2 Corintios 11:15 - Kashibo-Kakataibo Biblia

¹⁵ Usaribiti ca ñunshin ꞌatimanën ꞌapúan sinánmicë uni, ax bëtsi unían iscëx an ñu upí ꞌacë unisa ꞌicën. Usa ꞌaíshbi ca asérabi Nucën Papa Diosmi sinánquin ñu ꞌacëma ꞌaish Nucën Papa Diosnanma ꞌicën.

Nukën 'Ibu Diosan ain unikama 'inan ain bana

¹⁵ Usaribiti ca ñunshin 'atimanën 'apúan sinánmicë uni, ax bëtsi unían iscëx an ñu upí 'acë unisa 'icën. Usa 'aíshbi ca asérabi Nucën Papa Diosmi sinánquin ñu 'acëma 'aish Nucën Papa Diosnanma 'icën.

2 Corintios 11:15 ပူးပေါင်းရင်းမြစ်များ

2 Reyes 5:13

ꞌAínbi ka an ñu mëëxunkë unikaman a ꞌurama okin kakëxa: —ꞌËn ꞌIbu, an Dios kikë bana ñuikë unían, ñu tëira ꞌanun kakëxun kaina, ¿min ꞌakë ꞌitsían? Usa ꞌain kamina an kakësabi oi nashi min ꞌinsínkëkama pëxkúti ꞌain.

Hechos 13:10

Ñachaquin ca cacëxa: —Cëmë camina mix ꞌain. ꞌIanan camina ꞌatima uni ꞌaish ñunshin ꞌatimanën sinánmicë ꞌain. Usa ꞌixun camina min ñu upí cuëëniman. Nucën ꞌIbu Diosan banaxa cuaisa ꞌaish upí ꞌaínbi ¿caramina min uisa cupí a cuaxunma ꞌanun quixun uni paranin?

Romanos 2:6

A nëtën ca Nucën Papa Diosan camabi uni uisaquin cara oti ꞌicë quixun isti ꞌicën, atun ñu ꞌacësabi oquin.

Romanos 3:8

¿Usa ꞌain caranuna uisacasquin ñu ꞌatima ꞌaiman?, Nucën Papa Diosan sinan ca upí ꞌicë quixun unicaman ꞌunánun. Usai ꞌuchati ca asábi ꞌicë ca Pablo ꞌimainun abë ꞌicë unicama quia quiax ca bëtsi bëtsi uni nu ꞌatimoti sinani nu ñui quia. Usaía ax quicë unicama a ca Nucën Papa Diosan ꞌuchoquin castícanti ꞌicën.

1 Corintios 9:11

Nun mitsúxmi Jesúsmi catamënun Nucën Papa Diosan bana ñuixuncëxunmi mitsun nun piti ñu nu ꞌinánti ca asábi ꞌicën.

2 Corintios 11:13

A unicamax ca —Cristo unicama ñuixunun ca Nucën Papa Diosan nu ꞌimiaxa —quiax quia. Usai quibi ca asérabi usama ꞌicën. Cëmëquinshia an uni paráncë ca atux ꞌicën.

2 Corintios 11:23

¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

2 Corintios 3:9

Moisésnëan uni ꞌinan banaxa upíira upí ꞌaínbi ca a bana quicësabi oquin ꞌacëma ꞌaish uni Nucën Papa Diosan ꞌuchocë ꞌia. Usa ꞌaínbi ca a ñui quicë bana cuati Cristomi catamëti aín ꞌucha tërë́ncë ꞌaish uni Nucën Papa Diosan ꞌuchocë ꞌima. Usa ꞌain ca Moisésnën cuënëo banasamaira ꞌaish Cristo ñui quicë banax upí ꞌia.

Efesios 6:12

Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

2 Pedro 2:3

A unicaman ca mitsun curíqui biti cupíshi cëmëquin paránquin Nucën Papa Diosan banamabi, anbi sináncë bana mitsu ñuixunti ꞌicën. Usaquian ꞌacë cupí ca ië́tima cëñúti ꞌicën, usai atux ꞌitia Nucën Papa Diosan mëníosabi oi.

Judas 1:4

Uni raírinëx ca parani mitsubë timëtia. Mitsubë timë́xunbi ca mitsun sináncësabi oquin sinanima. A unicamax ca ësai quia: Nucën Papa Dios upí ꞌixun ca nux cuëëncësa oquinshi ñu ꞌaiabi nu uisabi oimá. Usaquin sinánquin ca ꞌaisama ñu ꞌaia. ꞌAi ca —ꞌëx cana Nucën Papa Diosnan ꞌai —quibi axëshi nun ꞌIbu, ax cuëëncësabi oi ꞌima. —ꞌËx cana Nucën ꞌIbu Jesucristonan ꞌai —quixunbi ca aín bana quicësabi oquin ꞌaima. Usa uni ñui ca Nucën Papa Diosan bana cuënëo quia, usaía ꞌicë unicamax ca ꞌaisamaira oquin ꞌuchocë ꞌiti ꞌicë quiax.

Apocalipsis 13:14

Parúnpapanuax uaxa ꞌirucë ñuinacanꞌëon ismainun, usoquin ꞌanúan Nucën Papa Diosan ëncëxun ca unían iscëma ñu ꞌanan acëma ñuribi ꞌaquin, ënë menu ꞌicë unicama paránxa. Paránan ca a ñuinacanꞌëo parúnpapanuax uaxa ꞌirucë axa manë xëtocën motisama oquin tëacë ꞌaíshbi mocë, abi tanquin a iscësaribi ꞌitánun ꞌanun uni ꞌamiaxa.

Apocalipsis 13:2

A parúnpapanuax uax ꞌirucë ñuinacanꞌëox ca paru ꞌinúansa ꞌianan aín taë xaë́on taësa ꞌianan aín cuëbitax ꞌinúan cuëbísa ꞌiaxa. A parúnpapanuax uax ꞌirucë ñuinacanꞌëo ca capë́sa ñuinacan aín cushi ꞌinánan, aín bana cuacësaribi oquin aín bana cuanan unicaman an sinánmicësa oquin ꞌanun ꞌimiaxa.

Apocalipsis 9:11

A chanpucaman ꞌapu ax ca quini chaira ꞌaish nëmíinra anu ꞌicë ñunshíncaman cushi ꞌiaxa. A ñunshinan anëx ca hebreo banan cacë Abadón ꞌicën, griego banan cacë ca Apolión ꞌicën.