biacëxa.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

Romanos 8:36

Ësai ca Nucën Papa Diosan bana cuënëo quia: Nuxnu minan ꞌicë ca unin numi nishquin nuibaquinma nu bëtsi bëtsi oia. ꞌAracacë ñuinacama ꞌanuxun ꞌacësa oquin ca nu ꞌaisa tanquin bëtsi bëtsi oia.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 3:5

¿ꞌËx Pablo ꞌaish carana min sináncëx uisa uni ꞌain? ¿Mitsun sináncëx cara Apolo uisa uni ꞌic? Nucën Papa Diosan nu sinánmicësabi oquin mitsu bana ñuixuncëishi cananuna nux ꞌain. Nun aín bana ñuixunia cuati camina Nucën ꞌIbu Jesucristomi catamëacën.

1 Corintios 4:1

Mitsun camina ꞌunánti ꞌain, nux cananuna an ꞌamicëxun Cristomi catamënun unicama aín bana ñuixuncëishi ꞌain. Usa ꞌaish cananuna unían ꞌunánma ꞌicëbi, usai Cristomi catamëti ca uni ainan ꞌinux ië́ti ꞌicë quixuan Nucën Papa Diosan sinan bana, a uni ñuinun ꞌimicë ꞌain.

1 Corintios 4:11

Bërí nëtë́nbi cananuna bëráma ꞌiásaribiti ꞌacëñuma ꞌianan shimanan chupa upíñuma ꞌain. ꞌImainun ca unin nu bëtsi bëtsi oquin ꞌatimoia. Usa ꞌaish cananuna anu ꞌiti xubuñumabi ꞌain.

1 Corintios 4:9

Usami mitsux ꞌaínbi ca ꞌën sináncëxun Nucën Papa Diosan nu uni raíri meuira ꞌimiaxa, aín bana ñuixunun Jesusan caíscë nux ꞌicëbi. Unían —ꞌuchañu ꞌaish ca bamati ꞌicë —quixun ñuicë unisa cananuna nux ꞌain. Nuxnu usaquin unin ñuicë ꞌicë ca unicama ꞌimainun ángelcamanribi ꞌisia.

2 Corintios 10:7

Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

2 Corintios 11:5

Mitsúnmi, ꞌësamaira isa a unicama mitsun aín bana cuacë, ax ꞌicë quixun sináncëbëbi, cana ꞌën sináncëx ꞌëx atu meuma ꞌain.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

2 Corintios 4:11

Jesusan ca nu ië́miquin ꞌaquinia quixun camabi unin isnun ca nun aín bana ñuixuncëbë uni raíri nëtëtima nu bamamicatsi quiax ꞌësë́nania.

2 Corintios 6:9

—Uínbi ꞌunáncëma ca a uni ꞌicë —quiax nu ñui quicancëbëbi ca raíri —nun ꞌunáncë ca Pablo ꞌimainun abë ꞌicë unicama ꞌicë —quia. Bamatisa ꞌaíshbi cananuna ië́an. Usai ꞌínu upiti ami catamëti ꞌunánti cupía Nucën Papa Diosan nu castícancëxbi cananuna bamacëma ꞌain.

Gálatas 6:17

Nucën ꞌIbu Jesúsnan ꞌicë unin bëtsi bëtsi ocë cupí, ꞌën nami tëacë mocë, aín bërucama isquin ca ui uni cara, anbi, ꞌëx cana asérabi Nucën ꞌIbu Jesusan uni ꞌai quixun ꞌunánti ꞌicën. ꞌUnánquin ca uisa uni carana ꞌai quixun ꞌë ñucátëcëntima ꞌicën.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Efesios 6:20

Cristo ñuiquin bana ñuixunuan Nucën Papa Diosan ꞌimicë ꞌaish cana a ñuiquin uni bana ñuixuncë cupí sipuacë ꞌain. Sipuacë ꞌixunbi an ꞌë cacësabi oquin racuë́quinma a bana upí oquin ñuixunun camina ꞌë Nucën Papa Dios ñucáxunti ꞌain.

