2 Corintios 11:16 - Kashibo-Kakataibo Biblia

¹⁶ Amiribishi cana mitsu cain, mitsúnmi —sinánñuma ca —quixun ꞌë sinánti cana cuëëniman. —Sinánñuma ca —quixun ꞌë ñuiquinbi camina ꞌën mitsu cacëxun cuati ꞌain, an ꞌë ñuicë unicamaxa ꞌicësaribiti ꞌitsamashi ꞌëx rabiacamainun.

Nukën 'Ibu Diosan ain unikama 'inan ain bana

¹⁶ Amiribishi cana mitsu cain, mitsúnmi —sinánñuma ca —quixun 'ë sinánti cana cuëëniman. —Sinánñuma ca —quixun 'ë ñuiquinbi camina 'ën mitsu cacëxun cuati 'ain, an 'ë ñuicë unicamaxa 'icësaribiti 'itsamashi 'ëx rabiacamainun.

2 Corintios 11:16 ပူးပေါင်းရင်းမြစ်များ

2 Corintios 11:1

Sinánñuma uni ꞌicësai ꞌëx rabiti banaiabi mitsun ꞌën bana cuati cana cuëënin. Usai banaiabi ꞌën bana cuatibi camina ꞌicanin.

2 Corintios 11:19

Mitsun, nux sinánñuma ꞌimainun ismina mitsux sinánñuira ꞌai quixun sinánquinbi camina a unicamax banaia cuëënquin cuatin, atúxa sinánñuma ꞌicëbi.

2 Corintios 12:1

ꞌËx rabiacacë ꞌaíshbi ca ñancáishi ꞌiti ꞌicën. Usa ꞌaínbi cana ꞌën namáquin iscësa oquin Nucën ꞌIbu Jesucristonën ismicë ñu ꞌimainun an ꞌë sinánmicë ñu a ñuiti ꞌain.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

2 Corintios 12:6

Rabiacátisa tani ꞌëx quicëxbi ca ꞌën bana, cëmëma ꞌaish sinánñuma uni banacësa ꞌitima ꞌicën. Usa ꞌaínbi cana rabiacatima ꞌain. ꞌËx rabiacatiamabi camina ꞌën ꞌacë ñucama isanan ꞌën bana cuaquin mitsun uisa uni carana ꞌëx ꞌai quixun ꞌunánti ꞌain. Usaribi oquin camabi unin ꞌë ꞌunánti cana cuëënin.

2 Corintios 5:13

Uni raírinëan, nux cananuna ñunshíncësa ꞌai quixun sinánmainunbi cananuna Nucën Papa Dios ax cuëëncësabi oquin ñu ꞌain. Usaribi oquin cananuna raíri unínribia, nux cananuna ñunshíncëma asábi ꞌai quixun sinánmainun, mitsúxmi upiti Nucën Papa Diosmi sináncë ꞌinun, aín bana mitsu ñuixunin.