2 Corintios 10:7 - Kashibo-Kakataibo Biblia

⁷ Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

Nukën 'Ibu Diosan ain unikama 'inan ain bana

⁷ Mitsun camina uisaira caranuna nux 'ai quixun isti 'ain. Asérabi camina Cristonan 'ai quixun sinánquin camina 'unánti 'ain, nuxribi cananuna Cristonan 'ai quixun.

2 Corintios 10:7 ပူးပေါင်းရင်းမြစ်များ

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Juan 7:24

Bëtsi unían ñu ꞌaia isi camina bënëtishi —an ca ñu ꞌatima ꞌaia —quiax quitima ꞌain. Usai ꞌiquinma camina munu upí oquin sinánquin ꞌunánti ꞌain, usoquin ꞌati cara asábi ꞌicë, cara asábima ꞌicë quixun.

1 Corintios 1:12

Usoquian cacëxun ꞌën sináncëx ca ësa ꞌicën: mitsu raírinëx ca ax isa ꞌën ꞌunánmicë ꞌicë quia. Quimainun ca raírinëxribi ax isa Apolonën ꞌunánmicë ꞌicë quimainun, raírinëxribishi ax isa Pedronën ꞌunánmicë ꞌicë quimainun raírinëxribishi ax isa Cristonën ꞌunánmicë ꞌicë quiax quia.

1 Corintios 14:37

Micama an Nucën Papa Diosan sinánmicëxun uni bana ñuixuncë ꞌimainun a aín Bëru Ñunshin Upitan sinánmicë unicama, mitsun camina ꞌunánti ꞌain, ꞌën mitsu cuënëoxuncë banacama, ënëx ca an ꞌë sinánmicëxun ꞌacë ꞌicë quixun.

1 Corintios 15:23

Nucën Papa Diosan mëníosabi oi ca Cristo pain baísquiacëxa. Baísquitancëx naínu cuan ꞌaísha ax utëcëncëbë ca aín unicama baísquiti ꞌicën.

1 Corintios 3:23

ꞌIanan camina Cristonan ꞌain. Cristo ax ca Nucën Papa Diosnan ꞌicën.

1 Corintios 9:1

Nucën ꞌIbu Jesusan aín bana uni ñuixunti caísa cana ꞌëx ꞌain. An caíscë unicaman ꞌacësaribi oquin cana ꞌënribi Nucën ꞌIbu Jesús isacën. ꞌËn aín bana ñuixuncë cupí camina mitsúxribi ami catamëtin. Usa ꞌain camina mitsúnbi ꞌunánti ꞌain, ꞌëx cana asérabi a usaquin ꞌanúan Nucën Papa Diosan caísa ꞌain.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 11:18

ꞌItsaira uníxa ënë nëtënu ꞌicë ñuishi sinani rabiacacësaribi oi cana ꞌëxribi rabiacati ꞌain.

2 Corintios 11:23

¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

2 Corintios 11:4

Mitsun camina uni itsían nun ꞌacësabi oquin Jesusan bana ñuixunquinma, a bana bëtsi oquin ñuixuncëxun cuatin. Cuanan camina Nucën Papa Diosan Bëru Ñunshin Upitan sinánmicëma, bëtsi ñunshinan sinánmicë unicaman mitsu ñuixuncëxun a bana cuatin. Cuanan camina Jesucristo cupía Nucën Papa Diosan nu ië́miti a bana pain cuaxunbi ënquin bërí bëtsi bana, unin ñuixuncë, aribishi cuacanin.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

2 Corintios 13:3

Mitsun camina upí oquin ꞌunántisa tan, carana Cristonën sinánmicësabi oquin unicama bana ñuixuni quixun. ꞌËx mitsu isi amiribishi cuanxun, an ñu ꞌaisama ꞌacë unicama cushin cacëbëtan, camina ꞌunánti ꞌain, Cristo ax ca asérabi ꞌëbë ꞌicë quixun. Cristo ax ca cushiñúmama ꞌicën. Usa ꞌixun ca mitsu sinanamianan ami catamëtími upí ꞌinun ꞌimiquin, aín cushi mitsu ismiti ꞌicën.

2 Corintios 5:12

Nuxbi rabíacatëcëni banaquinma cananuna mitsun uisa caranuna nux ꞌai quixun ꞌunánquin axa nu ñui banacë unicama canun quixun usaquin mitsu can. A unicaman ca —nux cananuna upí ꞌai —quixun uni sinánmisa tanquinbi aín nuitu upí ꞌiti sinanima.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

1 Juan 4:6

Usa ꞌaínbi cananuna nux Nucën Papa Diosnan ꞌain. Ainan cupí ca uicaman cara ainan ꞌixun a ꞌunánxa an cuni nun bana cuatia. Usa ꞌaínbi ca Nucën Papa Diosnanma unin nun bana cuatima. Usa ꞌain cananuna ꞌunánti ꞌain, uin cara nun bana cuatia ax ca Nucën Papa Diosan sinánmicë ꞌicë quixun. Usaribi oquin cananuna ꞌunánti ꞌain, uin cara nun bana cuatima, ax ca Nucën Papa Diosan sinánmicëma, ñunshin ꞌatimanën sinánmicë ꞌicë quixun.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”