Filipenses 1:13

ꞌApun suntárucama ꞌimainun camabi unínribi ca ꞌunania, Jesucristo ñuiquin uni bana ñuixuncë cupí cana sipuacë ꞌai quixun.

Filipenses 2:17

Mitsun camina tëmëraquinbi Jesucristomi catamëquin ax cuëëncësabi oquin ꞌaquin Nucën Papa Dios rabin. Mitsúxmi usai ꞌicëbë cana ꞌën mitsu ꞌaquincë cupí mitsux ꞌicësaribiti cuëënin. Cristomi sináncë cupí sapi cana bamati ꞌai quixun ꞌunanibi cana masá nuitutíma mitsúxmi ꞌicësaribiti cuëënin.

Colosenses 1:24

Mitsux ainan ꞌinun ꞌëx tëmëracë cupí cana cuëënin. Usai ꞌi cana Cristonëan camabi uni ainan ꞌinun tëmëra ꞌain, ꞌëxribi camabi menu ꞌicë unicama a ꞌunánti cupí tëmëraíbi cuëëinra cuëënin.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

1 Tesalonicenses 3:2

nucën xucën Timoteo mitsu istánun quixun xuti cananuna sinan. Anribi ca ami sináncë ꞌixun —Jesucristomi catamëti ca uni ainan ꞌiti ꞌicë —quixun Nucën Papa Diosan bana nubëtan camabi uni ñuixuanxa. Usa ꞌixun ca cuantancëxun an mitsúxmi Jesucristonan ꞌaish tëmëraíbi ami manuaxma ꞌinun upí oquin ꞌësëquin mitsu cushioti ꞌicën. Mitsúnbi camina ꞌunanin, Nucën Papa Diosan unicamax ca bëtsi unían bëtsi bëtsi ocë ꞌiti ꞌicë quixun.

1 Timoteo 4:6

ꞌËn mi cacë bana ënë axa Jesucristomi catamëcë unicama ñuixuncë ꞌaish camina an Jesucristo cuëëncësabi oquin bana ñuixuncë ꞌiti ꞌain. ꞌIanan camina ami ñuixuncë bana upí oquin ꞌunánquin a banaxa quicësabi oquin ꞌati ꞌain.

2 Timoteo 1:16

Usa ꞌaínbi ca Onesíforonën ꞌëx masá nuitucasíabi ꞌë ꞌësëquin ꞌë cuëënmiaxa. Romanu ax bërí ucë ꞌixun mëracatsi bënë́quin bariquinbi ꞌacasmapantancëxun ꞌë mërax ca ꞌëx sipunu ꞌaínbi rabinima ꞌitsai ꞌë isi uaxa. Usa ꞌain cana Nucën ꞌIbu Diosan Onesíforonën xubunu ꞌicëcama nuibaquin ꞌaquinti cuëënin.

2 Timoteo 1:8

Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.

Filemón 1:9

Usa ꞌaínbi cana —ꞌë nuibaquinshi camina ëx cuëëncësabi oquin ꞌati ꞌai —quixun sinánquin mi cain. ꞌËx cana Pablo, caniacëcë uni ꞌaish, Cristo ñuiquin uni bana ñuixuncë cupí sipuacë ꞌain.

Hebreos 10:34

Usa ꞌixun camina Jesucristomi catamëcë cupía sipuacë unicama nuibaquin ꞌaquiancën. Mitsumi nishquian mitsun ñu bicancëbëbi camina masá nuitutíma usabi cuëëancën. —Ënë nëtënuax ñuñu ꞌaish cuëëncësamaira oi cana Nucën Papa Diosnan ꞌaish aín nëtënu nëtë́timoi abë ꞌiti ꞌai —quixun sinani camina cuëëancën.